تقـدم الدنيـا لنـا درس ٍ جـديـد بـكـل يــوم
والناس تسلم من غثـا الدنيـا بحفـظ دروسهـا !!

وعلى حسب حفـظ المواجيـب وتعاليـم السلـوم
نعـرف مقاسـات البشـر بالمرجلـه ونقوسـهـا

صيت الرجال الوافيّـه بأفعالهـا .. ولا ّ الرخـوم
ينبيـك عنهـا : قـل نفعتهـا وشـيـن نفوسـهـا

تطـرد ورى الدنيـا وتكشـخ بالمواتـر والهـدوم
مثل ( الحريم ) أكثر دراهمهـا علـى ملبوسهـا

والإمعـه والشايـب الكـذّاب وضعيـف العـزوم
ناس ٍ مع العالـم بـلا هيبـه تدربـي روسهـا !!

والبخـل : خلاّنـه بهايـم !! لا تسـام ولا تسـوم
لا شفتهـا ترفـع يـدك حمـد وشكـر وتبوسهـا

على الصحن هم أول الجلاّس وآخـر مـن يقـوم
يعيّفـك حلـو الاكـل والشـرب طـول جلوسهـا

ماهيـب للـلازم سنـد ولا ذخـر عنـد اللـزوم
تمـوت ماسـرّك مهايطـهـا وكـثـر فلوسـهـا

وسوالف الخبلان .. رفعة ضغط وصداع وهمـوم
فـلاوة ٍ تخطّـف علـوم الـعـرب وتحوسـهـا

واجب عليك إليا حكت عن جملـة حكاهـا تشـوم
الهنـد مـا يـرأس حكومتهـا غير هندوسـهـا

وربـع المصالـح والمجامـل خـوة ٍ ماهيـب دوم
اقولهـا والتجربـه قـطـع وريــدي موسـهـا

وقت الرخا .. مثل الصقور اللي على المرقب تحوم
فيّ ٍ يـذّري ساقـك الرمضـا وحـر ّ شموسهـا

وإليا احتمت صكّات بقعا وامسـت علومـك علـوم
اتلـوّي خششهـا وتجحـد خـوّتـك وتدوسـهـا

من عقب ما انت الطيّب وقدرك معـزّز ومحشـوم
تصيـر اردى مـا خلـق ربـي ودم ضروسـهـا

أبعد عن الأشكال ذي .. بعد الثـرى عـن النجـوم
وش حاجتك في قرب رديـان العـرب ونجوسهـا

ماهوب عيب إليا عزموك تقول يالربع .. معـزوم !
العيـب : لارحـت لعزايمهـا وجيـت عروسهـا

وخلّـك فطيـن تعلّمـك دنيـاك درس بكـل يـوم
والرجل يسلم من غثـا الدنيـا بحفـظ دروسهـا !!
__________________________

ش. محمد السهلي

زين المشي في االروض الخضر لا شعشع المخضار
يازين الديـر ة اللـي مـن حقـوق الوسـم ممطـورة

يريح البال سـجٍ فـي الفيـاض الخضـر والمسيـار
سعـادة للقلـوب اللـي مـن السـلـوان مـسـرورة

متى عيني تشـوف اللـي علـى قلبـي ربيـع ودار
أشاهـد للسعـادة فـي حـيـاة المجتـمـع صــورة

لا هلـت مــزون فوقـهـن تنعومتـيـن صـغـار
على ذيـك اللبـاب اللـي مـن الرضـوان مغمـورة

لا منه أصحـى سماغـر المـزون وشعشـع النـوار
ودجـاه أدلـى سدولـه والقـمـر متجـلـي نــوره

أشاهـد لـي بــروق دونـهـا ربانـهـا تـنـدار
تقـول أكبـاس غـاز مــن ورا شــلال نـافـورة

سبح ماهر خيالـي فـي الخبـاري والبـرد والنـار
وأشـوف الجمـر فوقـه دلـة الرسـلان منـحـورة

هذاك المنظر اللي مـا تشوفـه فـي الحيـاة أمـرار
علـى شوفـه سبابيـح الخيـال تـمـوت مقـهـورة

حـرام إنـي مـا أهنـي راع المليـون والملـيـار
ولا أهـنـي عربـسـات الفـضـا دوره ومـقـدوره

أعيـش بعالـم طـول المـدا يبقـى لـهـا تـذكـار
عليّـه بالـحـرام انـهـا حـيـاةٍ مالـهـا جــوره

هذا وجه الصحيح ولا علـى وجـه الصحيـح غبـار
حقيـقـة ويتمعنـهـا اللبـيـب بكـامـل شـعــوره
___________________________

ش. سعد بن جدلان

بادين بالله ولا غيـره البـادي يصيـر
واذكر الله واشكره عد مارفرف وطـار

والسلام اثنيه للعود والـورع الصغيـر
من هل العوجا مواكر صواريم الحـرار

بشر المقرن وكزو لبـو تركـي بشيـر
البيـارق سندتلـه وعدوانـه دمــار

استوى يوم عبوس علـى جوبـة نقيـر
قبل نور الصبح ينباج لا وسط النهـار

وامطرت فوقه مزونٍٍ مطرها حشر طير
وبلها مثل البرد والهوى لاهـوب نـار

ماوطا سيلـه تعشـاه دالوبـه ضريـر
ماخلق مثله بالاكـون بالدنيـا وصـار

وردوا على العوازم وردوهـم صديـر
صدروا من شوبة الملح قصاف العمـار

خابرين افعول ربعي معطشـت الذخيـر
من على عصر الفتيل المعقل ما يـزار

المعقل عنده الموت طيـره مـا يطيـر
شابط باطرافه الموت شيطـات العشـار

حلـة(...) ومعقـل الـراس الكبـيـر
كلبوهن عند ربعي علـى وضـح النهـار

اوقدوافيهم بالاحراق يامطفـي السعيـر
لين عافو من طمع لابتي والكـل نـار

بشرو سبع الخلا والطيور اللـي تطيـر
العشا في جوبـة نقيـر ودوهـم خبـار

قد كسرنا جمع ابوفيصل يومنه صغيـر
وقبل جمعه جمع الاشراف كد جاكم خبار

ربعي العطوان عز الضعيف والقصيـر
ومن نهق فسقان حطو برجلينـه هجـار

لين يرغي ثاويٍ عندهم عقـب الهديـر
لا حصل له ينطلق همل الفتنـه ونـار

يوم جونـا بالملاقـا وجيناهـم نسيـر
ليـن ذوّب جموعهـم ضـرب القـرار

في رجا الله ثم عبد العزيز انـه يغيـر
عند طيحات التشاريـع مـن دار لـدار

صار للديره واهلها وما فيهـا صريـر
من وحم عبد العزيز ابو تركي يوم ثار

نادر العقبان لو مـا بمخلابـه ضريـر
خمرت منها الحباري ليا نهّض وطـار

سيف ماص شذرته ما يوقيهـا الجفيـر
مـا يبـاع ولا تمـده يمينـك لليسـار

لولـب الحكامحـب وحيـل بصـيـر
شاخ في كل الجزيره وماخذهـا جهـار

دولته من فعل يمنـاه ماتاخـذ قصيـر
ماتبي غير ابو تركي من العربان جـار

ماشيٍ درب المطاعـه وعينـه للفقيـر
جعل ربي ينصره عد من سمّى وسـار

يزك تمت هللو كلمـك ولذكـر أخيـر
خاتمة قيلي صلاة علـى سيـد البشار
______________________

ش. فهد بن جافور

مابالشعـر عـز ومابالشعـر فــود
كانـي وقفـت بموقـف ماوقفـلـي

ان كان ماهو سيف بالوقت مجـرود
ومن ندر اجـزال المعانـي صرفلـي

والله ماأفاخر به ولا أقـول بـه زود
ولا قول ياحرفي عن الوقـت شفلـي

لاكن قصيدي لـه مواثيـق وعهـود
وغصب على جزل القصيد انعسفلـي

انا قصيدي يعكس الوضـح والسـود
بالنايبـات ان مافعـل مـا زحفلـي

لنساقلي طاروق مـع هبـت النـود
معنـاه مـع كـل اتجـاه أنحرفلـي

في وقت ينقص جم حامـد ومحمـود
من بحر جـزلات البحـور أيغرفلـي

بحري سماه يسوق بـراق ورعـود
وإله الشرف وانا الصحيح الشرف لي

بنات فكري مالهـن عنـي أصـدود
الكـل منهـن لابغـيـت أتهنفـلـي

عوبٍ مواليـف معيفـات واصـدود
فرايـدٍ قبـل الحـلـوف اتحلفـلـي

يا صاحبي خذها من القـاف بركـود
بالحـق راع المعـرفـه يعترفـلـي

م.

أبا أبدا بذكر الله وأسلم على بـو ثنيـن
على الشيخ مسلط جعل الأنذال يفدونـه

سلامي على مسلط عدد من سكن بالصين
وعدد وابل الوسمي ليا هلـت مزونـه

انا أسمع بصيته مير أبي شوفته بالعيـن
قبل لا يحيل الموت يالربع مـن دونـه

تنشدت عن مسلـط ودلونـي الذربيـن
وقالوا ترى كـل المناعيـر ينصونـه

فرح خاطري باللي سمعته عنه ذا الحين
وقبلي طحاطيـح الرياجيـل يطرونـه

نبيع الرخوم ونشتـري خـوة الغاليـن
مادام إن روحي مع هل الطيب مرهونه

عزيز الجناب وصامد في العسر واللين
يجي ثابتٍ مثـل الجبـل مـا يهزونـه

يجي فزعةٍ للي عشرهـم تجـي ثنتيـن
وهداج تيماء يـروي اللـي يرودونـه

من اللابه اللي دايـمٍ بالكـرم ضاريـن
زحول الرجـال وجارهـم مايضدونـه

هل الماقف الطيب هل السيف ابو حدين
على قمـة التاريـخ والمجـد يبنونـه

هذولا هم الغلبا هـذولا هـم الصلفيـن
نهار المزاحم حوض الأقـدار يردونـه

هل الجيش وأهل الخيل لطامة المخطين
كعام الخصيـم وكـل طامـع يردونـه

مدحت السبيعي والسبيعي مـن الوافيـن
ومن يمدح الطيـب حشـى لاتلومونـه

سمعت القصيد وشاقني بالكـلام الزيـن
بيوته عن الـزلات والنقـد مصيونـه

مثل ما بدينا بذكر اللي حمـى البيتيـن
جزيـل العطايـا والمخاليـق يرجونـه


قصيده قيلت في الشيخ
مسلط ابو ثنين
م.