ياللي جرحت القلب بيدك وانا اشـــوف
حرام قلبك ليه مابه رفافـــــــه
ارحم جريحن طاح وبحالــــــته روف
اللي حياته لجل فرقاك عافــــــه
تركتني في ظلمه الخوف وكســـــوف
والبستني ثوب الشقا والكسافــــه
يابو جديلن فوق الامتان منســـــوف
تلحق على روس الشطايا ضفافـــه
وعيون سود وخدود ونهــــود وردوف
واليا ابتسم تجذب عيونه دهافــــه
وجسمن حسين الطول والخصر منحــوف
عليه من تفصيخ ثوبه كلافـــــه
والورك والفخذين والساق ملفــــوف
والوجه ناعم مااشتكى من جفافـــه
ادعج غنج بالملح والزين موصــــوف
من ينهبه يملك عذر لاختطافــــه
في حب ذاك الزين مغرم ومشغـــوف
اللي جمع بين الجمال وعفافـــــه
واوجد حالي وجد من جيب مكتــوف
حطوه في سجنه وشدوا كتافــــه
مطلوب دم ولحظه الجرم مشيـــوف
واخو القتيل اللي له الثار شافـــه
ومن جيب للتحقيق بادوه بكفــوف
وسجل بتقرير السجون اعترافـــه
عليك ياللي لاجلك الدمع مـذروف
دمعي على فرقاك زاد انذرافــــه
انا على لقياك يانور ملهــــوف
والقلب هم البعد والود لافــــه
بالقلب من فرقاك هاجس ولا فوف
يزود مع زايد جفاك التفافــــه
صارت..دقاته لها رجف ورجوف
وزود الجفا والصد زاد ارتجافــه
يانور باسمك صرت البي وانا اطوف
وكلن يلبي للولي في طوافــــه
في ليل مظلم واعتلى فوقه الطوف
واطلق عنان الصوت باخر مطافـه
سوي ولو مره بدنياك معـروف
تمالكي قلبن بدا به كلافــــه
اجاوب النايح الى ناح برفـوف
واقنب كما ذيبن عوى الجوع حافه
روفي بحال اللي طعنتيه بالجـوف
اللي على شانك حلا النوم عافـه
اعفي عن اللي بين اياديك موقوف
وفكي قياده واسمحي بانصرافـه
وردي علي وبددي ظلمه الخوف
لاتتركيني في هوان ومخافـــه






تقبلوا تحياتي :: هــــاجــــوس الــلـــيـــل
ccmm911@hotmail.com