حبيت أكتب عن يوميات أحد الأعضاء واللي ما ذكرت يومياتهم في هذه المشاركه ان شالله الدور ياينهم بعدين :th12rs: أنزين مع منو نبدأ يالله قولو ...
يله ما عليه بنبدأ بعبوووووووووووووووووودي ..
عبودي طبعا طالب في المدرسة يمووووووووووووووووووووت في شي اسمه كرة قدم ويمووووووووووووووت في نادي اسمه ( لازيو) هذيج المره كانت فيه مباراة مهمه في الدوري الايطالي وكانت أهم عند عبودي لأنها كانت ما بين ( اليوفي :6a12k: ولازيو) عبودي مستانس أخر وناسه لانه السهره اليوم ولا أروع منها المباراة كانت يوم السبت عبودي حاسب حسابه لهالمباراة ومنظم وقته زين قام عبودي الصبح للمدرسه طبعا بعد موت لين ما يته امه وجبت الماي فوق راسه قام بلا حاسيه .. بعدين قعد طول الوقت وهوه في الكلاس يفكر في المباراة ويخبر ربيعانه عن لا ينسونها وهوه يتريا الدوام يخلص بفارق الصبر يوم خلص ظهر مرش ( بسرعه ) البيت مو من عوايده الكل مستغرب لانه من عادته بعد ما يخلص الدوام يلحق باص البنات بالدراجه خصوصا أنه الشرطه مسكته كد مره الا انه ما يتوب .. ما علينا رجع عبودي البيت وسيده عند الثلاجه n16 ويوم هوه يالس يفج غرشة البيبسي يت خته الصغيرونه (أم البلاوي على قولته )( حليلها ) قالتله عبووووووووووووووووووووووووووووووووووووووووووووووووووووووودي قاله واللقعة هبي شعندج قالت لا ما عندي الا الخير ( في باله انتي ويهج هوب ويه خير من الاساس )قالها قولي شو. قالت انا اعرف انه اليوم امباراه واريد اشوفها معاك قال بس قالت لا بس امايه ما تخليني قالها روحي روحي انتي شو لج بالكوره ولا لج خص فيها شكلج بتخربين السهره بويهج هذا حليلها سارت وصاحت عند امها ( في باله الطقاق يطقج شو يعني بتسوين ) حليلها دايما يصيحها ..
أنزين عبودي راح ينام علشان يخزن طاقة للسهرة وهوه نايم حلم ان ناديه ياب قول وقام من الفرحه وهوه يقول قوووووووووووووووووووووووووووووووووووووووووول بعدين قال حوووووووه شو فيه تقول أعلان سنيكرز ما ينلام متأثر وايد به أنزين قام عبودي المغرب على حشرة خته الصغيرونه امها مخبرتنها توعيه قام لانها جذبت وقالتله قم عبووووووووودي المباراة بدت وخلصت والحين طالع الساعة قم يله عليك مدرسه قام جذيه:c12y: ويوم طالع الساعة يبا يتأكد صدق الساعة سبع ونص ومات من الصياح وظرب خته كف على ويهها وصاحت وهوه يقول تستاهلين ليش ما توعيني يوم تعرفين انه شي مباراة وبعدين عرف انها تجذب عليه ويوم عرف غدا جذيه :l12l: وسار يشتري حلاوه وكولا حق المباره علشان تصير حلوه يوم رجع البيت لقى ابوه وهزباه هزبه علشان ظرب خته كان يبا يخبر ابوه انها جذبت عليه بس ما خلاله مجال يتكلم وراح وهوه على باله ( يقولون لي بعت السلامة بالردى فقلت أما والله ما نالني خسرو) عادي عنده كل شي يهون علشان عيون هالسهره الكرويه الممتعه وبدت المباراة على خير بس انتهى الشوط الاول بفوز اليوفي 1-0 وهوه كل شوي ما عليه بعدها ما خلصت المباراه وفي الشوط الثاني اكتسح لازيو اليوفي بثلاثيه مقابل 1 لليوفي وعبودي ما صدق من الفرحه ونام وهوه على أخر وناسه ..
وقام الصبح بدون ما يجبون عليه الماي مثل كل مره حاب يقوم وهوه مستانس يقول حق ربيعانه هذا لازيو اذا كنتو ما تعرفونه :yr12y:
هذه يوميات عبودي ..
والبقية تأتي ..:rolleyes: