ول يا يوم عبوس على جوبـة نقيـر

قبل نور الصبح ينباج لي نور النـهار

كن جضع الزلم بنحورنا جضع الهصير

بالمساليب اليماني وبالشلـف القصـار

والمعقل دونه الموت طيـره ما يطيـر

شايط بأطرافه الموت شيطات العتـار

ربعي العطوان عز الضعيّف والقصير

من نهق فسقان حطوا برجلينه هجـار

لين يرغي ثاويٍ عندهم عقـب الهديـر

لو حصل له ينطق همل الفتنـه ونـار


فهد بن جافور

الــبـارحـه يـــاحــسـيــن مـركــاي كــوعـــي !!! مــن الـعـشا الـيـن اذن الــفجـر يـا حـسيــن

مــا غـيـر اسـلــي خــاطــري بـالـدمـوعـــي !!! مـثـل الـذي مـن يـقـضـي الـديــن بـالـديــــن

وكـل الـسبـب طـيـري حـسـيـن الطبوعــي !!! الـنـادر الــلــي شــوفــتـــه تــطــرب الـعـيـــن

الــلــي لــيــا مــنــي نـهــمـتــه فـــزوعــــي !!! مـثـل الـشـجـاع الــي نـهـمــوه الـقـريـبـيـــن

قـــمـــت اتـــذكـــر تــلـــتـــه لــطــلـــوعــــي !!! بــخــدن قــنــصــنــا فــيــه حـــروة اسبوعيــن

مــدري ثــمــان ايـــام مــعـهــن اسـبـوعــي !!! لا شـــك كــنــهــن يــا ابــن الـاجـواد يـوميــن

وفــي تـالـي الــمــقــنـاص يــوم الـربـوعــي !!! اتــلــى الــعـهــد بــه راح يــلــوي الـجناحيــن

اقـــفــى وراء خـــرب ٍ مــصــقــر جـــزوعــــي !!! مــتــذيــر ٍ واردفــت مــن عــقبـــه طــيــريـــن

وســقـنـا مـعـاهــن وســط خـــد مـنـوعـــي !!! اقــــف ٍ شــمـال ومــبـعــدات عـــن الــعــيـــن

الـــخـــرب صــامـل والـــنــــداوي قــطوعـــي !!! وحــال الــوعــر مــن دونـهــم والـشـعـيـبـيـــن

وقـفـت ادربــل مـيـــر مــامـــن ســنــوعـــي !!! وقــالــوا جــهــاز الـطـيـر مــا نـسـمـعــه زيـــن

واجـهـدت رجـلــي بــكــل رجــم ٍ رفــوعـــي !!! ارقــــى والــوح وادبـــل الــصــوت صـــوتــيــــن

ومـــا قــصــرو وقــــت الــمــنـافــع ربــوعـــي !!! واخـــذت فــي جـــو الــقــطامــي نــهــاريــــن

لـاشــك طــيـري مـــا نـــوى لــلــرجــوعـــي !!! وانـــــا بـــعــــد حــــدرت يــــــم الــبـــلـاديــــن

مــا كــان ودي ان الــمــفـــارق فــجــوعـــي !!! لــيـتــه مــوادعــنـــي ســـوات الــمــحـبــيـــن

الــلــه يـلــوم الــطـيـــر بــعـــده يــلـــوعـــي !!! خـلـانـي اسـهـــر والــمـخـالـيــق مــمـسـيــن

عـسـاه يـسـلــم مــن يـديــن الـطـمـوعــي !!! الــلــي عــن الـنـشـــاد يـخـفــي الـبـراهـيــن

والـا الـرجــال الــي تــعـــرف الــسـنــوعـــي !!! تـلـقـى عـلـى حـجـلـه مـع الـسبـق رقـمـيـن

والـا عـــســـاه ابــنـــاريــــات الــتــلـــوعـــي !!! ورزقـه عـلـى الـي خـالـق الـنـاس مـن طـيـن

ومـمـا جـرى يـا حسـيـن قـلـبــي قـنـوعــي !!! لــو كـــان عــقــبـه خـاطــري صــايـــر ٍ شـيــن


مشعل حمود العازمي

حويطات ياعزي على المجد تركز
.............. صــــقور حرار ما خالطهم نشازي

ارداهم الي له روس الابطال تهتز
................... من فعلهم شابت عقول ركازي

يا ما اكرموا ضيفان و يا ما اطعموا عجز
................ يغنم بطيب النفس من به عوازي

حســــن الكرامة من كرمهم معزز
........ ما يدوس في ارضه غشيم و غــــازي

طلقين الايدي مـــــكرمين المعوز
............ و شنعنين بلقانا على كـــل طازي

نتعب ركاب الطيب في واحــة العز
........ و ترّسو بنا العزعلى روس النوازي

للمعتدي نـــــــار و لهيب تمزز
........... و نطلى عــيدانها طليها للنحازي

نعمك بالــــــحويطات للطيب تنجز
....... بالمملكة و في مصرها و الـــحجازي

جــــمرة غضى لعيون الانذال تخرز
............. نار عليهم و زايد النـــار كازي

الفخر و النوماس لـــــحويط طرز
............ عباة عـــــز من الفخر باكتنازي

و صلاة ربـــــــي عد مرعودها طرز
.......... و عداد بــرق في دجى الليل نازي

على النبي العدنان للـكون انــجز
....... درب صــــــــواب فيه نعم المفازي



فرحان الحويطي

أنا طفله بريئه مت مـن بـرد الشتـاء والجـوع
عسى قبـري يايُمّـه عقـب ذاك البـرد يدفينـي

لسان الحال لو ينطق يقـول بصوتـه المسمـوع
أنـا ماهمّنـي الا أنتـي وبـاب يانظـر عينـي

أنا أدري كم بكيتو فوق قبـري حسـرةٍ ودمـوع
عسـى ربـي يصبّركـم علـى بلـواه ويعينـي

وأنا أدري ماحصل منكم قصور والعتـب مرفـوع
عن اللي ماستطاع من الغـلاء والفقـر يكسينـي

مصيبه للضعوف اللـي تكابـد والزمـان يـروع
تقَـضّ بهـا المضاجـع والمواجـع للمساكينـي

وأنا أدري مثلكم واجد وكم مفلس وكـم مقطـوع
وكم في ديرتـي مـن معسـرٍ مالـه مواسينـي

صحيح إنها غنيه خيرها من كـل صنـف ونـوع
وتنعـم بالرخـاء والأمـن فـي كـل الميادينـي

توارى في عيون النـاس ياحلـم لهـم مشـروع
يعيشـه واحـد ويطيـح دون الحلـم عشرينـي

أحد يقدح وأحد يمدح وأحد معطى وأحـد ممنـوع
وأحد ردد وأحـد ماهـي بتعنيـه القوانينـي!

وأحد يتعب وأحد يلعب وأحد تابع وأحـد متبـوع
وأحد يظهر على الاكتـاف ويـدوس الموالينـي

وأحد في عالم النسيـان لا نافـع ولامنفـوع
وأحد عايش على أهل الخير وجيـوب المصلينـي

غريبه يابلادي كم على أرضك شفت قبل اسبوع !!
عجزت أبوح به حيه وبعد المـوت توحينـي؟

ترى أحبك وكل الشعب مثلي لك محـب وطـوع
ولو جرتي ماهـوب ذنبـك ولاذنـب الميامينـي

هذا ذنب النفوس اللي طمعها والجشـع مطبـوع
على سـود القلـوب وهمّهـا جمـع الملايينـي

ويبقى الخير وأهل الخير والداعي لهـم مفـزوع
ولو يبطون حد التضحيـه ويجـون عجلينـي

لكن هذي وصيـةْ ميّتـه ياشعبـي المفجـوع
أحملهـا ولأة الأمـر وأهـل الـراي والديـنـي

يراعون الفقـارى واليتامـاى والبـلاء مدفـوع
مع حفظ الحقوق وحكـم عـدل ورحمـة ولينـي

وتخفيفٍ على المسكيـن والمحـروم والموجـوع
أودّعها الذمـم يأهـل الذمـم ولحافـي الطينـي


عبدالله شايع الزهيري

ياصاحبي ياللي تعـاف المناقيـد
قلي وش أحوال الزمان ورجاله ؟

كان الرجال اللي من أول صناديد
أبطى رحيل أيامهـم و ارتحالـه

خير ٍ بهـــالدنيا بهم خيرهـا يزيـد
ما هو بخير اللي تفاخر بمالـه

رجـــل ٍ يقود الناس بالخير مايحيـد
صرح المعالي لـو تعلى رقالـه

ما همته لذات ساعــــه و لا يريـد
ألا رضا ربه و يكسـب منالـه

حر تعلى حـــــط له بالعـلا أيـد
عذب الصفات النيرة من فعالـه

يعامل المرأة علـى أنهـا العيـد
و من مننا يقدر يفارق وصالـه

الود وده ينوجد من ذهب قيـد
قيد ٍ يقيد عمر منهـي حلالـه

لجل البقى يبقى وتبقى بتخليـد
ما ينتهي عمر الخلـود و مجالـه

والله ثم والله و إن قلتهـا أزيـد
إني لأدون كـل يـوم ٍ رسالـة

مضمونها لكل النساء منهن الغيد
واللي على ظلم الرجال يهنا لـه

للي يصرح كل يـوم ٍ بتجديـد
حرية المـرأة هـدف هالحثالـه

حملة دفاع ٍ ما ورآهـا مراديـد
فيها تواصيف الرجل مع خصاله

رجّالنا باقي به الخيـر مايحيـد
صرح المعالي لو تعــــلى رقالـه

م