للسمر .. حكمه .. بين .. عكفان .. الأشناب
جمرن .. يلامس .. من .. جهنم .. لهبها

أشد .. حمره .. من .. شفق .غرب وغياب
دحه .. وسحه .. والمعاني .. سببها

شين ..يخلي .. جامد .. الفكر .. ينساب
ظلوع .. قلبي .. من خفوقي ..حطبها

قام .. يتلوى في ظلوعي .. كما الداب
وتمسكت .. فيه ..الظلوع .. وكسبها

حبه .. بقلبي .. مايسجل ..على كتاب
مبطي .. أعيش بقصته .. واحتسبها

خاثر غلاه أشربه مشروب .. منساب
كيفن .. يساق من الدلال .. وشببها

بفنجال صينن سيق من كف .. صباب
في محفلن والناس تبدي .. خطبها

طيري ليامنه طلع .. طلعت .. عقاب
أشوش .. لاتل .. السبوق .. ونهبها

على خريشن بالهوى تحرق أعصاب
من صعبها قلب النداوي رغبها

راح يتخفق بالهوى تقل .. منصاب
ثم ابتدا بزين الطيار .. وجذبها

أسباب . موتن . ماتداوى . بالأسباب
اليا نطح . وجه الشمال . وشربها

كفه .. ليا زمَت له .. المتن .. قضاب
وان . راوغت . كفه .يخيب . تعبها

ماهوب . طير . اللي لياشفها . ارتاب
ويطير قلبه . يوم . تنفض . اغلبها

و(شقران) وان ماخاب ظني والأعجاب
في شاية . الله . ماتروح .بطلبها

قطعة .. جروديٍ .. مصفى .. وطلاب
عوق الخريش وسمها مع عطبها

انا .. نقيته .. يوم .. وداه .. جلاب
للديره اللي من وصلها رغبها

ديرة عرب ماهي لاجانيب واغراب
لعيال شمر حي من ينتسبها

منها لفيت بفرخ عيجت له ارقاب
واعجب صقاقيرن قليلن عجبها

ابيه .. لامن .. قيل للخير .. صباب
بقفريتن . راع الغنم . ماقربها

قفريتن . فيها . الحباري . والاسراب
من كل نوع الطير باين طربها

رحمه من الله في . فضا جو . خلاب
فيه النفوس يروح عنها غضبها

ترتاح لامن شفت مفروش .. الاعشاب
وسجيت رجلك في تفحص خببها

فيه النظر . كنه . على . راس . مرقاب
مرتاح . سالي . مايحسَب . تعبها

من حبها .جنبت .عن بعض . الاصحاب
اهل . النشب . لتجيك تفتل نشبها

انا .. بدوين .. مايعرف .. التقلاب
له عزته . ويعيش عمر . بطلبها

م.

يا كان من ليلة على أرضك تساويت
عيـا وفاقـك لا يـلايـم وفـاقـي

لو كان فالضيفـان مـا قـد ترديـت
وجوك متيـع و تعتنـي بالطراقـي

من يوم طبيتك و أنـا مـا أسفهليـت
لعـل مـا يبقـى لأهاليـك بـاقـي

حاولت أوسع خاطري فيك و أزريت
بيني و بين أطبـاع أهلـك انشقاقـي

واليوم غايـة رغبتـي لـو تمنيـت
فرقاك و أنتـه مـا تبـى إلا فراقـي

واللي على بعده مـن البعـد حنيـت
وينتابنـي عقـب الحنيـن اشتياقـي

نجد وهواه و شوف هاك السباريـت
اللي لها في وسـط قلبـي رواقـي

ومنادمة روس الرجـال المناعيـت
كل أبلجـن لـه فالطويلـة مراقـي

ولحدٍ يواخذ ني ليـا قلـت هاويـت
وضح ٍ تفرق ما اجتمع من ضياقـي

وضح ٍ ليا مني مـن المـدن مليـت
معها انشراحت خاطري وانطلاقـي

أمـا ليـا سنـدت و ألا ليـا نحيـت
مع درب براق ٍ سر الـه شعـا قـي

برق ٍ سرى يوضي كما يوضي الليت
بعروض نوى ٍ ساق مزنـه وساقـي

وتعرضه من رايح الشـرق تثبيـت
يثني على الريض أرقـاب السباقـي

ليا شفت براقه على سيلـه أرهيـت
بيـض مراهيشـه مطرهـا حقاقـي

تذبح لهـا حـي ٍ و تحييلهـا ميـت
وتصبح به الوديان مثـل السواقـي

وأما تحاسنـت العساسـه و عسيـت
ومشيت مـع سيلـه و نبتـه دقاقـي

وألا على دربه ليا أصبحـت شديـت
وخليتهـا تـاط الحثـم و الرقاقـي

وضح ٍ ليا احتست و شافتني أنويـت
قامت تسـوق أنفوسهـا مـا تساقـي

تنجال مثل الصيد لا صحت وأوميت
وألا ليـا طـق اللبيـد العـراقـي

يجيـك ممشاهـا تبـارى تفاخـيـت
مافي بعضها عن بعضهـا انفهاقـي

ولو حال من دون المعشى مراريـت
ترهـي عليـه معربـات العمـاقـي

من ساس وضح ٍ فالجز يره لها صيت
علـى مخاذعهـا تلـوح الحلاقـي

وليا تثنـت فـي نبـات السواريـت
في خايـع ٍ لأرقـاب نبتـه زراقـي

غادي بوسطه لأم سالـم زغاريـت
وفيه الزبيدي مثل بيـض الطواقـي

ثـم جيـت فأولهـا وللنـار شبيـت
وقضب عراقيب الـدلا ل الشلاقـي

ما غبطك يا للي فالحضـاره تلويـت
يا موالف الجدران ويش أنت لا قـي

لو كان فالحصن الحصين استكنيـت
وتقول أنـا مرتـاح مانيـب شاقـي

كانك على هالأنطـواءى استمريـت
وسويـت مـع بـث القنـاة اتفاقـي

أما من السكـر شبعـت و ترويـت
وألا بصرك أوشك على الاحتراقـي

سج النفس واضرب دروب الخراريت
لو ما تذوق مع الخـلا مـا يذاقـي

ما ينطوي في غرفة ٍ فأخـر البيـت
غير الـذي راسـه يبيلـه عراقـي

ش. عبدالله بن عون

يا مل قلب كـل مـا لتـم الأشفـاق
من عام الاول به دواكيـك وخفـوق

كنه مـع الـدلال يجلـب بالأسـواق
وعامين عند معزل الوسـط ماسـوق

يجاهد جنود في سواهيـج الاطـراق
ويكشف له اسرار كتمهـا بصنـدوق

الى عن لي تذكار الاحباب واشتـاق
بالي وطاف بخاطري طاري الشـوق

دنَّيت لك من غالـي البـن مـا لاق
بالكف ناقيها عـن العـذف منسـوق

احمس ثلاث يا نديمـي علـى سـاق
ريحه على جمر الغضى يفضح السوق

وايـاك والنيـة وبالـك والاحـراق
واصحا تصير بحمسة البن مطفـوق

الى اصفر لونه ثم بشـت بالاعـراق
وغدت كما الياقوت يطرب لها الموق

وعطت بريح فاخـر فاضـح فـاق
ريحه كما العنبر بالانفـاس منشـوق

دقـه بنجـر يسمعـه كـل مشتـاق
راع الهوى يطرب الي دق باخفـوق

ولقـم بدلـة مولـع كنهـا ســاق
مصبوبـة مربوبـة تقـل غرنـوق

خله تفوح وراعـى الكيـف يشتـاق
الى طفح له جوهـر صـح لـه ذوق

أصغر قموره كالزمـرد بالاشعـاق
واكبارها الطافح كما صافي المـوق

زله على وضحا بها خمسـة ارنـاق
هيل ومسمـار بالاسبـاب مسحـوق

مع زعفران والشمطري الى انسـاق
والعنبر الغالى على الطـاق مطبـوق

فلـى اجتمـع هـذا وهـذا بتيفـاق
صبه كفيت العوق عن كـل مخلـوق

بفنجال صين زاهى عنـد الارمـاق
يغضى بكرسيه كما اغضي غرنـوق

الي انطلق من ثعبتـه تقـل شبـراق
أو دم جـوف امـزع منـه معلـوق

خمر الـى منـه تسلسـل بالاريـاق
وعليه مـا صافـي الـورد مذلـوق

راعيه كنـه شـارب ريـق تريـاق
كاس الطرب وسرور من ذاق له ذوق

يحتاج من خمر السكارى إلـى فـاق
طفل تمـز شفـاه والعنـق مفهـوق

عبث يميل بحبتـه مـا بعـد مـاق
وهو يزاهي باهـر البـدر بعشـوق

بين اشفتيه الـى غنـج حـق بـراق
عجل رفيفه بالطها يعطـى اطبـوق

سطر كتب من حبر عينه بـالأوراق
خديه صاديـن ونونيـن مـن فـوق

كن العرق بخدودها حمـر الارنـاق
ينثر على الوجنات باللـون مشعـوق

بالعنق كـن المسـك والخـد بـراق
والمشخص بصدره كما الشاخ مدقوق

فيلا حضر ماقلت عنـدي فـالارزاق
بيـد كريـم كافـل كـل مخـلـوق

وصلاة ربي عد مـا بـارق حـاق
على النبي الهاشمـي خيـر مخلـوق

ش. محمد القاضي
م.

الشاعر صقر النصافي والذيب


كان الشاعر صقر النصافى-رحمه الله واسع الخيال وجزل المقال ، ويعد من فطاحلة الشعر فى الكويت والخليج العربى له العديد من القصائد الناطقه بالشعر الحقيقى والتى ما زالت ترددها الاجيال وتحفظها، وقصيدته التى بين ايديكم جاءت باسلوب جديد وفكره جميله حين تخيل بانه صادق الذئب واخذ يتحدث معه ويساله عن محبوبته ،ويرد على لسان الذئب فكانت هذه القصيده الرائعه بفكرتها محادثه بين شاعر وذئب شاعر اشبه بموقف حقيقى اجاد (( صقر النصافى )) بشاعريته الفذه رسمه وتجاذب اطراف الحديث مع الذئب .


الشاعر:

يا ذيب وش علّمك تهيض السانى ××× بعواك يوم ان المخاليق غافين.

الذيب:

انا بلايه قو جوع حدانى ××× الليل قمرا والضوارى فواطين.

الشاعر:

ياذيب حسّك فى منامى شعانى ××× لولا الحيا جاوبت صوتك بصوتين.

الذيب:

عزى لمن مثلى جداه اقنبانى ××× ماله جدا والناس ما هم بمعطين.

الشاعر:

ياذيب ياللى بالخلا ما تدانى ××× ما شفت لى حول الثميله ابويتين .


الذيب:

مريت لى بيتين يا مودمانى ××× عنها شمال وفى ظبطها مقيمين .

الشاعر:

ياذيب ما قاربتهم باختلانى ××× يا كود تبخص فى فريق اريش العين.

الذيب:

انا الذى من شاف زولى نحانى ××× ما احرزت اجيهم خابر غيبهم شين.

الشاعر:

يا ذيب ما عينت صافى الثمانى ××× عند الغنم والاّ يرد البعارين.

الذيب:

انا ما اعرف الصاحب المرحبانى ××× والناس واجد والعذارى مزايين.

الشاعر:

ما رّيته ياذيب عوده ليانى ××× والنور بين اقذيلته والحجاجين .

الذيب:

هذاك انا قبل امس شفته وجانى ××× من كثر دمعه محفى محجر العين .

الشاعر :

الله يوفقك الشياه السمانى ××× من مال كرهين الوجيه البخيلين .

م.

الوقـت يامقـسـى عـنـاه وعـذابـه
حطـاب ليـل ولـه معاويـن وفـزوع

احد (ن) منـه يمكـن يعالـج صوابـه
واحد (ن) يموت بعلته مـوت جربـوع

يروح مثـل مقـاط محـد (ن) درابـه
لاحبـل يرقـى ولاصـوت مسـمـوع

بغـى يجيـب رشـاه ورشـاه جـابـه
من عالي الشفه علـى ضربـة الكـوع

هـذا مقـاط اللـى ارشـاه التـوابـه
واصبح مثل للناس في كـل موضـوع

قصـة مـقـاط وقصـتـى ماتشـابـه
اسباب وقت وكـل قصـه لهـا نـوع

مقـاط صفـى فـي زمانـه حسـابـه
وانا بلشت بوقت طامـع ومطمـوع

كم واحـد (ن) وقـت اللـزوم تهقابـه
واليـا نصيتـه غيـر الطبـع بطبـوع

والصاحب اللى صحبتـه ضحـك نابـه
يبيني ابقى لـه علـى الـدوم مـزروع

ان شـاف وجهـي قـال يامرحبـابـه
وان غبت ينسانى على راس الاسبـوع

واليـا نسانـى منهـو حظـرة جنابـه
انساه واجعـل دونـه الخـط مقطـوع

وعيب (ن) عليـّه كـان طقيـت بابـه
لوانّي امسي بالخـلا ميـت (ن) جـوع

مـن خلقـت الدنيـا تجـوع الذيـابـه
بس المهـم تعيـش والـراس مرفـوع

وتكسب بعـز النفـس قـدر ورحابـه
وتمشى على خط (ن) سليم (ن) ومشروع

ش. رشيد الزلامي
م.