أنت غير مسجل في منتديات شبكة حاير . للتسجيل الرجاء اضغط هنـا  |  |  |  |
 |  |  |  |
| ||||||||||
 |  |  |  |
 |
| | LinkBack | أدوات الموضوع | انواع عرض الموضوع |
July 31st, 2008, 12:33 PM
| رقم المشاركة : 16 |
| رد: ابيات من ذهب
البارحة ما غمض الجفن برقاد = لين السهر والنوم صار متساوي بغيت أدله خاطري بس ما فاد = و يا عنك ما تنفع كثير الشكاوي يا لله يا اللي بأمرك الخير ينقاد = يا للي عليك المعتمد و الرجاوي نفحات جودك مالها حساب وعداد = وأنت الكريم وفيض جودك رهاوي يا سابك سبع(ن) بلا طناب وعماد = يا مرسل(ن) دهم السحاب النحاوي غديت أنا والنفس في حرب وجهاد = وبيحت سدي عقب ما ني حياوي من لا كسب له طولت(ن) بين الأولاد = لا شاب ما تنفع كثير المناوي ومن لا كسب قولت نعم بين الاجواد = بين الرجال أهل الفخر والحماوي لا غاب ما يُفقد ولا عنه نشاد = جعله لصكات الزمن والبلاوي والرجل في دنياه زارع وحصاد = ما يأخذ الدنيا بخرص وهقاوي ما يأخذ الدنيا بهقوات وعناد = اليوم ما تنفع كثير العزاوي ومن عاف رفقتنا جزيناه ببعاد = ومن عافنى عفته ومنه غناوي للشاعر/ حمد بن عبدالهادي بن بلاش |
|
|  |
|
July 31st, 2008, 01:30 PM
| رقم المشاركة : 17 |
|
| رد: ابيات من ذهب
الله من هم(ن) بصدري كما الكير = يلفح بصدري مثل لفح السمومي الله من هم(ن) بصدري كما النير = الضلع ضلع النير و الا همومي ما لاعني حب العذارى الغنادير = الزاهيات بزينهن والهدومي ولا همني جمع الذهب والدنانير = المال يفنى والعمر ما يدومي ولاني بحاتي مزرعة قمح وشعير = حتى ولا لي فى المزارع لزومي انا هوى نفسي بذود مغاتير= معزلات والأيادي عسومي نشل الفخوذ لهن عضود مشامير = مد الغوارب مبرمات الحومي بنات هرش(ن) من ركاب المناصير = شرحه مع البدوان قده معدومي يا ما حلا تدريجهن فى المخاضير = في خايع(ن) تسقيه غر ألغيومي من عقب مقياض(ن) على جمت البير = اليوم نرعى من نبات الحزومي وعزى لمن راحت حياته تسايير = ما شاقته أم الحوار الردومي ولشاقته فى خايع ما بعد ذير = صيده وعشبه من جديد الوسومي هذى طرات النفس يا ملحق(ن) خير = والله يوم اللى لحالى يلومي واخير من ما قلت جمع المشاهير = فى مجلس(ن) ما فيه كبر وزومي حمد بن بلاش |
|
| |
|
August 2nd, 2008, 10:54 PM
| رقم المشاركة : 18 |
|
| رد: ابيات من ذهب
ون أبن جـدلان مـن لايـعٍ لاعـه كن فـي كبـدي دوافيـر صناعـي ألعـب المنكـوس وأحـب روباعـه مملٍ في الوقـت والوقـت خداعـي مادريت أن ضحكة الوقـت خداعـه شفت مدخالـي ولاشفـت مطلاعـي لابغيـت أسـج والا انبسـط ساعـه دق قلبي من وراء حدب الأضلاعـي كن مابيـن الضلـوع آلـة طباعـة تشتغـل لانمـت وأقـوم مرتاعـي هـم قلـبـي مايـفـرق تجمَـاعـه غير جر الصوت والنـاس هجاعـي فاقدٍ لـي سلعـةٍ وأكبـر أبضاعـه سلعـةٍ تشـراء ولاهيـب تنبـاعـي رفقـة الطيـب ليـا غيـر أطباعـه أشهد أنهـا كيـةٍ توجـع أوجاعـي راكب إلي صممه صاحب أصناعـه جمس بيك أب من حديثات الأنواعي الغريب الـي جديـدٍ مـن أنواعـه حوض رفرف مايبي شد وشراعـي لا أونس البنزيـن عجـلٍ تفرقاعـه مخطرٍ من سرعتـه يقلـع أقلاعـي لاتحرك شفت في القـاع مشلاعـه والتواير تظهر المـاء مـن القاعـي ينعـش القلـب الحزيـن أبتهملاعـه لامشـا قـام يتهمـلـع تهمـلاعـي لاوطى الأرض العتش كن تهزَاعـه بنت شيخٍ طامـحٍ مـن ولـد راعـي في رجاء الغايب تحَـرا لمرجاعـه تنقـد العشـاق وتطـق الأصباعـي نفسها من جملـة النـاس منصاعـه ماتبـي إلا واحـدٍ ذكـره أيشاعـي ينحر اللي يأخـذ الطيـب بذراعـه الصديق الصافي الصامـل الواعـي الوفـاء والطيـب ساسـه ومنباعـه يوم بعض الطيـب تقليـد وصناعـي لاوصلتوا فأخبروني عـن أوضاعـه وأخبروا راعي السمارا عن أوضاعي أنشـدو ويـش السبايـب بمهزاعـه لاعلـي ناقـص ولا أبيـه فزَاعـي ودَنـا نرضيـه ونحـاول أقنـاعـه كان بن مهمل بعـد يسمـع الداعـي كـان يبغـا حـق للحـق قطَـاعـه نقنعـة والحـق ماعنـه مجزاعـي وكان مبغضٍ فـي الرياجيـل بتَاعـه لايجـي ناقـد ويلحقنـي أريـاعـي لصَديـق نخلَـي النفـس خضَاعـه مانـوريـه الجـفـا والتمطَـاعـي الصداقـة عندنـا ذخـر وطمـاعـه صحبـةٍ ماهيـب صحبـة تمتاعـي حـد جدتهـا علـى البـرق لماعـه وإن خذت يومين مفعولهـا ضاعـي إن تليمنـا علـى العـز والطـاعـه وأن تفرقنـا فجـوج الله أوسـاعـي ما أطرد المقفي ليا صفـط أشراعـه مخبـل اللـي للمقفـيـن تبَـاعـي من يحط أذنـه علـى كـل سماعـه جـاه فرقـاً مابعـدهـا تجمَـاعـي بن جدلان الاكلبي |
|
| |
|
August 4th, 2008, 11:29 PM
| رقم المشاركة : 19 |
|
| رد: ابيات من ذهب
شعر المهندس / عبدالعزيز بن عبدالله بن حامد في الامير خالد الفيصل بـسـم ربــي لــه ابـــدى البسْـمـلـة بـسـم ربــي لــه الحـمـد والتهلـيـل فــي أطـهـر بـقـاع واْرفــع منـزلـة مـكـة وطيـبـة ورسـالــة التـنـزيـل أعـظـم رســالات الـديــن المُـنْـزلـة تنْسـخ علـى ديـن تــوراة وانجـيـل فـي ثـرى دولـةٍ دستورهـا تحْمـلـه أمـانـةٍ تـبـقـى لـجـيـلٍ ورى جـيــل ينـعـم بـهـا الـيـوم جـيــلٍ باْكْـمـلـه ويشوف غيرها في الاسى والعويل حولنا العالم المسطول فـي مهزلـة بين حـرب غوغـا وحـزب وعميـل وأبـو متعـب ترفّـع يقـود المرحـلـة بيـن دشـن ويرعـى ويـنـزع فتـيـل الله واكبـر هـذا المـلـك مــا اعـدلـه استـهـل الظـلـم فــي بـلاطـه قتـيـل يجمـع سجايـا العـرب فيـه مُجْملـة ومجْمل صفاته تغني عن التفصيل قـبـل الإجـابــة تـدورهــا الأسـئـلـة ألتـم الشعـب حولـه وهــذا الدلـيـل باشـره سلطـان ثـم الاوادم مقبـلـة فـي بيـعـةٍ ألجـمـت قالـهـا والقـيـل سلطـان يـا ذرى الخـوّة والمرجلـة ياْ الباسم المسفهل في هيبة جليـل يحـنّ لــك جـيـش وطـفـل وأرمـلـة أضـداد مـا يجمعهـا غيـر الأصـيـل حكامنـا يـا حـمـى الـديـن ومعْقـلـه أم القـرى دار المصطفـى والخلـيـل أسْنَـدوهـا كـفـو الـرجـال المؤهـلـة تشفـع لـه خبـرة ونـظـرة وتحلـيـل هـذاك أبـو بنـدر مـا يقولـه يفعـلـه همته تساوي الحقيقـة بالمستحيـل كـنّ عزْمـه يحتـل اطـراف العرقلـة قبـل يدمّهـا مـا يشـفـى لــه غلـيـل أنْشِـدوا لــه فــي عسـيـر المذهـلـة أربعيـن عـامٍ ذلـل الصـعـب تذلـيـل تشهد له حرارٍ في الأصالة موغلة مـا تلقـى بينهـم لصيقـة أو دخـيـل نزيـهٍ مــا دوّر تـجـارة أو رسْمـلـة مــا خــذى منـهـا كثـيـر ولا قـلـيـل من عطاها نصف عمره مـا تخْذلـه يا كيف ونصف عمره فيهـا رعيـل زرع قلبـه وسْطهـا مـثـل السنْبـلـة فنبـتـت لــه كــل شـبـرٍ محـاصـيـل تاريخ يطـوي الرحيـل قبـل يرحلـه يستحـيـل اسـمـه يطـويـه الرحـيـل بشْـروا الفصـول إن الربيـع بأولـه لاتذبـل زهـور ولا يـجـفّ المسـيـل جاكم الوسمي من العـارض ينقلـه فـيـصـل الـخـالـد الـشـهـم الـنـبـيـل فــزّت عسـيـر شـوقـهـا تسْتقْـبـلـه دمّـة قبايلهـا دبْـك خـيـل وصهـيـل كـن التواضـع فـي الملامـح أمْثـلـة مـن يشـوفـه قــال إنــه لــه زمـيـل فــال خـيـر الـفـال يسـبـق مدْخـلـه مثـل أرضٍ توّهـا ممطـورة بسـيـل حاكـمٍ شـرّع أبوابـه لمـن يوصـلـه لنـاسٍ مــن يثمنـهـا تــرد الجمـيـل أبشـر بعـزك ومـا نقـولـه نصْمـلـه مـا تلقـى فـي حـرار الاُزد الهـزيـل مــن طبعـهـم يومـهـم لــه جـدْولـة من مطلـع الفجـر حتـى آخـر الليـل بسـم الله توكـل والـنـاس متفائـلـة مــا تشـوفـك إلا الـجـدي وسـهـيـل فـي ظـلّ دولــةٍ دستـورهـا تحمـلـه أمـانـةٍ تـبـقـى لـجـيـلٍ ورى جـيــل |
|
| |
|
August 4th, 2008, 11:53 PM
| رقم المشاركة : 20 |
|
| رد: ابيات من ذهب
الصيف زل ونحتـري طلعـة سهيـل يابو محمد وش بقـى عـن طلوعـه ذكـره قريـب ولا عرفـت التفاصيـل حتى الشهر يمكـن مايكمـل سبوعـه بس الوكـاد اللـي موكـده بالحيـل عيني على الهدهـد واراقـب وقوعـه يمرنـا بالعصـر وادبـاحـة اللـيـل كنـه يبشـرنـا بشكـلـه ونـوعـه ابرك من حساب العجيـري بودربيـل العود ضايـع بيـن كوعـه وبوعـه قـام يتخبـط والسوالـف تهـاويـل عطـوه قـروة خـيـر ولا نقـوعـه محلا مـن حسـاب البـدو بالتماثيـل قـدام نجـم سهيـل يلمـع لموعـه يعطونك النشـره علـى كـل تحليـل وامثال في ضـرب الكـلام ورموعـه ويحكون عقب سهيل لاتامـن السيـل لا عـاد تنـزل فالشعيـب وقشوعـه خوفن عليك اليـا غشتـك الهماليـل وتروح مـرواح الشريـف وجموعـه ياجد مـا فـالارض هـذي محاصيـل الدهـر خيّـم والليـالـي قطـوعـه امس العصر دوجت فيهـا ليـا الليـل اخـذت لـي سجّـه ولاهـي متوعـه لقيتها بحصـه مثـل ساحـة الخيـل جربوعهـا ماعـاد يشبـع شبوعـه من الصـداوي وغـرب رد الاقاويـل مافيـه عـوداً مرتكـز فـوق قوعـه واهل الحـلال اللـي عليهـا منازيـل النـوق ضمّـر والشيـاه مهلـوعـه حتى البعير اللي يشيـل الدهـر شيـل لو يعترض لك عرض تحسب ضلوعه الوقـت مايفـرح وجيـه الرياجـيـل ومن لا احتسى للوقت يعلن خضوعـه وترى السنين الشهب حـل وتراحيـل تثّر على اوضـاع النفـوس القنوعـه وترى الصدوف اليا صدفت تخلف الكيل امّـا بأمـان الرجـل ولا جـزوعـه وترى الليالي غيبهـا غيـب ويهيـل تلمس حكيم الـراي ويطيـر شوعـه الله يـبـدّل حـالـة الارض تبـديـل عقب التويبع مامضـى مـن تبوعـه الارض تشحـذ والليـالـي مقابـيـل من واحـداً ماتغتنـي عـن نفوعـه وجعل السحاب يعّلهـا عـل ويطيـل من الربـوع اسبـوع حتـى ربوعـه اليـا ادلهمـت كنهـا داجـي الليـل يدفّهـا ريـح الجـنـوب وتطـوعـه غـرىً تكاشـف برقهـا بالمخايـيـل تلمـع لميـع سيوفـنـا فالنـزوعـه وحنا الرجال اهل السيوف المصاقيـل تاريخنـا ماهـو مـرقـع رقـوعـه لا جـا نهـاراً للعمـايـم تناطـيـل وكـلاً يفتـح للـعـزاوي سمـوعـه {ميمون}رجحـان الرجـال المشاكيـل حمّايـة التالـي ومـن فيـه روعـه نزّالـت العـد المـطـرف حلاحـيـل من فعل {ابن شرار} وباقـي ربوعـه ومن عد ميمونـي بعشـرة رياجيـل ابعد عليه النصر مـن حـب كوعـه فايز جزا الميموني |
|
| |
|
| الكلمات الدليلية |
| ابيات, ذهب |
| أدوات الموضوع | |
| انواع عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| هل عندك شك؟ | المستبده | منتدى همس الخواطر | 17 | June 20th, 2003 04:21 PM |
| ابيات مختاره | الأسير | منتدى الشعر | 7 | May 16th, 2003 04:29 AM |
الساعة الآن 10:56 PM.
العرض العادي
