[poet font="Simplified Arabic,5,black,bold,normal" bkcolor="transparent" bkimage="backgrounds/8.gif" border="double,4,gray" type=0 line=200% align=center use=ex length=0 char="" num="0,black" filter=""]
للشاعر : نواف الحمود الشمري

ادمعي ياعين وانزف ياوريد =واحزني يا أرض واركع ياحزن

يوم مات الحاتمي ابن الرشيد =مالنا كود التوجد يازمن

والله انك ياطلال اغلى فقيد =والله انك للوطن كنت الوطن

والله ان بموتتك مات القصيد =كلنا في موتتك صرنا كفن

والله انك كنت سيد وكنت سيد =ولايزال الخير يذكرك بحسن

يالشديد ابن الشديد ابن الشديد =يانصير ٍ للعباد بلا ثمن

صادك الموت الغبن وانته تصيد =والغبن انّا نموت من الغبن

لعنبو وقت ٍ ذبحنا من جديد =في زمان من التخلف والفتن

رحمة الله ياطلال ابن الرشيد =كلنا لك ياولد حاتم كفن

[/poet]

[poet font="Simplified Arabic,5,black,bold,normal" bkcolor="transparent" bkimage="backgrounds/8.gif" border="double,4,gray" type=0 line=200% align=center use=ex length=0 char="" num="0,black" filter=""]
الشاعر : محمد هنيدي القنياوي


قال القنياوى أبيوت(ن)أجدادي=الجاش طبعه للحزن صار معتاد
يالله ياللى لك أعبادك تنادي=بأسمك بديت القاف وأسمك هو الباد
من بعد بدع القاف صغت أجتهادي=ماهوطرب لاشك من زودالأنكاد
عم الحزن شمّروكل البلادي=وحايل حزينه دمعها صاريزداد
تقول أنا مجبوره أعلن أحدادي=ماهمنى لوقالو الناس بأعياد
وأجاءحزين وزاد حزنه سوادي=مبكيه موت الضيغمي قرم الأولاد
وسلمى تهل أدموعها بأزديادي=صارت حزينه تخفى الدمع مافاد
شفت الرعيله قالت الحزن عادي=تبكى طلال وعافت أفراح الأعياد
وعزى لجلديه بها الهم زادي=تقول عزيلي من الحزن لاعاد
وصيحات (برزان)أعتلت له ينادي=يقول قفى عزنا نسل الأجواد
وأصبح سهير ولايعرف الرقادي=ماهو مصدق دايم الدوم نشّاد
أقفى طلال العزسقم المعادي=مرحوم ياللى بالوفاءدوم معتاد
موارث أشيوخ(ن)أعلومه وكادي=اللى بنوفي نجد تاريخ وأمجاد
موته قهرحتى أدياره أبعادي=بأرض الجزايروالسبب ناس(ن)أوغاد
ليتى بقربه كان بروحي أفادي=أموت وهو يبقى لنادرع وأسناد
ياقبر أنا بأوصيك وقت العيادي=ضيفك ترى شيخ(ن)له الطيب ينقاد
خلك وسيع أبطان حاديه حادي=موته دنى حطوه في وسط الألحاد
أحسن أحسابه ياألاه العبادي=وأجعله في جنات خلد(ن)للأسعاد
ماجور يانواف عش في جلادي=أنته شبل مامات والدك بك عاد
وعبالعزيز أصبر ترى الصبرزادي=ماجورياشبل(ن)به العز(يزداد)
الصبردام الوقت كله أجهادي=لاشك هذي قسمة الله وماراد
لوالبكى يرِجع طليق الأيادي=بكيت طول الدهر لاشك ماعاد
حايل وشمر كلها لك تنادي=وأنا بعد هليت دمعى ولافاد
[/poet]

اخوي .... فتى الخبر ...

تعجز الكلمات عن شكرك ... جزاك الله خيرا .. على نقل هذه المراثي .

اسئل الله ان يرحم الامير الشاعر ... ويسكنه فسيح جناته ...

اخوك راهي

أخي الغالي .. راهي ..

لا شكر علىواجب .. هذا أقل ما نستطيع تقديمه لسمو الأمير غفر الله له ..

و ما هذه القصائد إلا دليل على حب الجميع له ..

أشكرك على تفضلك بالمرور و تسجيل الرد ..

تقبل تحياتي و تقديري ,,