أنت غير مسجل في منتديات شبكة حاير . للتسجيل الرجاء اضغط هنـا  |  |  |  |
 |  |  |  |
| ||||||||||
 |  |  |  |
 |
| | LinkBack | أدوات الموضوع | انواع عرض الموضوع |
September 30th, 2003, 08:59 PM
| رقم المشاركة : 1 |
| سواق تريله وامه رايحين يعزون
كيفكم يا شباب ويابنات انشاءالله مستانسين هاه لا وصيكم خلوكم عاقلين ولا با الخيزرانه  واذا يحصل يطلعون الشباب ويقعدون البنات بصراحه قصتي ها المره طويله بس معليش تحملوني شوي كانت الساعه 6 الصباح وكنت ساهران ولا رقدت ادخلت علي امي في غرفتي وقالت قم ودني ابي اعزي وحده ابوها مات قلت يالله صباح خير على ها الصباح طاري الموت  يمه وشرايك نخليها بكره انا سهران وابي انام واحس اني ما اقدر اسوق انا قلت الكلمه هذي وعينك ماتشوف الا النور حطت علي با الكلام وقالت لو اني سلوقي من سلنقاك و قال لك ودني ياسواق كان قلت له ابشر لو لا اخر الدنيا بس معليه يا 000000؟ = مشفر بتجيني تقولى يمه عطيني عشره ريال بروح البوفيه والله لا اطردك دردت كلب قلت لا يمه تكفين ابوس يدك لا تزعلين علي انتي فهمتيني غلط انا قصد اني سهران وخاف لا انام وانا اسوق وبعدين نروح في داهيه وتعرفين انا دايم اجيب العيد قالت قم ودني بس وخل خرابيطك علي قلت وين العزا قالت في مدينه الجبيل (الجبيل مدينه حلوه فيها اشجار وعصافير وبحر كبير وتبعد عن قريتنا150 كيلو) قلت طيب دفيني حبتين قالت وش حبتين قلت حبتين بندول علشان ما ارقد في الخط قالت اول مره ادري ان البندول يسهر قلت اضحك معك يمه من عيوني اوديك يمه (على فكره امي تحبني اكثر من اخواني ودايم اخواني يقولون انتي وش حببك في ها المنسم اللي كل يوم جايب لك جريه وترد عليهم انتم ماتعرفون غلاه عندي انا اموت في سواق لو انه سربوت مهوب مومونسني في الحياه الا هو ولا انتم كل واحد يتبع امريته:rolleyes  انتــي ياكل الحـــــنان...يابعد عــــمري يايمه ياللي في حضنك امان..عشت به في كل ضمه انتي جنــــه والجنان...تحت اقدامـــــك يايمه (سواق) نرجع السالفتنا مع امي ركبنا السياره وحركنا وكان النوم فيني ورايح وطي وقفت عند محطه باخذ شي يصحصح فيني قلت يمه تبين شى قالت عصير عرنجوز الازرق قلت يمه انتي قديمه هذا العصير يبغالي اطلبه من امريكا طلبيه ويعيدون صناعته ويرسلونه لنا تبين شي ثاني يمه غيره قالت جب لي اي عصير قلت انشاء الله ونزلت السوبرماركت وقلت للمحاسب عطني عصير وفصفص وفجأه عطني دخان وحبة بصل (منين جات فجأه اكيد من تأثير السهر) طلعت من السوبر ماركت ورحت ورا المحطه وجلست ادخن وبعد ماخلصت الزقاره وكليت شوي من البصل علشان يطير ريحة الدخان وماتشمها امي :rolleyes: وركبت السياره وقالت وشفيك تأخرت يمك قلت رحت الحمام قالت وش هاالريحه اللي فيك قلت اي ريحه قالت ريحة دخان انت تدخن يا 000000؟ = مشفر قلت بصلات امي وبوي ما ادخن بس كان فيه ناس في السوبرماركت يدخنون جنبي وطبعت ريحته في ثوبي قالت قرب فمك عند خشمي ونفخ خلني اشوف فيه ريحة دخان ولا لا قلت ما تثقين فيني يمه قالت كيف تبغاني اثق فيك ونت سارق براقعى ومدري من انت معطيها قلت من يقول اني سارق براقعك قالت انا شايفتك ونت طالع من غرفتي وفي يدك حاجه ويوم دخلت غرفتي فقدت برقعين من براقعي واكيد انك انت اللي سارقها بس نفسي اعرف وش سويت فيها قلت يمه المظلوم في الجنه قالت انطم بس ولاتضيع السالفه قرب فمك خلني اشمه (بصرحه يا شباب كلام امي صحيح سرقت برقعين من براقع امي وهديتها لصديقتي رفعه) المهم قربت فمي ونفخت عند خشم امي وبعد ماشمة الريحه رجعت راسها على السيت وقلت هاه يمه شميتي ريحة دخان شفتي اني مظلوم بس امي ماردت علي وقلت يمه يمه يمه وشفيك ولا ردت على وهزيت اكتوفها ولا تحركت مسكت ابريك وقفت السياره جنب الخط وانا اصيح يمه يمه وشفيك انتي وش جاك وخذيت الماء ورشيته على وجهها وسويت لها تنفس اصطناعي وبعدين فتحت اعيونها وقامت تطالع فيني وقالت حسبي الله عليك بغيت تذبحني على ها الصباح انت وش ماكل قلت ماكليت شى وش انتي شامه يمه قالت ريحة فمك بصل قلت صادقه يمه انا ماكل فول وبصل الصباح قالت وليش ماعلمتني جعلك الماحي قلت انتي ماعطيتيني فرصه اقولك بس الحمدالله على السلامه يمه قالت امش بس انت عرضتك عرضت ارنب المهم كملنا الطريق و قلت يمه منهي اللي بتعزينها قالت هذي بنت خالت جد عم ابوي قلت يعني يمه نجتمع حنا وياها في جدي لويس اخامس عشر قالت وش الويس قلت يمه الله يخليك لي هذي بعيده منا ولاهيب قريبه ياخال ابوي حك اظهري قالت الوصل يمك زين قلت صادقه يمه قالت تصدق يمك ان البنت اللي بنعزيها ماتت امها قبل سنتين وامس مات ابوها ولا عندها اخوان ويتيمه قلت لاحول ولا قوة الاباالله طيب وشلون بتعيش با الحالها في البيت قالت بتروح تعيش عند عمها لين الله يرزقها برجال يسترها بس يمك الله يعينها على عمها قلت ليش يمه قالت عمها مايرحم احد ووجهه كريه ولا احد يحبه وظالم قلت الله يعينها عليه المهم وصلنا اللمدينه اللي نبيها وقلت لمي العزاء في بيت البنت ولا في بيت عمها قالت في بيت عمها في الحاره الفلانيه قفت وسألت وجد عن بيت فلان ووصف لي البيت الله يجزاه خير جينا للبيت اللي فيه العزاء وقلت لمي يمه تكفين احب راسك مانبغى نتأخر عندهم تراني دايخ واذا انتي بتتأخرين قولي لي علشان استاجر غرفه وانام وجيك العصر قالت ابد ساعه ونمشي قلت اوكي المهم راحت امي عند الحريم وانا رحت عند الرجاجيل(اكيد بروح عند الرجاجيل تبغوني اروح عند الحريم)  دخلت عند الرجاجيل وانا ما اعرف ولا واحد وسلمت عليهم وقلت عظم الله اجركم وجلست في زاوية المجلس وصبو لي شاهي وكان المجلس مليان من الرجاجيل انا بصراحه ذبحني النوم ولا حسيت في نفسي لا وانا راقد وانا جالس وراس على الجدار وخذ شخير عند الرجاجيل اخلصت امي من العزاء وقالت نادولي ولدي من عند الرجاجيل بنمشي جاني ولد عم البنت يبي يقومني ولا حيات لمن تنادي صاير ذبيحه رجع لمه وقال الرجال عيا يقوم قالت الحرمه لمي اولدك الظاهر انه تعبان ورقد عند الرجاجيل وحاول اولدي يصحيه وعيا يصحي قالت امي ياويلي ياويلي يافضحي يافضحي اشهد انه مهوب صاحي فضخنا قالت المره خليه يرقد اكيد انه تعبان ومرهق ولا جاء وقت الغدا بنقومه يتغدا وانتي بعد تغدي معنا قلت امي ياجعله المرقد سواها فيني المهم جا وقت الغدا وحاول ولدهم يقومني ويهز اكتوفي فلان فلا ن قم تغد فتحت عيوني الا وانا متمدد على طولي ولا ادري ويني فيه اختبص مخي وقول في نفسي انا ويني فيه وبعد دقيقه تذكرت اني في عزء يالله الفشيله انا ويش اسوي وشلون اقوم والمجلس مليان رجاجيل قال الرجال الغدا جاهز قم تغد قلت انشاء الله ووقف جنبي وانا ابغاه يروح وبي الرجاجيل يروحون المقلط اللي فيه الغدا وبعدين اقوم اغسل وجهي تدرون ليش ابغاهم يروحون وبعدين اقوم لاني في كامل قواي العصبيه ولاعصاب مشدوده وذا قمت افتضحت شاورت الرجال وقلت له قلط الرجاجيل وانا بلحقهم قال انت ضيف وهذولا كلهم اهل بيت قم على غداك قلت في خاطري رحت فيها ياسواق والله الفضيحه وش سويتي فيني يا يمه المهم مع السوالف مع الرجال الا تقوم الايقومون الا تقوم الحمد الله رتخت لاعصاب وقدرت اوقف وروح للمقلط اللي فيه الغدا وتغدينا وقلت للرجال ناد امي لو سمحت بنمشي قال بدري تو الناس( قلت في نفسي والله اني دابل كبدك بشحيري اللي رج المجلس رج ولا تبي الا فرقاي) قلت له الله يرضى عليك مستعجلين وورانا اشغال والمقصد نبي نعزيكم بس(اي عزا هذا فندق) قال لحظه بروح انادي امك وانا واقف استنا امي عند الباب طلعت وكانت واقفه جنبها وحده حلوه بس اعيونها متنفحه وحمر مدري ليش ركبت السياره وماخذيت لا امي جايتني وركبت وقالت وش سويت يا بن الكلب فينا وشلون ترقد عند ناس ونت جايهم تعزيه يافضحي فضحاه هاالحين بيقولون ولدها دلخ قلت يمه والله ماحسيت في نفسي الا انا متمدد في المجلس وقامت تسب فيني الله يخليها لي ولا اسكتت الا يوم قلت لها والله لاعلم ابوي انك قلتي لي يابن الكلب يعني ابوي كلب قالت حسبي الله عليك تبي ابوك يفضخني ويطقني يا الكلب والله لو تقوله اني لاذبحك قلت خلاص يمه وحده بوحده وهذي بوسه علي راسك وبوسه علي يدك لا تشرهين علي والي صار غصب عني قالت امش بس لاتجيب لنا جريه ثانيه حركت وانا في الخط قلت لمي يمه البنت اللي مات ابوها وش اسمها قالت فريده قلت هي اللي واقفه عند الباب معك قالت ايه هي قلت هي حلوه قالت ماشاء الله عليها غزال وتقول للقمر وخر بجلس مكانك قلت يمه عسى عندها حلال وفلوس قالت والله ابوها تاجر وعنده اربع عماير في الرياض وعمارتين في الدمام وموره وعنده مزرعه كبيره في الاحساء قلت حلوووووالله ونفتحت الدنيا في وجهك ياسواق هذي اللي بتدفن فقرك يمه ترا عندي لك هديه قالت وشهي قلت عنز لها خمسه ديود علشان تحطينها مع معزاك قالت الله يطول عمرك ياوليدي بس ماني خابره العنز لها خمسه ديود قلت يمه هذى العنز دنماركيه كامله في المواصفات مهيب مثل معزانا ديدين ويخب عليهم ولا وحد شغال والثاني مايشتغل وبخليك تقهرين عجايز الحاره فيها ولا يمه بعد ابمر البوفيه هاالحين واخذ لك شاورما على كيف كيفك قالت وشهي الشورمه هذي قلت اكله حلوه صفطت عند محطه ورحت البوفيه خابر عندها شاورما حلوه وخذيت ثنتين وركبت السياره وعطيت امي شاورمه وقلت اكليها يمه قامت امي تاكل شورمتها وانا قمت اكل شورمتي وبعد ماخلصنا لاكل قلت يمه وشرايك با الشاورمه حلوه صح قالت والله يمك انها حلوه بس فيها طعم قرطاس قلت ويش ويش طعم قرطاس :eek: يمه وين قرطاس الشاورما  قالت اي قرطاس قلت القرطاس اللي كان فوق الشاورمه وين قطيتيه قالت ماقطيت قرطاس قلت اشهدنك جبتي العيد يمه انتي كليتي الشاورمه بقرطاسها قالت والله ياوليدي ماادري كليتها والوكاد ان فيها طعم قرطاس قلت فيه العافيه يمه الا على فكره يمه وش رايك مادام البنت يتيمه وعمها ظالم تخطبينه لي ابي اتزوجها وفكها من عمها قالت اني والله داريه ان هدية العنز والشورمه مهيب الله قلت وش دعوه يمه وش دخل هذي بهذي انا ابي اتزوج وما فيها شي قالت والله لو ماتسكت لا صككك با الحذيان على وجهك بعد راقد عندهم في العزاء وتبيني اخطبها لك نقلع بس قلت يمه تكفين احب ارجيلك اخطبيها لي وتسوين خير فيها وتفتك من عمها قالت انت مجنون اخطبها لك علشان تهبل فيها وهي فيها اللي مكفيها ويكفي انك مهبل فينا وكل يوم ونت جايب جريه كد تريلتك بس وخل عني خرابيطك وبعدين انا ماعادلي وجه اجيهم وخطبها لك وانت فاضحني عندهم انتبه من السيارات اللي قدامك لا تجيب العيد فيني بعد وتكمل الناقص قلت والله البنت كاسره خاطري ونتي بكيفك يايمه قالت الله وكبر انت تعرف كسرة الخاطر فكها من شرك بس قلت يمه والله حطمتيني وذا ماخطبتي البنت لي والله لا انتحر قالت والله تسويها تراك خبل قلت يمه ومن الحب ماقتل قالت لعنبو بليسك توك عارفهم ما لك ساعتين مسرع حبيت البنت قلت يمه حنا في عصر السرعه وبتزوجها يعني بتزوجها قالت منتب صاحي الظاهر انك استخفيت والله ان ما خطبيها لي لا علم ابوي انك تقولين له كلب قالت قسم با الله وفي اخواني وعيالي ان قلت له لا اترفس ابطنك يا حمار قلت طيب خلينا نوصل للبيت قالت ياملعون الصلايب تبيه يطلقني قلت اجل ليش تحرميني من البنت اللي احبها واتمناها قالت لاحول ولا قوة لاباالله انا وين ربي انشبني با هاالولد قلت يمه تكفين انا اموت فيها قالت ماني خاطبتها لك لو تموت زين انت منسم ولازم اوديك الوحده تكويك على راسك قلت اشهدانك حطمتيني يايمه تكويني مره وحده قالت وش اسوي لك دبلت كبدي سق بس سق المهم وصلنا البيت ودخلت غرفتي وانا حاط البنت في راسي بس مدري وش اسوي ياربي قلت مافيه الا ابوي اقوله يمكن يساعدني كشخت ذيك الكشحه وتعطرت وطلعت من غرفتي ادور ابوي ولقيته في المجلس يتقهوى حبيت خشمه وقلت وشلونك يبه قال الحمدالله طيب ماشاء الله متكشخ ومتعطر وش عندك قلت يبه ابيك في موضوع مهم قال خير انشاء الله وش عندك قلت يبه اتعرف ال فلان قال ايه اعرفهم قلت رحنا نعزيهم اليوم شايبهم مات قال عندي خبر والله يرحمه قلت عنده بنت مسكينه صارت يتيمه قال الله يعينها ويوفقها قلت يبه وش رايك تخطبها لي ابي اتزوجها قال ويش ويش ويش قم الله يقطع ذا الوجه شكمان الددسن اقرب لك منها وقمت متروع وقلت ليش يبه مافيها شي بنت اصيله حلوه وفوق هذا عندها خير قال انت مالك الا بنت عمك نجلا والموضوع هذا لو فتحته ثاني مره كسرت ارقبتك قلت انا مابي نجله ولا ابي لا فرقاها مابي الا فريده وبس وطلعت من المجلس وانا مضيع الدرب ودخلت الغرفه وشغلت شريط بشير حمد شنان البارحه يوم الخلايق نياما وجلست حزين وافكر وقلت بيتين يا نفس في ملعب هل الحب هزي... وغني على نبضات قلبي قصيده ياليتــــني مـــارحت يمه اعــزي... ولا شافت الـــعين الشقيه فريده .............. دخل علي اخوي فليطح وشافني حزين وقال وش فيك قلت تكفى يا فليطح انا حبيت وحده وابي اتزوجها وبوي ومي عيو وقالو مالك الا نجله بنت عمك ومابقا الا نجول الشيفه اخذها قال مالك لا تنتحر وترتاح من الدنيا ترى الحب ياخوك عذاب قلت انت شايف كذا قال نعم وهذا الحل السليم للي يحبون طلعت من البيت ادور اطول عماره ابي اطب منها وانتحر ولقيت منارة المسجد هي اطول شي في حارتنا ودخلت المسجد ورقيت المناره وتجمعو الناس يوم شافوني فوق المناره وجات دورية الشرطه وقال الشرطي وش عندك قلت ابي انتحر وش طلباتك قلت ثنين بيض با الجبن واحد ببسي قال جيبو له طلباته قلت انت صدقت ياالمنسم روح بس ناد امي وبوي خلني انتحر قدامهم ابيهم يشوفوني في الحظات الاخيره وانا جاي منكس من فوق المناره جات امى وبوي وقامو يصيحون تكفى حول قلت ماني محول لين تزوجوني فريده قالو انزل بنزوجك فريده ونعطيك اللي تبيه قلت قولو والله قالو والله بس حول ومن الفرحه بغيت اطب نزلت من المناره وطلعت من المسجد والناس يصفقون لي على تضحيتي في الحب وبوي قام يصفق فيني ويسحبني على ظهري قلت يعني تكذب علي يبه قال والله عقب اللي سويته فينا ماتاخذها امش ياحيوان للبيت وبعدها اقفلو علي الغرفه ويعطوني الاكل من تحت الباب اسبوع كامل لين كسر اخوي فليطح الدريشه وطلعني ونحشت من البيت مافيه لا خالي صويان هو اكبر العايله و بيحل مشكلتي وبيقنع امي وبوي ورحت له في البر عند اغنمه ولقيته جالس في الخيمه ودخلت عليه وحبيت راسه وخشمه وقال ماشاء الله عليك ياسواق اليوم محترم جاي تسلم انا خابرك تمر وتغبر علينا بسيارتك وتمشي قلت الله يرضى عليك ياخالي انا كبرت وعقلت خليت الحركات هذي قدلي شهر قال زين الحمد الله انك تركت الرجه قلت ياخال ابيك تساعدني في موضوع واقمز وحب خشمه مره ثانيه قال والله اللي به علم خير انشاء الله وش عندك قالت انا حبيت لي وحده وابي اتزوجها وبوي ومي اللي هي اختك (قال ادري انها اختي اجل عمتي) عيو لا يخطبون لي البنت والظاهر انهم حاسديني ويقولون مالك لا نجول بنت عمك قال ماشاءالله تعرف تحب وبعدين وش يحسدونك عليه يا الدلخ من زين فرتك ها الحين قلت انا ابيك تساعدني مهوب تحطمني قال منهي بنته اللي تبيها قلت بنت فلان اللي توفى قال ايه عرفته اللي اخوه فلان قلت عليك نور ياخال قال هي مزيونه قلت صاروح ارض جو ولا بعد وارثه ملايين من ابوها قال ماشاء الله وشريك تتركها تولي وزوجك بخوت بنتي قلت ننحاش من القوم ونطيح في السيه هذا والله الليل الامحق من نجول لا بخوت يا خال انا ابي فريده وبس انت تفهم ولا لا انا اموووووووووت فيها وبس  قال خير انشاء الله انا بروح لهم وبخطبها لك لاكن بعد ثلاث شهور تعرف يابوك البنت ابوها توه ميت ولا هيب صوبنا هالحين قمزت وحبيت خشمه وراسه ولا عاد باقي الا احب م...... قلت يا الله ان تطول بعمرك ياخال ويكثر من امثالك ويخليك لي قال ابيك تروح الحوش وترضع الصخيلات قلت ارضعهم ورضع امهاتهم لو تبي انت تامر ياخال لوتبيني انام معهم في الحوش قال لا تملكت ذاك الحين اخليك تنام معهم رضعت صخيلات خالي ورحت البيت ودخلت بشويش علشان محد يشوفني ولقيت اخوي فليطح قلت هاه احد درى اني طلعت قال افا اخوك اخو كل شي زين ولا احد درى قلت ابعدي يافليطح وبشر الامور زينه وخالي بيخطب البنت لي بعد ثلاث شهور بس لاحد يدري فقعت راسك قال سرك في بير جلست في غرفتي شهر وابوي ساجني في الغرفه ولا يدري ان الدريشه مكسوره كل يوم اذا جاء الليل ونامو امي وبوي اطلع وروح للشباب وبعدها توسطت لي امي عند ابوي وطلعني من الغرفه وانا ساكت ماعلمتهم اني رحت الخالي اصويان عشان يخطب لي فريده وبعد ثلاث شهور في يوم اسود في حياتي كنت منبطح في حوش البيت وغني وفي يدي قطعة ثلج وقاعد امصمصها ومخمخ على فريده وارتب مستقبلي وامورالزواج واتخيل اني لابس البشت وداخل على فريده. جتني امي وقالت ماباركت الخالك صويان قلت وشهو عليه قالت تملك امس و بياخذ مره ثانيه وعرسه بعد شهر قلت جعله امبارك من بياخذ قالت بياخذ فريده وقلت وش فريده قالت اللي عزيناها قبل ثلاث شهور نزل علي اخبر كا الصاعقه ابي اقوم من مكاني ماقدرت وكل ماحاولت اقوم يظهر مني اصوات من الراعه(اثر الحب يسوي كذا) قلت سواااااااااها شايب قريح فيني لا والله اللي راحت فريده وضاع مستقبلي لا والله اللي حطمو فريده وزوجوها الشايب :;((: وصيح لا لا لا لالا مستحيل تروح فريد والله لا اذبح معزا خالي وطلع من البيت وانا مقرط في ثوبي واركض وصيح وامي تلخقني في الشارع وعيال الحاره يلحقوني ويقولون سواق وشفيك اذاكر الله ومي تصيح تكفون الحقو الخبل لا يرقا منارة المسجد تكفون حدوه ومسكوني اعيال الحاره وربطوني بغترهم ورجعوني البيت وجلست ثلا ث شهور ومي توديني المطوع مره يقرا علي ومره يتفل علي ومره يكويني في راسي بس والله لو يكويني في م؟؟؟؟ ما انسى حب فريده ونذالت خالي :;((: انتهت الحقوق محفوظه لمنتدى حاير مع تحيات سواق تريله آخر تعديل المستبده يوم September 30th, 2003 في 11:38 PM. |
|
|
|
September 30th, 2003, 09:41 PM
| رقم المشاركة : 2 |
|
|
هههههههههههههههههههههههههههههههههههه هههههههههههههههههههههههههههههههههههه هههههههههههههههههههههههههههههههههههه ههههههههههههههههههههههههههههاااااااااااااي الله يقطع سوالفك يا سواق .... ("وقال الشرطي وش عندك قلت ابي انتحر وش طلباتك قلت ثنين بيض با الجبن واحد ببسي قال جيبو له طلباته") والله انك منسسسسسم من جد ... والشرطي مصدق بعدمشكوووووووووووووووووووور اخوي سواق والله يعوضك عن فريده بوحده احسن منها تــحـــــــــــــــياتي لـــك |
|
|
|
September 30th, 2003, 10:19 PM
| رقم المشاركة : 3 |
|
| قسما بالله ماانت صاحي ياسواق ... قمزت وحبيت خشمه وراسه ولا عاد باقي الا احب م...... الله يقلعك ..طلعت ريحة خايسة في المنتدى لو شفتني ياسواق وأنا قاعد أضحك لحالي ..تقول مجنووووووووون قصة عجيبة والله .... جمعت الفكاهة والرومانسية والشعر والتراجيديا . الله يعطيك العافية ياسواق ولا شل الله يمينك |
|
|
|
September 30th, 2003, 10:37 PM
| رقم المشاركة : 4 |
|
|
ياااااااااااااااااو السالفة طويلة ياخي المهم مكاني محجوز بس خذت لي كرسي على بال ما أرجع هعع |
|
|
|
September 30th, 2003, 11:40 PM
| رقم المشاركة : 5 |
|
|
حسبى الله ماتيوز عن سوالفك يا سواق وربى تبققت عيونى وانا اقرى كلمه كلمه عموما الكلام الممنوع انا شفرته ارجع اقراها بعد التعديل اققول صج انت وين قريتكم على كذا وربى امك بتموت مك شهيده يا سووووواق هااااع وين البرشتك |
|
|
|
| الكلمات الدليلية |
| تريله, يعزون, رايحين, سواق, وامه |
| أدوات الموضوع | |
| انواع عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| سواق تريله في مكه | سواق تريله | منتدى الفرفشه والتعليقات والصرقعه | 3 | October 13th, 2003 10:47 PM |
| لالالا يفوتكم طقاقات سواق تريله + ؟؟؟؟ !!!!!!!!! | FaSsoL | منتدى الفرفشه والتعليقات والصرقعه | 14 | October 7th, 2003 11:25 AM |
| ((((( تعالوا شوفوا سواق تريله بعد ما سكر المنتدى)))) | دانة الدنيا | الصور المضحكه | 8 | September 9th, 2003 01:23 AM |
| معانات سواق تريله | سواق تريله | منتدى الفرفشه والتعليقات والصرقعه | 10 | July 24th, 2003 04:54 AM |
الساعة الآن 08:22 PM.
العرض العادي
