احمد الله مبـدع الخلـق رب العالميـن
سبّح بحمـده لساني..وقلبـي عظّمـه

في ملَكوتـه يطيـب النّظـر للناظريـن
وصادق آياته هدى للعقـول المظلمـه

مالك المُلك العظيم ونصيـر الصابريـن
هازم الآحزاب وحده..ولااحـدٍ يهزمـه

استعيذ برحمته من عذابـه واستعيـن
بقدرته من نفسي اللي لها ذنوبي سِمَـه

كل مافكّرت في حالة اصحـاب اليميـن
آتعوّذ مـن فريـق الشمـال وعالمـه

بين خوفي والرّجا..ماارتجيت الخايفيـن
الرّجـا فاللـي خفـيّ النوايـا يعلمـه

والدعا حبل الرجاوي..ودعوى الصالحين
بأذن ربّي مستجابـه وهـذي مكْرُمَـه

للمصليـن الصيـام القيـام المتّقـيـن
اوليـاء الله واهـل القلـوب المُلْهمَـه

ليت لي منهم نصيب الدعا في كل حيـن
في ظَهَرْ غيب..وخشوع الجوارح يدْعمه

وليت (ابو حوّا) سليل الرجال الغانميـن
نحْسبه والله حسيبه..علومـه غانمـه

يخْشِر المصعوك في دعْوتِه للمسلميـن
بعْد مايدعي لنفسه عسـى الله يرحمـه

م.

زين هد الطير و الخـد متسـاوي
في حماد ٍ بين عوجـا والحنيـه

من طلع طيره يهده مـا يـراوي
كود قول أقضب يسمعّهـا خويـه

في حمادٍ ما رعت فيه الرعـاوي
محتمينه فـوق جمـس بوارديـه

عقب سيله باذرة قفـرٍ خـلاوي
مخضرٍ فيـه الكـداده و النصيـه

فيه برقا الريش تدرج في المهاوي
ما تبين فـي الـزراج محاذريـه

كل يوم وريشها غـادي ٍ ثعـاوي
من قرانيس الحـرار الصيرميـه

كل صاروم ٍ على الهارب رهاوي
لا صفقها ما تطـب الأرض حيـه

وخطو فرخ ٍ هاقي فيه الهقـاوي
تـوه معلّـم ولا بـان صمليـه

أشقر ٍ تشبـه ثناديـه النـزاوي
راسه أرخم والسراويـل برديـه

ما نشد عنه المحرّج كم يسـاوي
ناصب ٍ له في العبـور مناشبيـه

م.

اخي لاهوب حضرت هنا لكي اسجل اعجابي بموضوعك

اشكرك على حضورك عشوقه
مما يشرفني سيدتي،،

يالله يـا جـال الامـور المهمـه
تجلا وهج قلب برا حـال راعيـه

البر دجته والبحـر رحـت يمـه
يقطعك يا حظ علـى الله مساعيـه

يوم أن ولد اللاش رزقه على أمـه
رزقي على اللي ميت القشع يحييه

يامل قلب كـل مـا مـات همـه
دارت دواليب الدهر ليـن تحييـه

فراق شمـل النـاس عيـا يلمـه
وقت يشيب الراس من شاية فيـه

أحد ينـام وحـط راسـه بكمـه
واحد تخم النوم عينـه وتخطيـه

واحد يحاول بالردى بنـت عمـه
واحد يحاول ستر عذراء عوانيـه

مانـي وانـا بنـدر ببيـاع دمـه
يقطعك يـا بيـاع دمـه ومهفيـه

اللـي يبيـع لا بسـات الازمــه
ثور يبا بيـض الرعابيـب تغنيـه

يزعل ليا جت ليلـة الـدور يمـه
يرضى بسوق المال فخوه وفأبيـه

خطو البخيل اللـي يكبـر معمـه
يقرأ الكتاب وواجـب الله يخليـه

إمر هرج لك فـي رفيقـه بنمـه
والاعطا وامـه تضيـع هقاويـه

أنشدك ياللـي كـل فـرض تتمـه
تقرا الكتاب وكل فـرض تصليـه

ويش القليب اللي غميـق مجمـه
ما فاد غرسه ماه . عطشى سوانيه

تخالـف الانظـار شـرق ويمـه
وكل هدف رآيه من الناس مرضيه

سم السبب يا عارف عنـه سمـه
سم السبب يا عارفه قبـل اسميـه


ش. بندر بن سرور