| | |
 |  |  |
|
رقم المشاركة : [1]
December 11th, 2003, 03:11 PM
| ||||||||||||
| ||||||||||||
 مصطلحات نجدية .. وش رايكم نجمع أكبر قدر من المصطلحات النجدية وأنا ببتدي :  " مير " اختلف المترجمون في تفسير هذه الكلمة ، واتفقوا أن هذا المصطلح مال أمه داعي ، ولا له موقع من الإعراب ، يوضع لتزيين الجملة ،، مثال : الله مير يسلمك ، الله مير ياخذك " غديه " وتعني : كوده !! ،، وفسر الماء بعد الجهد بالماء " ومصع " دعوة عند القصمان وتأتي بعدة أوزان : مصع ، يمصع ، ممصوعا ،، مثال : جرّن مير يمصعن " ياهملالي " ...منتشرة عند النحوتين والنظولين ، مثال : مزنة : مادريتي نورة توظفت ؟ ،، حصة : ياهملالي عندها واسطة ،،، منقهررررة " من تلالتنا" من حمبنا " واخزياه " مصطلح ينتشر عند بعض الناس يقالهم مستحين ، وهم وجيه بن فهرة ، " ووجه بن فهرة هو الوجه المغسول بمرق " " أويق " هذه الكلمة تنتشر عند البلوغين أي الملاقيف ، معناها أناظر وأناظر وأيضا بمعنى أشوف !! ،، مثال : حصه : خير وش عندتس رازتن خشتس عند الدريشة " النافذة " ؟؟ ،، مزنة : أبد ، أويق على اللي يفحطون " أعبطه " أعجنه واسوي به فطاير " قوه " كلمة من أصل إنقليزي " والله محنا بسهلين " معناها تخاويني؟ ، مثال : حصة : قوه معي للسوق ،، مزنة : مشينا ، كلش إلا السوق ، تخاويها وهي مغمضة " حوّل " وراكم طيرتوا عيونكم بي ، ترى منيب بالنجدة ، بس حوّل يعني : انزل " شنق " تعني : جهة " هماه " وتجي بمعنى " مب كذا - مو " " نيم " وتعني : نائم " تهقى " تعني : تظن؟ ، والاسم منها " هقوتي " اي أغلب ظني ،، مثال : حصة : تهقين نورة تجي ؟ " بوه " أهم مصطلح عند القصمان ويوضع بآخر الكلمة مثال : وشبوه ، جبتوه ، مادريتبوه ، وينهوبوه، وتقول هالكلمة وأنت ماط بوزك شوي " يهوجس " سرحان ، يفكر يالله اللي بعدي هات ماعندك
| ||||||||||||
 |  |  |
| | | |
|
December 11th, 2003, 11:08 PM
| رقم المشاركة : [2] | ||||||||
 | السلام عليكم مساء الخير سمو الروح....منوره ...والله موضوع يخوف نخاف يشبون علينا القصمان ويحوسونا  " وراك" وراك تضحك,,, وراك تناظر.. ..((بمعنى وش فيك )) " يبحلق" شفه يبحلق فينا,,,,,يبحلق في البنت هذي,,,,(( بمعنى يناظر)) "متوزي" فلان متوزي ورى الباب,,, ساره متوزيه في الدولاب,,(( بمعنى متخبّيه)) سيووووووووووووو :arrow: | ||||||||
| | | |
| | | |
|
December 12th, 2003, 01:33 PM
| رقم المشاركة : [3] | ||||||||||
| " مير " اختلف المترجمون في تفسير هذه الكلمة ، واتفقوا أن هذا المصطلح مال أمه داعي ، ولا له موقع من الإعراب ، يوضع لتزيين الجملة ،، مثال : الله مير يسلمك ، الله مير ياخذك <<<<<<<<<<< ياكثر مايقولهاأضافة أبك: وتقال عند الغضب " أبك انت وراك ماتفارقني خخخخخخخخخخخخخخخ توحي: والظاهر هذي بعد سمو مال امها داعي بس يالله توهقنى وتقال عندما تطرح سالفة او معلوومة وبعدين يسألك صاحبها انت توحي ولا ماتوحي سلااااااااااااااااااااام :fa12rs: | ||||||||||
|
التعديل الأخير تم بواسطة wsem_7ayr ; December 12th, 2003 الساعة 08:30 PM,
| |||||||||||
| | | |
| | | |
|
December 12th, 2003, 02:15 PM
| رقم المشاركة : [4] | ||||||||
| واللههههههههه فاااااااااااضيةةةةةةةةةة أووووووووي بسسسسسسسسس جميلةةةةةةةةةةةة منكككككككككككك هالمعلووووووووووومات 0 | ||||||||
| | | |
| | | |
|
December 12th, 2003, 03:05 PM
| رقم المشاركة : [5] | ||||||||||
| ابك= عتيبيه خخخخخخخخخخخخخخخخخخ بدون تعليق يسلمو سمو | ||||||||||
| | | |
 |
| الكلمات الدليلية |
| مصطلحات, نجدية |
| أدوات الموضوع | |
| انواع عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ..(( شوق , وله , ... )) .. | عنووود الخالد | منتدى الشعر | 4754 | January 8th, 2009 08:26 PM |
| مصطلحات سعوديـــه ,,, تضحــك | gold | منتدى النكت والطرائف | 4 | September 26th, 2003 05:19 AM |
| مصطلحات | فتى | منتدى الفرفشه والتعليقات والصرقعه | 10 | September 5th, 2003 05:02 AM |
| مصطلحات حساويه | gold | منتدى النكت والطرائف | 4 | June 28th, 2003 07:24 AM |
 |  |
العرض العادي
