مساء الخير شباب وصبايا
ولا مهوب لازم للشباب كيفكن ياصبايا تئبروني
بصراحه سالفتي ها المره قصيره علشان ما اغثكم طبعا الكلام هذا لصبايا والا الشباب جعلهم الغثعه
انشالله
مره وانا جالس وحداني في حوش البيت وتعرفون مع التفكير في الحياه مفتاح سيارتي في اذني وصبعي في خشمي (واحد فاضي) والله طلعت بلاوي
على طاري المفتاح مره دخلت المفتاح في اذني وفريته ابي اطلع البلاوي وشتغل مخي وعيا يطفي علق السلف وطلع دخان اسود من ورى(مكربن) وجلست افتر في الحوش واصدم الجدران
لين جاو اخواني وسحبو المفتاح من اذني وطفيت
المهم ارجع اللموضوع جلست افكر في حياتي وش سويت (مسوي النون ومايعلمون)
بصراحه لقيت نفسي رايح في خرايطها وسجلي اسود محد سلم مني لا صغير ولاكبير هذا ضربته
وهذا نكبته وهذي علمتها ان رجلها انه يغازل وطلبت الطلاق البنات وهذا خذيت حقه ونت ماشي
بصراحه قام قلبي يرجف رجف يوم حسيت ان ذنوبي غطت اذانييي
قلت في نفسى ليش ما اروح مكه واخذ عمره واغسل ذنوبي مره وحده
المهم شليت عفشى ومريت امي وحبيت راسها وقلت يمه انا ماشي المكه وباخذ عمره
قالت الشمس من وين هي شارقه اليوم
قلت ليش يمه
قالت انت تروح مكه اخاف انك بتروح سوريا وتكذب علينا وتتعذر بمكه
قلت لا والله يمه انا بروح مكه
قالت الله يستر عليك
ركبت السياره وعلى مكه ووصلت ميقات السيل الساعه ثنتين الظهر ودخلت الحمام اسبح واحلق
(وطبعن هذي اول مره اعتمر في حياتي)
المهم لبست احرامي وطلعت من الحمام ويوم جيت بركب سيارتي الا فيه واحد يناديني ياولد ياولد
قلت خير انشاء الله
قال انت بتعتمر
قلت لا رايح للمرقص وش انت شايف واحد ولابس احرام اكيد بيعتمر
قال عفوا ياخي بس فيه شي اخطيت فيه
قلت وش الخطا
قال انت لابس السروال تحت الاحرام والمخيط غير جائز في العمره:eek:

قلت يا لليل بعد فيها فصخت سروال على العموم مشكور اخوي يوم علمتني ولا كان رحت بسروالى

رجعت الحمام وفصخت السروال وطلعت وركبت سيارتي وعلى مكه

وصلت مكه بعد ساعه وعلى طول رحت ادور فندق ولقيت فندق ب 200 ريال وسكنت فيه وحطيت اغراضي وطلعت للحرم

واول ماشفت الكعبه حسيت بحساس غريب وراحه نفسيه عمري ماحسيت بمثلها

جلست اطوف وادعي الله وبعد ماخلصت الطواف اشوف ابعض الناس يتعلق بباب الكعبه
قلت في نفسي ماني با التالي والله لاتعلق مثلهم ورحت عند باب الكعبه ورقيت عللاى ضهور العالم
لين مسكت الباب ودعي ربي ولا خذيت الا العسكري ساحبني بكراعيني قال وين وين راقي
قلت هذولا مهوب احسن مني
قال ياخي هذي بدعه والناس هذولا في جهل

قلت ياخي انا اسف تراني اول مره اعتمر ورحت وصليت ورا مقام ابراهيم وسعيت وطلعت من الحرام ورحت للحلاق ابي احلق راسي وبعد ماحلقت قلت في نفسي بروح الفندق ارتاح

وانا في طريقي لقيت محل فيه العاب وهدايا قلت خلني امره وشتري هدايا لمي وخواني واصدقائي

دخلت المحل وشريت بعض الهدايا وطلعت منه وشفت محل ثاني يبيع مسابيح حلوه ودخلت فيه
وحطيت اغراضي على طاوله في المحل وجالست اتخير في المسابيح

وكان فيه بنت سمرى عمرها تقريبا 11سنه والظاهر انها افريقيه وواقفه جنبي وفتريت وعطيتها ظهري ابي اتفرج على الهدايا وبعد لحظات افتريت ابي اشيل اغراضي الا البنت السمرى

ماسكه الكيس اللي فيه اغرضي ونحاشت فيه واقوم الحقها وقول يابنت الكلب جيبي اغراضي

والله ماخليك ومن شارع الشارع ومن داعوس الداعوس وانا وراها وطاح احرامي اللي تحت

واقوم واخذ الاحرام اللي فوق وستر به جسمي وانا وراها وترقى فوق جبل وانا وراها

لين تعثرت وطاحت ومسكتها وجلست اكفخ فيها واحذ اغراضي واقول لها مالقيتي الا سواق تريله تسرقينه
يا خبله وقوم وافتش مخابيها والقى فيها 250 ريال الظاهر انها سارقتها من احد او شاحذتها

واخذ فلوسها منها ونزل من الجبل وهي تمشي وراي وتقول لي كلام مافهمته ولوكاد انها تسب وتقول عطني الفلوس

واقول لها والله ماتشدين الفلوس لو تموتين يكفي ان احرامي طاح والناس شافت البلاوي والسبب
انتي يالله اقلبي وجهك

واروح للفندق واطيح على السرير من التعب وانام وبعد ماقمت سددت الفندق من فلوس اللي خذيتها من البنت ورحت للحرم وطفت طواف الوداع وطلعت من الحرم وركبت سيارتي وعبيت با الخمسين الباقيه با نزين ورجعت لاهلي وانا سالم والحمد الله ومتعافي وانا اقول في نفسي عمره مقبوله يا سواق تريله

والحمدالله اني ماخسرت فلوس واجد



انتهت السالفه يا حبايبي والى القاء




حقوق الطبع محفوظه لمنتدى حاير


مع تحيات سواق تريله


خاص لمسابقة حاير