الوسم جانا بالمزون الرواعيد =واهل القنص تفرح بحزة معاده
تزهبو للصيد ياهل البواريد =كل يكمل عزبته مع عتاده
نبي نسج الرجل مع صحصح البيد = من فوق جيب مايعرف الهواده
جيب جديد طالبينه بتوريد=من ديرة اليابان حاز الريادة
مع نقوة كنه قروم الاواليد= مافيهم اللي داس درب البلاده
نبي نمد الشوف وندور الصيد=وقت الربيع اللي يجيب السعادة
شوف الشغايا والفياض المواريد=من خضرها والله تحسبه سواده
ريحه كماعود يقدم ضحى العيد=حضرة رئيس اولصاحب سعاده
واهل القنص عند الموارد لوابيد=كل حرص منهم بضبط اللباده
ينزل لهم جول ونوب تفاريد=لابه قطاة نازله ثم عاده
واهل الصقارة قصصو جرت الصيد=كل يقص خرب تمنى مصاده
هم طيروها عقب ماهي ملابيد= وجتها حرار مثل طلق الزنادة
طيور حرار لاتصفح ولاتحيد= وكلن يعرف الطير باول هداده
وان جا المسى وعسعس رجعنا معاويد= كلن يخبر ماجرى في مصاده
ثم نتعشى ماكسبنا من الصيد = عقب العشى كلن توسد وساده
فطورنا بالصبح خبزة مفاريد =ندكها بالجمر تحت الرمادة