شباب وشابات

موضوعي اليوم اهو عن الصواريخ الي يطلقها الشباب على البنات والصواريخ الي تطلقها البنات على الشباب

يله نبتدي اول شي بالبنات لانه عندهم الكذب حدث ولا حرج <<< لا تعصبون علي خوياتي انتن

- ما ادري حبيبي أحس اني أعرفك من زمان اتصدق
( أخاف والدج وناسيج )
2- حبيبي أحس انك غير عن كل الشباب أحس انك مختلف وغير عنهم
( يعني عندي قرون )
3- يا ريتني عرفتك من زمان
( إي خير إنشاء الله عارفة 79 واحد قبلي )
4- انا ما أطلع وايد ولما اطلع انزل راسي تحت وما أخز أحد
( إنتي إلي أخترعتي الهياتة يا أم كشة )
5- ما أحب أقعد وغرفتي حوسه وانا أحب النظافه وما أعرف أنام إلا و أنا مبخرة غرفتي وفراشي
( إي صح بطانيتج صارت حامضه من السعابيل والريحة الخايسه يا المقطنه )
6- الصيف الياي احتمال اروح سويسرا
(هذا اذا ما كنتي في ربوع حفر الباطن )
7- تصدق حبيبي ما أعرف البس إلا من زارا أو نكست
( خلاجين سوق المباركيه تخب عليج يا المقطنه )
8- حبيبي مشتهيه موكا فرابشينو مع كراميل من ستاربكس
( أنتي مال بسكوت مالح وجاي بو وزه طيح الله حظج )
9- دايم اشتري عطوري من تناغرا
( هذا اذا مو عطرج المفضل المرش مال يدتج مالت عليج وعليها بعد )
10- شكلي حبيبي راح أطق لي جاكوار من الوكاله
(إذا مو هوندا موديل 76 من الحراج يا لذريه )
11- أنا بيتنا بشارع الحب على تقاطع النزهه والفيحاء
(إذا مو ساكنه بعشيش بالصليبيه ..اقص إيدي )
12- حبيبي اليوم تلفوني طاح بالمرحاض وأخترب
( يعني إشتري لي جهاز .. شكو مدخلة التلفون معاها الحمام ما أدري ..مالت عليج )
13- أنا كنت مخطوبه حق ولد الحميضي وقبله الخرافي بس رفضت
( اذا مو عليوي الأهوازي حاط عينه عليج من قبل .. اقص إيدي )
14- حبيبي بروح أشتري قرقيعان حق اليهال من باتشي
( قولي قرقيعان الصيداوي المحزر ما غيرة .. ليش مستحية )
15- حبيبي حط في بالك أنا اذا حبيت أحب من كل قلبي
( حتى لو شلون ... يعني اتفل بعينج عادي ؟)
16- ودي حبيبي ودي أروح نادي كراون بلازا العب تنس هناك
( يعني كول .. هذا إذا ما لعبتي مقصي بحوش بيتكم )
17- علاقتي فيك محد يدري فيها أبد لأنها تعتبر من أهم خصوصياتي
( حتى خدامتهم تدري انها تكلم .. طاح حظج زين )
18- أحب أقعد بالبيت وأساعد أمي واحب أقعد مع الحريم ونشرب جاي
( يعني ترى ما عندي خرابيط تعال أخطبني .... بالعيد إنشاء الله )
19- حبيبي عيد ميلادي الاسبوع الياي
(يعني أبي هديه .. إنت عاد لا تقصر نعال على راسها )
20- بعد جم يوم راح أدش معهد وأتعلم أسباني بعد ما خلصت الفرنسي والايطالي
( عربي مثل الاوادم ما تعرفين ... هالمرة أسباني )



والحين نجي عند صواريخ الشباب على البنات ....يالله بدينا
1- إتصدقين عمري أحس إني أعرفج من زمان احس انج اقرب لي من روحي
(أخاف أمك وانا ما ادري )
2- حبيبتي إنتي غير عن كل البنات الي عرفتهم قبل
(ليش ...عندي اربع عيون يعني )
3- حبيبتي إتصدقين أني ابد نسيت الكل ولا احد في بالي غير انتي وبس
( ليش فقدت الذاكرة وانا ما ادري ..طاح حظك بس )
4- حبيبتي متى نكون مع بعض وتهتمين فيني وتنظفين غرفتي
( ليش الخدامه مالتكم ...مالت عليك )
5- إتصدقين عمري احب الشعر وايد ومن هواياتي الرسم والسباحه
( يعني رومانسي ..انت هوايتك اصلا التصجيم يا المقطن )
6- الصيف الياي احتمال بروح ماليزيا
( إي هين ...اذا ما قضيته على البحر مثل الطراروة )
7- حياتي إنتي ...بعيونج أشوف الدنيا كلها
(حشا مو عيون .....لوحه )
8- أنا وايد أحب الكشخه حتى عطوري دايم من تناغرا
(هذي نغزة ...مالت عليك اقصاك بسطة سوق الجمعه )
9- الضاهر بشتري جيب مرسيدس من الوكاله مليت من الشبح
(اذا مو وانيت من الحراج ..احسن شعري )
10- حبيبتي ما عندي رصيد ومكسل أروح اشتري وايد تعبان
(يعني حسي وعبيله تلفونه ..)
11- علاقتنا حبيبتي شي نتعلق فيج وفيني محد يدري عنه
(أي هين ..وقعدة الديوانيه والربع ...حتى أخوك الصغير يدري ...طيح الله حظك )
12- تدرين عمري من يوم ما عرفتج وانا من البيت للدوام ومن الدوام للبيت
(لا متربي عدل ..مالت عليك وعلى ام يابتك )
13- اتصدقين عمري أنج مليتي علي الدنيا كلها ولا صرت اشوف الا انتي
( ومنى ووفاء وهدى .... شنو يطلعون )
14- حياتي إتصدقين انه اليوم قامت مكينة سيارتي وحبيبج محبوس بالبيت والمعاش تو الناس عليه
( يعني مدي إيدج بجيبج وطلعي المقسوم )
15- يوووووة حياتي اتصدقين اني ناسي البوك بالسيارة .. دفعي حساب العصير عمري انا وانتي واحد
(اقص ايدي اذا ناسيه ... هذا اذا ما فيه ربع دينار ومستحي اطلعه )
16- حبيبتي اليوم واحد من الربع شاريتله حبيبته تلفون بو كاميرا اتصدقين
(يعني استحي على دمج واشتري له تلفون ... عاد انتي لا تقصرين تفلي في ويهه )
17- حياتي متى ايي اليوم الي نرتبط فيه ونقعد على الكوشه
(احد قاضبك الباب يوسع جمل )
18- عمري انتي ابدا ما راح تكونين الا لي
(أي هين شهر شهرين الا انت حاط دشداشتك بحلجك ومشمع الخيط )
19- تدرين بعد يا عمري انه انا ولد عالم وناس
(الله يرحم ابوك بياع الخضرة )






هذا يا جماعه غيض من فيض ...ولا ترى في صواريخ ما قلتها حفاظا على الذوق العام

مع تحياتي لكم ............ لوووووووووووووووووووووول



ومن غير زعل اوكيييييييييييييك :eyeslove: