بالله تفكـر فالرجـال وفالجمـال وفالجـبـال
واقرن بعضها في بعضهـا والمعانـي وارده

وجعل جهة يمناك وعيونك زحازيـح الرجـال
وجعل تحت رجلك ويسراك الوجيـه البـارده

واربع حروف من الهجاء متقاطعه دون اتصال
وش كنهـا يلـي شواردكـم تـرد الشـارده

الناضج الناضج هو اللي صكته من كل جـال
ماقـال لـك رزق يطاردنـي ورزق اطـارده

وقبل الولد دور لخال احذر ولد من غير خـال
ترى ولد من غير خال طـول باعـه يـارده

وبالله تفكـر فرجـال وفالجمـال وفالجـبـال
وقرن بعضها فـي بضهـا والمعانـي وارده

ش. علي اليامي
م.

لاهوب

ابيات اكثر من رائعة

اختيار موفق يعطيك العافية

شكرا لمرورك سيدتي،،

سعدون واركب فوق عتل العراميس
حمرا تهاوز ضلهـا مشيهـا زوم

اكتب سلامي وادفعـه بالقراطيـس
تنص عبدة صدق لاصرت مزحـوم

رح ونس الصفران والجدي تونيس
عدلين عوجان المراكض لهـم دوم

نعمين يا سعدون بجمع السناعيس
يامازبن بارباعهـم كـل مظيـوم

ينـام طولـه مابقلبـه هواجيـس
ويروح عن باله هوى الذل وأهموم

ايحيا وادغيرات مابـه وهاويـس
اللي يخلطون الدخن صدق ملـزوم

لاجاء الملاقا ما أتقوا بالمتاريـس
ينقضون الديـن سعـدون بدمـوم

عاداتهم بالكون جـدع الملابيـس
لاجان دعاثيرن بهم صدق معلـوم

والله يا لوما بالسماء غيم تغريـس
يدرون حالن من حوالن بها اعلوم

ينكسون العـي سعـدون تنكيـس
لو انه اكبش ماهنا عندهـم بـوم

سعدون جيت المرح يبنى مراويس
دونك مكان ادلالهم كيـف مدهـوم

ومن عقبهم سعدون مابه رواميس
اقفو كما طيرا قلب راسه اللحـوم

ملفاك ابو عافت زبون النواميـس
زيزوم ربعه من قديمـن اليـا دوم

اعقاب يا سعدون زبن المراويـس
لاصار مايعرف اصحابن من القـوم

اليا غدن في عجهـن كالطعاميـس
يثني وراهن والردي دوم مخـدوم

بعقاب قيلي صدق مابه بسابيـس
من قبل يا سعدون اهل خط وارشوم

مصاقرن مواكـرن مـن قرانيـس
اللي صقر من عشهم صاد ملـزوم

ياماهرا با رباعهم مـن محاميـس
غادينبه من عيص ميـص ليـادوم
ــــــــــــــــــــــــــــــــــــــــــــــــــــــــــ
ش. بطيحان الحنياني موجهه لابنه
سعدون

الشاعر حميّر الشراري وكان مولع بحب الطيور وغدا له طير بأيام الهدد

وقام يتوجد عليه وقال قصيده يسندها للامير محمد بن احمد السديري ووصلت

القصيده للسديري بوقت القيض فرده عليه بقصيده ويوم جاء وقت الهدد

من السنه اللى بعدها أكرمه وعوّضه بطيرً بدال طيره اللى غـــدا منه


وهذي قصيده حميّر الشراري :


ياونتي ونات من ضيّـع الطيـر
عقابين في كبد الخضيـره حدنـه

غربيهً فيهـا عجـاج ومعاصيـر
وطوحت صوتً واتبع الصوت ونه

ونه غلامً طاح فـي جمـه البيـر
اقـرش مراديـم المقـام أتبعنّـه

ياامير طيري مالقـوه المداويـر
سود الليالي عن ديـاري نحّنـه

ودي توصي يازبـون المقاصيـر
اغدي اركابـك بالخـلا يذكرّنـه

واركابكـم بالبـر دايـم معاييـر
ولايتـرك المرقـاب مايرقبـنّـه

والقلب يابو زيد كنه علـى كيـر
والصقر صيحات الضحى يوجعنّه


وهــذا رد السديري على الشراري بعدما عوضه بطيرً بدال طيره ويقول


طيرك غدا بالصيف شاف التناكير
حـادن والعقبـان ليـن اقلعـنّـه

والطير وقت القيض شرً بلا خيـر
تتعـب وكـل يديـنً مايشبعـنّـه

عندي عوض طيرك ليال المخاضير
فـرخً قرانيـس الهـوا علمـنّـه

تحير في وصفه جميـع الصقاقيـر
نظمن عيونـه سـود بحجورهنّـه

أشقر عديم ينثّـر الريـش تنثيـر
ويديـه صكـات الغلـب ينثرنـه

وان صرت قدام السلف والمظاهير
ومخافـق الاجـوال يعجبـك فنّـه

طيرن يعوضك ياصبي المخاسيـر
وخل الصياح وونه الصـدر كنّـه

قبلك بكينا الطيـر هـو والغناديـر
قـد عذبـن القلـب ثـم أوجعنـه

م.