| | |
 |  |  |
August 26th, 2008, 01:03 AM
| رقم المشاركة : [31] | ||||||||
 | رد: ابيات من ذهب
يا قلب ياللي كل طاري يتله مما جراله بأول العمر واليوم والشيل مالي به محايل تتله واصبحت مثل اللي من الرجل مقطوم ياحمود صلح لي على الجمر دله ما هي بثلاجه ولا هي بقمقوم وأحضر لها من صافي البير زله ما غطسن فيه الرعابيب هذروم ثم اجلها ما بين جمرن ومله للي يريد الكيف ويحيك بعلوم فنجالها يجلا عن القلب عله مهيلن بدي على كل مطعوم في شق بيتن يقبل الربع ظله اللي فراشه زل من دولة الروم يوم اقبلن عيرات مثل الاهله ولا الحمام اللي مع الجو لهموم طار الحريب ووقعن في محله في يوم عجه يشبه لذلك اليوم يوم الشريطي جاب كبشه يتله ياحمود هاتنه واذبح الكبش لقروم واحرص عليه وقدم الكبش كله في منسفن من فوقه الرز مردوم زودن على اللي نايم عند خله ما شال في قلبه هواجيس وهموم مصلحن له باوسط السوق فله ومقابلن خله على غرفة النوم والى نزل دلا على مشلحن له حيله ثقيل ونافخن راسه الزوم الحر يقعد مع حرار تدله والبوم والشنير يقعد مع البلوم سليمان البلوي | ||||||||
 |
 |  |  |
| | | |
|
August 26th, 2008, 12:36 PM
| رقم المشاركة : [32] | ||||||||
| رد: ابيات من ذهب
نسـئـلـك يالله بأسـمـاك يالـحــق الكـريـــم 000 ياوكــيـل وياقــوي ويامـتـيـن وياقــديـــــر ياسـلام ياقـــدٌوس يارحـمـن ويارحـيـــــم 000 يامعــز ويامـــذٌل وياسمـيع ويابصـيـــــــر ياوهـاب ويارزاق ويافـتـاح وياعــلــيــــم 000 ياغــفـور وياغــفـار ويامـتـكــبـٌر ياكـبـيـر يامهـيمن ياعـزيــز ويارؤوف وياحـلــيــم 000 ياشكــور يارشــيــد ياصـبــور يانـصـيـــر يارقـيـب ويامـجـيـب وياحفـيـظ وياحـكيـم 000 يالـطـيــف ياقـهٌـــار وياجــبٌـار وياخـبـيـر يامغـيث وياحسـيب وياجـليــل وياعـظـيـم 000 ياعـفـؤ ياتــواب انـت الأول والاخــيــــــر احــفــظ الاســلام مـن كـل شيـطان رجـيم 000 احـفـظ محمد وعـرضه من عدوله حـقـيـر واحفظ محمد نبيك من صغير ومن سقيـم 000 مـثـل حـفظ البـيت يوم ابرهه جاله يسـيـر من خـنازيــر تبـجــح بالجـديــد وبالقـديـم 000 مـرة تجرح الـ عيسى ومرة تجرح بشيـر ياإلاهـي اسخـط الظالـم وذوقـه الجحـيـــم 000 واسخـط الطاغـوت يالله واصله بالسعـيـر وانـزل اللعــنه عـليهم كل ماهـب النسـيـم 000 مثــل ريح صرصر عاتـيه بئس المصـيـر وين يـأمـة محمـد صحـوة العـقـل السليـم 000 انبـذو الفاسق لداره واوقـفو اجـر الأجيــر قاطعــوه وعاقـبــوه وسددولـه بالـصميـم 000 واضـربوه بعـقر داره حتى مايلقى شويــر لويـــقـدم لأعتــذاره لا تـروفـو بـاللـئـيــم 000 ازجـروه وهددوه بسوء فعـل له خطــــيــر يأهل التوحـيـد هـيا جاهـدو بليـل عـتـيــم 000 جاهدو لعرض الرسول اللي بنوره نستنيـر ارفعـو للـحـق راية واكـسـبوا اجر ونعـيم 000 في دفـــاع عـن رســول جاء للامـة نذيـــر واردع الظالم بطيشه حتى يمشي مستـقيم 000 كيف يسخرمن محمد في رسوم الكاركاتير قاطع الدنمرك والنرويج واعوان الزعيــم 000 لوزعـل شيـراك مع بـوش واستفزع بليـر وقـفـو بـوجـه الطغـاه وكـل يوم له خصيـم 000 وانزلو حوض المنايا واشربو عين الغدير والصلاة مع السلام على رسول الله القويم 000 عدٌ من لبـى بـمـكـه قاصـد مـقـصـود خـير شعر / نايف بن غزاي م | ||||||||
| |
| | | |
| | | |
|
August 27th, 2008, 02:15 PM
| رقم المشاركة : [33] | ||||||||
| رد: ابيات من ذهب
يالله يـالـلـي كـــل الامـــات تـرجـيــك يــا واحــدٍ مــا خــاب حـيـن تـرجـاك يـارب عـبـدٍ مـا مـشـا فــي معاصـيـك ولا يمشـي الا فـي محبتـك ورضــاك يـامـرقـب بالـصـبـح نطيت عاليـــــك مـــا واحـــد قـبـلـى خـبـرتـه تـعــلاك وليـت يـاذا الدهـر مـا أكـثـر بـلاويـك الله يـزودنــا الـسـلامـه مـــن اتــــلاك ياللـى علـى العربـان عمـت شكـاويـك ولـيـت يــا دهــر الشـقـا ول مـقــواك ولا يــوم هــا الكـانـون غــاد شبابـيـك تلعـب بــه الأريــاح مــن كــل شـبـاك يـا مالـك اسمـع جابتـى يـوم أوصـيـك واعرف تـرى يابـوك بآمـرك وانهـاك وصـيــة مـــن والـــد طــامــع فــيــك تسبـق عـلـى السـاقـه لسانـهـا لعلـيـاك أوصـيـك بالتـقـوى عـسـى الله يهـديـك لــهــا وتـدركـهــا بـتـوفـيـق مــــولاك الله بـحــق أجـــدادك الـغــر يعـطـيـك مرضـاتـه مـــع مـــا تمنـيـتـه أمـنــاك احفظ دبشـك اللـى عـن النـاس مغنيـك اللـى إلـيـا بــأن الخـلـل فـيـك يـرفـاك واعـرف تـرى مـكـه ولاهــا بناخـيـك لـو تشـحـذه خمـسـة ملالـيـم معـطـاك اجعـل دروب المرجلـة مــن معانـيـك واحـذر تمـيـل عــن درجـهـا بمـرقـاك لاتـنـسـدح عـنـهـا وتبغـيـنـى أعـطـيـك جمـيـع مــا يكفـيـك مــا حـاصــل ذاك أدب ولــدك إن كــان تبـغـيـه يشـفـيـك واستسعـفـه مــن بـعـد مـربـاه يـــالاك امـا سمـج واستسمـجـك عـنـد شانـيـك ويفـر مـن فعـلـه صديـقـك وشــرواك وإلا بـعـد جهـلـه تــرى هــو بـيـاذيـك لــو زعـلـت أمـــه لا تخـلـيـه يـــالاك واحذر تضيع كـل مـن هـو ذخـر فيـك معـروفـه لاتـنـسـاه وأوفـــه بـعـرفـاك تـرى الصنايـع بيـن الأجـواد تشـريـك الـيــا طـمـعـت بغـرسـهـا لا تــعــداك واحـذر سـرور بغبـة البـحـر يرمـيـك ولاعنـده أفلـس مـن تشكـيـك وأبـكـاك واوف الرجـال احقوقـهـا قـبـل تاتـيـك لا تـوفـيـه بـالـقـول فـالـحــق يـقـفــاك وهـرج النميمـة والقفـا لا يـجـى فـيـك وإيـاك عـرض الغـافـل إيــاى وإيــاك تـبـدى حـديـث لـلـمـلا فـيــه تشـكـيـك وتهيـم عنـد النـاس بالـكـذب واشــراك والـيـا نـويـت احــذر تعـلـم بـطـاريـك كـم واحـد تبغـى بـه العـرف وأغـواك واحذر شماتت صاحـب لـك مصافيـك واليـا جـرى لـك جـارى قــال لــولاك ولا تـحـسـبـن الله قــطــوع يـخـلـيــك ولاتفـرح أن الله عـلـى الخـلـق بــداك الضـيـف قــدم لــه مــن حـيـن يلفـيـك ممـا تطـولـه يــا فـتـى الـجـود يمـنـاك أكــرم اقبـالـه فـإنـهـا مـــن شـواديــك وابــذل لــه المجـهـود مــادام يـعـنـاك احـذر تلقـى الضيـف مـقرن علابـيـك خـلـه مـحـب لــك صـديـق إذا جـــاك وأوصيك زلات الصديق إن عثـا فيـك مـازال يغطاهـا الشـعـر فاحتـمـل ذاك راعـه ولـو مــا شـفـت انــه يراعـيـك عـسـاك تكـسـر نيـتـه عـــن مـعــاداك واحذر عدوك لـو ظهـر بـى يصافيـك خـلـك نبـيـه وراقـبـه ويــن مــا جــاك لاتـأمـنـه واطـلــب مـــن الله يـنـجـيـك ويكـفـيـك ربـــك شــــر ذولا وذولاك شفنـى أنـا يـا أبــوك بـآمـرك وانهـيـك عـن التعـرض بـيـن الاثنـيـن حــذراك إذا حـضـرت أطـلابـه مــع شـرابـيـك اســع لـهـم بالصـلـح والــلاش يـفـداك ابــذل لـهـم بالـطـيـب ربـــك ينـجـيـك ولاتجـضـع المـيـزان مـــع ذا ولاذاك أمــا الشـهـادة فـأدهـا إن دعــوا فـيــك بـيـن عـمـود الـديـن لاعمـيـت أريــاك بـالـك تمـاشـى واحـــد لـــك يـرديــك طالـع بـنـى جنـسـك وفـكـر بممـشـاك رابــع أصـيـل فــى زمـانـك يشاكـيـك لا شـاف خملاتـك عـن النـاس غطـاك وأحـذرك عـن طـرد المقفـى حذاريـك عليـك بالمقـبـل وتــرك إلـلـى تـعـداك ثـــم الـعــن الشـيـطـان لـيــاَّه يـغـويـك تــــرى إن تـبـعـتـه للـشـرابـيـك وداك ووصـيـك لاتـشـكـى علـيـنـا بـلاويــك أنـت السبـب طرفـك عيـونـك بيمـنـاك واعرف ترى إلى واطي الفهر واطيك ولا أنـت أعـز مـن الجماعـة هـذولاك المسك يـا راسـى عـن الـذل واخطيـك واحــذر تكـلـم يـــا لـسـانـى حـــذراك والطف بجـارك وقـم مـن دون عانيـك وافطن لمـا يعنيـك عـن ربعـة أحـواك يـا ذيـب وإن جتـك الغنـم فـى مفالـيـك فـاكـمـن الـيــن إن الـرعـايـا تــعــداك مــن أول يــا ذيـــب تـفــرس بـيـاديـك واليـوم جـا ذيـب عـن الفـرس عــداك يـا ذيـب عاهدنـى وأعـاهـدك مرمـيـك مرميـك أنـا يـا ذيـب لـو زان مـرمـاك والنفـس خـالـف رأيـهـا قـبـل ترمـيـك تـرى لهـا الشيطـان يـرمـى بـالإهـلاك ومن بعـد ذا لا تصحـب النـذل يعديـك وعن صبحة الأنـذال حاشـاك حاشـاك تـرى العشيـر النـذل يخلـف طـواريـك وأنـا أرجـى أنـك مـا تجـى دون أبـاك والهفـوة إنـك مــا تـجـى دون أهالـيـك ولاظــن عــود الــورد يثـمـر بتـنباك والحـر مثلـك يستحـي يصحـب الديـك وأن صاحبـه قاقا معاعـات الأديــــاك لا تستمـع قـول الـطـرف يــوم يلفـيـك بالكـذب يقضـى حاجتـه كـل مـا جـاك مـن نـم لـك نـم بــك ولا فـيـه تشكـيـك وأيـــلاه قـــد أزرا رفـيـقــك وأزراك عنـدك حكـا فينـا وعنـدي حـكـى فـيـك وأصبـحـت كارهـنـا وحـنـا كـرهـنـاك ما اخطاك ما صابك ولو كـان راميـك وإلـي يصيبـك لـو تتقيـت مـا أخـطـاك ميـر استمـع مـنـى عـسـى الله يهـديـك النـصـح يــا مـالـك لــك الله لـمــولاك عـنــدى مـظـنـة مــــا تمـثـلـهـا فــيــك واطلب لـك التوفيـق مـن عنـد مـولاك الشريف بركات | ||||||||
| |
| | | |
| | | |
|
August 27th, 2008, 02:35 PM
| رقم المشاركة : [34] | ||||||||
| رد: ابيات من ذهب
يا ونّـةٍ ونّيتهـا مـن خـوا الـراس من لاهـبٍ بالكبـد مثـل السعيـره ونين من رجله غدت تقـل مقـواس ويون تالـي الليـل يشكـي الجبيـره ويامـل قلـبٍ مثـل بـنٍّ بمحمـاس ويا هشـم حالـي هشمهـا بالنجيـره ويا وجد حالي ياملا وجـد غـراس يوم أثمرت وأشفا صفـا عنـه بيـره من ثمر قلبي سـرى هجعـة النـاس متنحـرٍ درب عسـى فيـه خـيـره الله يفكـه مـن بـلا سـو الأتعـاس ومن شـر عبثـات الليالـي يجيـره في ديـرة تقطّعـت عنـه الأرمـاس سبعيـن يـومٍ للركـايـب مسـيـره لا والله الا حال مـن دونـه اليـاس حـط البحـر والبـر دون الجزيـره يا الله يا اللي رد من عقـب مايـاس يوسف على يعقوب وابصـر نظيـره ترد علي دباس يـا محصـي النـاس يـا عالـم مـا بالخفـا والسـريـره يا دباس بأوصيك عن درب الأدنـاس ترى الـذي مثلـك يناظـر مسيـره عليك بالتقوى ترى العـز يـا دبـاس في طاعة اللـي مـا ينجيـك غيـره هذي ثمان سنين من رحت يا دبـاس لا رسالـةٍ جتنـي ولا مـن بريـره يا دباس عقبك ترى البـال محتـاس وعليك دمـع العيـن حـرَّق نظيـره وعليك كني في دجا الليـل حـرّاس أصبح على حيلـي وعينـي سهيـره أصبح أنا ما بين طـاري وهوجـاس وطـواريٍ تطـري علينـا كثـيـره مثل الوحش قلبي على كـف حبّـاس يكفـخ كمـا طيـرٍ سبوقـه قصيـره متحيرٍ من عيلـة البيـت يـا دبـاس أرجي ثواب الله وأخشـى المعيـره أخاف من حكي العدا ثـم الأنجـاس أهـل الحكايـا الطايلـه والقصيـره ويقـال خـلا عيلتـه عنّـز الـرأس أقفـى وخـلا عيلـةٍ لـه صغيـره والا فأنـا يابـوك قطـاع الأرمـاس ما نيب مثبـورٍ أو رجلـي كسيـره آصلك لو دونك نبا حمـر الأطعـاس الصلب والصمّان مـا هـي عسيـره مهالـكٍ مـداركٍ مـا بهـا أونـاس الا الثعـل والبـوم تسمـع صفيـره لـو كنــت في نزوا وديرة بني ياس أهل الموازي والوجِيــه الغبيـــره عبّــادة الأصنام شرّابة الكــــاس الخمــر والتنباك فيهــا وغيـــره لأركب على وجنٍ من الهجن عرماس فجّ النحر يا دبـاس حمـرا ظهيـره متروسة الفخذين مزيوعـة الـرأس كن الخـلاص عيونهـا يـوم اديـره أو شبـه ربـدا تخفـق لـلأونـاس وان رفعـت جنحانـهـا مستـذيـره تنشر من العوده على نـور الأنفـاس عند الفجـر والليـل مقفـي مريـره والعصر بالصمّان تسمع لها اضراس حبل الرّسـن خطـرٍ تبتـر جريـره نهـار ثالـث بيـن حمـا والأوراس واره يمينـك جعلهـا لـك سفـيـره ثـمٍ علـى ساجيـةٍ تقلـب الـرأس تمشي بهلها فـي البحـور الغزيـره إلى مسقط الفيحاء بها الخير محتـاس لولا الكفـر والشـرك يـاوي ديـره فيها الطبيخ وراهي الخبز يـا دبـاس يقعد خـويّ الـرأس خنـة خميـره هي ديرة اللي باغـي كيفـة الـرأس ولا له أحد همه مـن النـاس غيـره هيسٍ ولد هيـس للمواعيـن لحـاس يفـرح ليـا نيـدي لذبـح النحيـره وماقفك ذا يا دباس ما فيـه نومـاس يصلـح لقيـنٍ مهنتـه طـق زيـره ترى الفـداوي دون وانشـد النـاس راعية مـا يذكـر بمـدح أو غيـره ما له سوى طق الحنك منه واليـاس وليا انقطع خرجه فـلا لـه ذخيـره طلب المعيشه بالحراثـه والأجنـاس المشترى والبيـع يوصـف وغيـره قم انهض العيرات مع كـل فـراس يـا دبـاس دوّر خيـرٍ تستشـيـره جدك و عمّانك هل العـزم والبـاس أهـل المواجـب مكمليـن القصيـره يا دباس ما يصبر على البق والحاس إلا الـذي مالـه بنـجـدٍ عشـيـره واليوم يا مـروي شبـا كـل عبـاس أنت الرجا يا كعـام وجـه المغيـره عشرين عامٍ كلها ارجيك يـا دبـاس مثـل الغريـر اللـي تولـع بطيـره عدل المناكب هليـع فـرخ قرنـاس يمناه فـي لطـم الحبـاري شطيـره عانق خلوجٍ روّحت عقـب مـرواس عنـد العصيـر لبيضهـا مستذيـره والليل جاها وحال من دونها اليـاس روحها علـى فرقـاه فـرت فريـره يا دباس أنا يابوك مـا نيـب بـلاس ميـر إن عيـلات الرفاقـه كثـيـره جنبت وسط السوق وامشي مع الساس واخذ شوي الحـق وأتـرك كثيـره يا دباس لو جبت من دحب الأكيـاس مختلفـة مــا بـيـن رزٍ ونـيـره ما لي بها يـا جعلهـا بألـف قبـاس أو جعلها تذهـب ولـو هـي كثيـره يا دباس قلبي كل مـا هـب نسنـاس شرقيـة هبـت بقلـبـي سعـيـره والحال يافرز الوغى مسّهـا البـاس عليـك يـا ناطـح وجيـه المغيـره وغصون قلبي يا فتى الجـود يبـاس غـاد أنـا يابـوك كنـي هشـيـره من شافنـي يقـول ذا فيـه لسـاس واللـي بـرا حالـي إلهـي خبيـره لا وعلا من قبـل غـوّال الأنفـاس ومفـارق الدنيـا يجيـنـا بشـيـره عسى يطق البـاب والنـاس غطـاس يـا والـي القـدرة عليـك تعبيـره وصلاة ربي عد مـا هـب نسنـاس على النبـي عـدة حقـوق المطيـره راشد بن دباس | ||||||||
| |
| | | |
| | | |
|
August 27th, 2008, 03:03 PM
| رقم المشاركة : [35] | ||||||||
| رد: ابيات من ذهب
رد دباس على والده حي الجواب اللي لفانا من الرأس جابه غلام ما توانا مسيره أهلا هلا به عد ما حبك قرطاس او ما كتب فوقه بيوت شطيره جواب من هو لي مود من الناس ابوي ما يوصف حلي لغيره فرزا الوغى كنه على الوكر قرناس قروم ربعه كلها تستشيره دليل عيرات لياهب نسناس ثم ادلهم الجو ومابه ذخيره مهفي الغنم لأهل الركايب والأفراس لا روحوا له لا عليهم قصيره راعي معاميل بها العبد جلاس للبن يشري بالسنين العسيره هاذي بمركاها وهاذي بمحماس وهاذي يصبه للوجيه السفيره وخلاف ذا يا راكب فوق عرماس مأمونة من نقوة الهجن عيره حمرا وهي في سنها وقم الأسداس متوسط لا فاطر ولا صغيره ماهي لحوج راكبه بالعصا قاس حرم عليها غير شيل النقيره والخرج هو وبيوت قيل بقرطاس مع مزهب الأيام ما هي كثيره وفوقه غلام منوته قطع الأرماس لو هو بليل ما تغير نظيره وليا لفيت الدار فا جهر با لأحساس وبلغ سلامي كل ذيك العشيره واختص أبوي اللي نفل جملة الناس وخصه بعلم وقل تراني بشيره لا يا نجي العرض يا بوي لاباس وأن كان تشكي الضيم فأنا أسيره وان سايلك عني تراني بنوماس وانا أحمد اللي ما توسلت غيره المدح لو يشرى شريناه بأكياس بأموالنا نرخص ندور الستيره مطرق افرنجيّ مضاريبه الراس ومصلبخ جبته عساني ذخيره من صنع نصراني مشروبه الكأس يذكر ورى جاوه بعيد مسيره أبغيه للي حادينك على الساس أهل النمايم والحكايا الكثيره ربع نووا فيك الردا والتخساس مهبول يا اللي قال غايب عشيره علي دين لودع الجمع ينحاس لين العشير يقوم يلعن عشيره ان ما سكنا الدار من غير هوجاس والا نعاف الدار ونور غيره كله لعينا كلمة قلت يا دباس تشكي وانا دوني بحور غزيره خذلك يمين الشرع قطاع الأنفاس انه فلا جتني علوم بصيره لا نيب جاني منك حبر بقرطاس لأيضا ولا جتني علوم سفيره وان كان تشكي الضيق يا بوي لاباس جاك الفرج يا بوي هو والبريره يا بوي أنا مارحت لكيفة الرأس مع ذا ولاني في سفاه او غيره يا مسندي يا بوي شوف اوكد الناس ثم انشد وقل ويش هو في مسيره ان كان ما يفرح صديقك بنوماس تحرم علينا اللي نهوده صغيره مدلول مجهول زها زين الألباس بنت الذي يثني ليا جت كسيره طار يقول اظهر وطار بجلاس قمت أشرب التنباك واثره نكيره أبغي عسى الله يبرد القلب يا ناس من لا هب شبت بقلبي سعيره و الا فانا يابوي قطاع الأرماس أصبر على الشده ولو هي عسيره ومن كان له غايب فلا يقطع الياس ان قدر الله جاب علمه بشيره | ||||||||
| |
| | | |
 |
| الكلمات الدليلية |
| ابيات, ذهب |
| أدوات الموضوع | |
| انواع عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| هل عندك شك؟ | المستبده | منتدى همس الخواطر | 17 | June 20th, 2003 04:21 PM |
| ابيات مختاره | الأسير | منتدى الشعر | 7 | May 16th, 2003 04:29 AM |
 |  |
العرض العادي
