ياعارفة وجه الـردى لا تبوحيـن
طفي سراج المعرفة داخل الصوت

خليني أجهـل سيرتـه للثمانيـن
ولا يعجلني قبـل سـره المـوت

والنشوة الي راس ماله قلاصيـن
أصارع الأمواج به وأركب الحوت

سر العنب يا جاهل أيـام لونيـن
خلى شراكتنا على حبـة التـوت

من يومهـا لليـوم حنـا غنييـن
مليون واحد واشتركنـا بتابـوت

لا والي من اليوم والكـل واليـن
والكون طفرة لا تقولون ملكـوت

آمين قولو لأولـه بآخـره ميـن
قاد السرايـا بدلـو قاديـا بـوت

السين كاف الماريه ياسع الصيـن
بناتها من كـي لينـه بـلا لـوت

نسى العبث بعروقنا وأنبعث ديـن
العارية تلبس على نصفها كـوت

يعني بقى يا جاهلي بـس ردفيـن
والي يشوفون ألرديه سمل لـوت

شفهم على صفوة حليبـه مربيـن
اليوم عن نهج السلف مالهم قوت

ببيوت كانوا جبلته جيل من طيـن
واليوم جيلٍ طينوا عيشـة بيـوت

اللي وضع سبعه على نار ستيـن
في أربعينه يا عمت عين جالـوت

الناصر الله مـا نصرنـا معييـن
والواحد الثاني على ثامنـة فـوت

والعاشر اللـي وحدتـه الملاييـن
ورث لهم صفره من الزاد والقوت

صاحت يمامه غيرة التغلبي ويـن
والزير عمه لابس ثيـاب ياقـوت

يا زهرة ألحانه كفـى مـا تغنيـن
دامي وصلت لبكر الأمجاد بسكوت

غني على شان الدفى من تشارين
هزي لنا هزه على فايـت الفـوت

لا تذكرين البن والهيل يـا ميـن
يسقيني الفنجال بـذراع مليـوت

هاتي لي اللي راس ماله قلاصيـن
أصارع الأمواج به وأركب الحوت

دامي عرفت اللي بوجه الردى زين
خليني أفهم وش يخبي لي المـوت

يا عارفه ما قلت لـك لا تبوحيـن
أحرقتي سنيني على سيرة الصوت

واليوم أحس إني دخلت الثمانيـن
واللي بقى حفره وخامه وتابـوت
____________________

ش. نزهان الشمري

يامـل قلـب للـروابـع تمـسـة
مسة حبـال مهـاوزات الاضلـة

طس السبيل من اشقر اللون طسة
الشاوري يبري عن القلـب علـة

من كيس قرم ضارين مـا يدسـة
تلقاة مجـدوع علـى جـال ملـة

وان شفت ضول الناس حذرا تعسة
لا جنبـك شـر المخاليـق خلـة

لو عندنا من غيب الايـام رسـة
الأدمـي مصلـوح نفسـة يدلـة

يالله ياللـي كــل درب تجـسـة
عقد البلش غير انت ما حد يحلـة

تفرج لمن مثلـي زمانـة يرسـة
علية مـن قـرب الرفاقـة محلـة

البوم يفرس والاسد صـار بسـة
تغيـرت دنيـاك يافـاطـن لــة

سبع الفلا جاب الضواري بحسـة
والصلح من فرقى الغنم ما حصلـة

ثنتين دون اللي خصيمـة ينسـة
سيفي لمـن داور دخيلـي نسلـة

لاصار عن خصمك سلاحك تدسـة
ما ينقعدلك فـي حضـون المذلـة


ش. محمد بن مهلهل الشعلان

__________________
__________________

الصبر طال وضـاق بالصـدر الأنفـاس
والعين هلّـت مـا بقـى مـن حزنهـا

والقلب مـن ردى حظوظـه والاتعـاس
يبكـي دمـوع دمّـه اللّـي سجنـهـا

يا ليل ِ قلـي عـن خطيّـات الافـلاس
وخبرني عـن ذيـك الضمايـر وعنهـا

ماكنت اظـن ان المحبـة لهـا قيـاس
ولا هقيـت انــي أبـدفـع ثمنـهـا

و ماكنت اظن بعض البشر مابها احساس
ولا حسبـت احسـاب ماضـي زمنهـا

حطّيتهم بالعيـن وفـي عالـي الـراس
واغليت ناس ٍ عقْـب ماصـرت منهـا

وعزّيتهم في كـل الاحـوال باحسـاس
صـادق ومـن طيبـة تناثـر علنـهـا

إليا غشاهـم مـن مشينـات الادنـاس
وضاق الحشا بصدورهـم مـن مشنهـا

أوجسـت فيهـم علّتـن مرّهـا حـاس
خافـي همـوم ٍ بالضمـايـر وطنـهـا

واضيق إلى شفت الحزن فيهـم البـاس
وتصيب نفسـي شقوتـن مـع محنهـا

واشدهـا واقـول يانـفـس لا بــاس
قـوّي عـزوم القلـب وهلّـي مزنهـا

هلّي وفكّي ضيقهـم واطـردي اليـاس
وداوي جـروح اقلوبهـم مـن وهنهـا

وفلّي نبات الطيب مـن نسـل الألمـاس
نسـل ٍ تغـنّـى بالمـكـارم لحنـهـا

نسل ٍ على الشدايد مـا صابـه إفـلاس
باسـه شـديـد ٍ بالعـزايـم ركنـهـا

إيه والله اني ضايـق الصـدر محتـاس
مـن لاهـب ٍ يحـرق خفوقـي لسنهـا

كنـي كمـا نـارن لهايبهـا بحـبـاس
مـن كـل صـوب ٍ مالها..فرّ..عنـهـا

والاّ كما طيـر ٍ علـى ريـح نسنـاس
العيـن دونـه كـم صويـب ٍ وزنـهـا

ما يدري عن هاك المقانيـص والنـاس
يـوم انـهـم برماحـهـم صوّبنـهـا

يـونّ جرحـه غبنتـن بيـن الأنفـاس
و نارن لضاهـا لجّـت الـروح منهـا

ويا طـيّ قلبـي طيّـت الحـر قرنـاس
حـال الـذّي عـن غايتـه وابعدنـهـا

حوّام مـع صلفـات الأريـاح عسّـاس
يبغـى المـرام اللـي لعينـه ضمنهـا

ويا جرّ قلبـي جَـرّ سيلـن للإغـراس
يجرهـا بعروقـهـا مــع غصنـهـا

على هنـوفٍ ناعـس الطـرف ميّـاس
الفاتـن اللـي نـور عيـنـي فتنـهـا

نجلا العيون اللي لها الرمـش حـرّاس
ورمـوش عيـن ٍ كحلـهـا جملّنـهـا

والوجنتين اللـي كمـا الـورد غـرّاس
إليا استحت زاد الخجـل فـي حسنهـا

يا فرحـة ٍ صـارت بالاقـدام تنـداس
والضيـم مع..مرّ..الليـالـي سقنـهـا

حاطوا عليه وغيّبـوا نـور الاشمـاس
حسبي علـى جـرح ٍ يسبـب حزنهـا

وحسبي على الـذّي تسبـب بالاتعـاس
عذّالهـا اللـي مـن حياتـي خذنـهـا

لا واعذاب القلب مـن أقـرب النـاس
حسبـي عليهـم يومـهـم يجرحنـهـا

القلـب ينـزف والمعالـيـق يـبّـاس
والدمـع فـوق أوجانهـا سـال منهـا

اللّـي طـوى خلّـي طوانـي بمقيـاس
واللـي سقـاه المر..روحـي غبنـهـا

خاب الرجا واصبحت في ليل الادمـاس
أسري مـع الهوجـاس واذكـر زمنهـا

نور الليالـي والهـوى كـان نبـراس
واليوم غابـت واختفـى النـور عنهـا

ويوم الغضي يرسل لنا الشوق باحساس
صـدق المشاعـر والـغـلا ورّدنـهـا

واليوم كلّن مـع خليلـه طـوى اليـاس
طيّـت سنيـن العمـر لامـن طونهـا

وصـلات ربـي كـل ماهـب نسنـاس
علـى النبـي وعـدّ غيـم ومزنـهـا
___________________
م.

ياشينها لي ضاقت الدنيا على وجه الشجـاع
وياشينها لي شحت الدنيا على الكف الكريـم

وياشينها لي صارت الخوه مثل لوي الذراع
ماهو بمنهاج الوفاء والطيب والفعل العظيـم

مادامت الدنيـا ملـذات ومتاهـات ومتـاع
يالله تكفينـي بلاهـا لا توردنـي الجحـيـم

ويالله تجعلني من الوافيـن ذربيـن الطبـاع
والجاهل المغرور لاتجعله ياتي لي خصيـم

يوم انها عاشت ثعالبها مـع سحـم السبـاع
ثم اختلط وجه النقى العاقل مع الوجه اللئيـم

والشمس لو تحجب بغربال ظهر منها الشعاع
وانا فطيـن يامدلهنـا عـن الوقـع القديـم

يوم انت ماتعرف ثنيتها من السـن الربـاع
المشكله بعض العرب شايب وفي عقله فطيم

المال لو غطـى عيـوبٍ مايغطيهـا القنـاع
تبقى الثوابـت ثابتـه كالدائـره والمستقيـم

والناس تدري والغباء احيان ياتي في خـداع
والوقت يحرق مابقى كالنار تحرق بالهشيـم

ولولا التجارب بالرجال بكل وقت وكل قاع
ظاعت نصايح لولين وضيعوا حكمـة حكيـم

واهل العراق اكثر بلد يعيش فترات النـزاع
الا انهم ماضيعـوا ماقالـه إسحـاق النديـم

ياليل وقف لو سمحت بكلمـةٍ قبـل الـوداع
ماهو يصح إلا الصحيح ولايطيح إلا الغشيـم
________________________
ش. حسين الغفيلي

صلّوا عسى تقبل صلاة المصلّيـن
وادعوا عسى يقبل دعاء كل داعي
:
إن الوفاء يبقـى شعـار الوفييـن
ما يختلف عقب احتـدام النزاعـي
:
وان الصراحه في قلوب الصريحين
تبقى ولا ضحك الوجيه الصناعـي
:
أقولها والخشم تدمـع لـه العيـن
واللوم ماله بعض الأحيان داعـي
:
ولا فيه ما بين المثايـل ومـا بيـن
ضيقات صدري عقب طول اتساعي
:
الا بفقـدي للرجـال الحشيمـيـن
اللي لهم طيب النفـوس متداعـي
:
اللـي تمـد يدينـهـم للميامـيـن
وتزيـن فيهـم طيبـات المساعـي
:
اللي مرافقهم يجيلي علـى الديـن
رافقتهم عـن معرفـه واقتناعـي
:
هم محزمي لاضدني وقتي الشيـن
لاجيتهم همّي عـن القلـب ماعـي
:
من مثل ابوعلياء طليق الحجاجيـن
اللي لحاجـات الرفاقـه يراعـي
:
للطيب والنومـاس عنـده دواويـن
وطبيعته يبقـى وراهـا انطباعـي
:
مهيـب فـزة يـوم والاّنهـاريـن
شمسه لها في كل حـيٍ شعاعـي
:
عسـى فـداه مشجعيـن الردييـن
اللي يبيعون الـردى لـو يباعـي
:
اللي من اصناف المراجل خلييـن
ومن كل حاجه تنتقصهـم شباعـي

__________________
ش. صالح السبيل