موضي بنت سعد بن عبدالله بن شارخ الدهلاوي من آل محفوظ من العجمان ..


من اشهر الشاعرات وابرزهن

وهي بنت سعد بن شارخ الدهلاوي

امير الرس في الدوله السعوديه الاولي


من صغرتها كانت ذكيه ولماحه وشجاعه وحظيت بشهره كبيره سواء عند البدو او الحضر وفي القصيم وماحولها ... مما جعل الكثير من الشيوخ يرغبون في الزواج منها ومن ضمنهم الشيخ والفارس المشهور جديع بن هذال العنزي .



كانت موضي تحب زوجها جدبع حب غير طبيعي ولاتقوى علي فراقه وتشتاق له
عند سفره كثير الشوق وهذه بداية القصه .


يقال ان في إحدي سفراته قالت قصيده تناقلها الناس تحثه فيها علي العوده للرس
لشوقها له ومنها هذه الابيات :


يالله ياموصـل غريـب بـلاده
يامجري سفن البحر فوق الامواج

تريح قلبي فـي مضنـه فـؤاده
ان كان ماطاوع بنا كل هـراج

امي توصينـي تقـول الجـلاده
وقلبي الي جا طاري البدو ينفاج

قل لابن وايل كـان وده مـراده
القيظ زل وباقي الوسـم لعـاج

حطيت لك ريش النعايم وسـاده
والقلب لك يافارس الخيل مسهاج




ولما اشتهرت القصيده بين الناس أحس جديع بالاحراج وازعجته القصيده لان الناس رددوها على لسان زوجته . وكان بدويا ..متحفضا ..فلم يطق هذا الأمــر .. وطلقها قائلاً :






يا راكـب حيـل ٍ الـى لجلجنـي
عوص لهن مع نازح البيد مرمـال

الى مشـن مديدهـن مـا يونـي
لكن حاديهـن مـع الـدو خيـال

مدن من الانجـاج حيـن انهلنـي
والظهر عند صخيف اللون مقيـال

والعصر عند صويحبـي بركنـي
أبـو ثمـان كنهـن در الاجهـال

لاجيت موضي يامنـاي ومظنـي
وصل سلامي لبنت ماضين الافعال

وقله تراها طالـق الحبـل منـي
اللي قصيده يلعبـه كـل رجـال





ولما وصل لها هذا الأمر أجابته بالأبيات التاليــــــــه :





حي الجـواب وحـي منهـو جوابـه
ياشيخ يـا مكـدي غثيثيـن الاجنـاب

يـا شيـخ والله مـا مشيـت بمعابـه
ولا خايلت عيني علـى كـل نصـاب

وأن كان قولـي فيـك كلـن حكابـه
عرضي نزيه ولا حكى فيـه هـزاب

ارجيـك رجـوى الباديـة للسحابـه
وجازيتني في كلمـة ٍ مالهـا أسبـاب

هذا النصيب وما بغـى الـرب جابـه
وان صك باب العبد عند الولي مية باب





لكنـــه احس بندم والتسرع وحاو أن يعيدها الا انها رفضت العوده فقالت:






جديـع يومنـه بغانـي بغيتـه
ما طمحوني عنه كثر العشاشيق

واليوم يومنـه رمانـي رميتـه
رمية وضحي رمـوه التفافيـق

جديع أنا حرمت مسكـان بيتـه
الا مغيب الشمس يرجع لتشريق

ولا أن صوت الحي يوحيه ميته
أو ينبلع سم الحيايا على الريـق

عسى يجيني شيخ ٍ يسمع بصيته
سنافي يعطي من طوال السماحيق






ولما مات جديع في أحد الغزوات ( كير )

قالت فيه قصيده تلوم فيها أصدقائه وتعاتبهم على عدم انقاذهم له ، و هذا نصهــا :




ياكير لامرت عليـك المخاييـل
في قاعتك ياكير حـل الذباحـي

هليه ياوضحا دمـوع هماليـل
علي عشيرك يوم ضلع البطاحي

لومي علي اللي يلبسون السراويل
ماعفتوا لرقابهن يـوم طاحـي

خلوه بوجيه العصـاة المغاليـل
وراجوا عليه مغلبين الرماحـي

اخذ حلاوتها جديع بـن هـذال
وخلا الغثا لرباعته واستراحـي





وتقدم لها رجال كثير من عقب هذال وتزوجت من مجلاد الفوزان من الدهامشه ، وكان لها موقف كبير في تشجيع اهل الرس علي مقاومه جيش ابراهيم ولد محمد علي باشا اللذي جاء لاسقاط الدوله السعوديه الاولي .


هذا الجيش الذي حاصر الرس مدينتها الرس فكانت تقول الشعر لتثير حماسهم في الدفاع عن ديرتهم والاعتماد علي الله ، فقالت :





هيه ياراكب حمره ظهيـره
تزعج الكور نابيه السنامـي

سر وتلفي هل العوجا مسيره
ديره الشيخ بلغهـا سلامـي

ياهل الحزم يانعم الذخيـره
ان لفاكم من الباشا كلامـي

انخوا الله ولاتنخون غيـره
واعرفوا مامن الميته سلامي

في يديكم فرنجـي ذخيـره
قذفه مثل سيقـان النعامـي


وكانت تحب الرس كثير ورفضت الذهاب للشمال مع زوجها مجلاد الا ان توفيت فيها .

م.

الشاعر جحيش بن مهاوش قال قصيدته المرثية في عياله حيث دعا عليهم واستجاب الله دعوته ولم ينجبوا أولادا وقيل أنهم تزوجوا مرة ومرتين وثلاث من أجل أن يرزقهم الله ولكن أمر الله قد نفذ وانقطعت من ذلك الزمان ديارهم ....... (ولم ينجبوا أولادا) . والقصة وما فيها أنهم تنكروا لوالدهم حيث توفيت أمهم وهم صغار وقام بتربيتهم حتى كبروا وكان لهم بمثابة الأم والأب يسهر الليالي على رعايتهم وراحتهم وفي النهار يذهب لجلب طعامهم............. الخ وعندما كبروا تنكروا له وأصبح لا يريده أحد منهم مراعاة لخاطر زوجاتهم اللاتي تأففن من خدمته وصار كل واحد منهم يطرده من بيته فما كان من الوالد إلا أن سكن إحدى (الخرابات) حتى صار لا يقوى على النهوض أو السير وضعف بصره فذهب زاحفا يتوسل ويرتجي أبناءة بأن يمكث عندهم حتى يقضي الله أمرة فلم يستجب له أحد منهم ...................... فقال فيهم الأبيات التالية :




قال الذي يقرا بليا مكاتيب
.............. ياللي تقرون العمى من عماكم

ياعيالي اللي تشرفون المراقيب
.............. تريضوا لي واقصروا في خطاكم

خذوا كلام الصدق ما به تكاذيب
.............. مثل السند مضمون للي وراكم

ياعيال لا صرتوا ضيوف ومعازيب
.............. ترى الكلام الزين ملحة قراكم

وتروا السبابة من كبار العذاريب
.............. وهرج البلايس ما يطول لحاكم

المذهب الطيب فهو مذهب الطيب
.............. والمذهب الخايب يبور نساكم

ياعيال ما سرحتكم باللواهيب
.............. ياعيال ما عمر المعزب ولاكم

ياعيال ماضربتكم بالمشاعيب
.............. ولا سمعوا الجيران لجة بكاكم

ياما توليت القبايل تقل ذيب
.............. من خوف لاينقص عليكم عشاكم

وياما شربت السمن من عرض ماجيب
.............. يفز قلبي يوم يبكي حداكم

أحفيت رجليني بحامي اللواهيب
.............. وخليت لحم الريم يخالط عشاكم

ياعيال دوكم لحتي كلها شيب
.............. هذا زمان قعودنا في ذراكم

قمت اتوكا فوق عوج المصاليب
.............. قصرت خطانا يوم طالت خطاكم

عطوني القرضة عليكم مطاليب
.............. عطوني القرضة جزى من جزاكم

لابد يوم عاوي دوني الذيب
.............. بالقبر ما افرق طيبكم من رداكم

ماني بفاضحكم بوسط الاجانيب
.............. باعمالكم يدرون كل اقرباكم

لوكان تدرون الردى والمعاييب
.............. صرتوا مع المخلوق مثل خوياكم

خوالكم بالطيب تروي المغاليب
.............. ولو تتبعون الجد محدن شناكم

وش علمكم يا تاركين المواجيب
.............. حسبي عليكم هالردى وين جاكم

قصيتكم واسندت وادي سلاحيب
.............. ولقيت بالصبخا مدافيق ماكم

ياعيال بعتوني (بصفر العراقيب)*
.............. ما هي حقيقة سود الله قراكم

يالله عسى اعماركم شمسها تغيب
.............. يعتم قمركم ثم تظلم سماكم

يا علكم في حاميات اللواهيب
.............. ياللي على الوالد خبيث لغاكم

شفت الجفا والحيف والغلب والريب
.............. بضلوعكم لابيض الله قراكم

عسى نساكم ما تحمل ولا تجيب
.............. ولا حدن من البزران يمشي وراكم

اخسوا خسيتوا يا كبار اللغابيب
.............. اهبوا هبيتوا يقطع الله نماكم

م.

لاهوب

كعادة قلمك لا يعانق الا القمم..
نثراً وشعرا..
مقطوعة عشق اثيرة المفردات وعالية الجودة
فعلا كلااام
الله يعطيك الف عافيه ..

شكرا لمرورك اميرة الليل

وهبني الله أميز بالبشر قاصي iiودانيها
وهذه نعمتن ماكل رجالن iiتحلاها

فطني لا وحذرني من عفنتن iiنماشيها
بعد ماكنت أعاشر من سفيه الناس iiوأعلاها

وتقهرني فعايلها وهي داخل iiمبانيها
تشمت باليتيم وتعاقبه في رميت iiأحصاها

وأنا لي مدتن أندب وقول القوم وش iiفيها
عمى عيني ضلال أزوال بس أتابع أقفاها

وهملت الحرار اللي مخالبها تغذيها
وأنا في غفوتن محدن لطم عيني iiوصحاها

رديهم من كساه الطيب والعز iiومحاريها
لو أن النفس ما تنعز يعز النفس iiوأغناها

قبايل من مواريها تشوف النور iiضاويها
ولامن قصدها الضيف ذكت له iiمطاياها

وقبايل بالمجالس تذهلك لاجبت iiطاريها
ولامن جيتها ناشف دسمها وقاضين iiماها

ترى ماقلتها ألا وخطى نفسي iiمقديها
وبلوه من يلحن في خطى بلوه وغناها

أنا يمكن زعمت الحق بس أقبل iiمباديها
لأني مخطي وبعض البشر تسلم من أخطاها

ترى أصناف البشر أطباق وعند ربي نساويها
ولابد الصراحه كشفها وعيب أن iiسترناها

بفضل الله عرفت أشكال مخفيه iiمباغيها
ألا يالله شكرك والملا تعلم iiخفاياها

عرفت اللي الكرامه باعها والذل شاريها
وعرفت اللي أنعسر من ناس غداها iiوعشاها

وعرفت اللي المصالح تشغله وأن كان iiناويها
حرام أنه يطمن معتلاه بس iiيتلقاها

وعرفت اللي يبي حاجه ونفسه iiماطريها
تجي ولا عوافي ماهو مثل iiيترجاها

وشفت اللي زرع للناس بغضه iiمايدانيها
تقول أنهم سطوبه عيشت اللي هو تمناها

وشفت الطيب اللي باسطن يده iiويعليها
دعى ربه يصخرله قلوب تزيل iiبلواها

وشفت اللي مهمله عجوزه iiمايداريها
نكر هاك السنين اللي سقت فمه iiثداياها

وشفت المعتني بعد الولي جاها iiيراعيها
تنحى راجين قبل يد أمه يطلب أرضاها

وعسى يسكنه جنات الرفيعه iiويرت
أنا ماقول غير أن الله الباقي iiوتاليها

ألا يانعم من نفسه حفظها iiماتبراها
وذا الدنيا بها ناسن ولا يا سهل iiمحصيها

بها العاقل بها الصاحي بها المجنون iiوأغباها
بها ناسن ردايا تسكن أبعالي iiمبانيها

وبها ناسن تذرا السعف وتعز من iiجاها


ش. فهد العدواني