فدوة لك كل وجه قد لقيته
في بعادي عنك يا حبي الكبير
في غيابك الشقا..كله شقيته
وقلبي اللي تذكره..ماهو بخير
كم صعيب بعد فرقاكم مشيته
وكم حلم بقربكم..عيا يصير
زرع عمري في خيالي قد سقيته
بالخزن..والهم..واللوم الكثير
وفي عيوني مثل اشواقي رعيته
وخانت الايام مجروح الضمير
قال:فرقى..وقلت..يرخص ما بغيته
عادتي ما كنت في قوله اشير
ناوي ذبحي..وانا..حبه..نويته
ناوي..غدري..وانا كنت الغدير
تذرف دموعي الى مريت بيته
واذكره وابكي على ظلم المصير
باتعزز في الملا اني نسيته
وليلي الذكرى..وانا فيها اسير
وملين شفته باتناسى ما بنيته
وكيف كان الحب الاول والاخير
كيف..باع..وكيف بأنفاسي شريته
كيف دمرني مثل بيت صغير
ليت يدري..ما طوى قلبي ياليته
وليت ادري عن سبب لغز يحير
هو سلاني .. واشهد اني ما سليته
خالي باله.. وانا..بالي كسير



واتمنى تعجبكم


والقصـــــــــيدة منــــــــــــــــقــــــــــــــــــــولة