| | |
 |  |  |
| |||||||
 |  |  |
 |
| | LinkBack | أدوات الموضوع | انواع عرض الموضوع |
| | | |
|
رقم المشاركة : [1]
September 6th, 2003, 05:41 AM
| ||||||||||
| ||||||||||
 موقف....اول موضوع لي بالقسم واخر موضوع بالمنتدى..وعد سلام حايرين  مبروك أولا عودة منتدياتكم ..ثانيا حبيت اطرح أول موضوع لي في ساحة النقاشات واخر موضوع لي بالمنتدى وأتمنى تشاركوني الرأي لأني أحب اشوف الموضوع من نواحي أخرى غير النواحي اللي أنا شفت الموضوع منها ترددت كثير قبل ما أطرح الموضوع لأنها تقريبا موضوع شخصي بحت.. بس لازم وجهة نظري توصل عمومامثل ماقلت لكم احب اسمع وجهة نظركم ومعليش لو طولت عليكم بالحكاية حبتين ..لأني بعد حبيت احكي الموضوع بالصورة اللي شفتها فيه اتمنى اي عضو أو عضوة يردون يقولون وش بيكون تصرفهم لو انحطوا بمكاني أو بمكان الطرف الثاني ولكم حرية الإختيار نبدأ لي صديقة(بنت خالي)تقريبا فارق السن بسيط جدا بيننا تقريبا اخوات لكن مانشوف بعض الا في الأجازات بحكم ان كل في ديرة المهم في اجازة قبل سنة رحنا لهم طبعا محسوبتكم متسرعة دائما في قراراتها,,,اخر يوم كان لنا معاهم اول مرة نتكلم مع بعض بأدب وذرابة على قولتهم بالعادة نقط الميانة المهم كانت متلخبطة ومحتاسة قالت شوفي باقول لك شي ومني عارفة.. قلت لها قولي ايش مو بالعادة تستحين وبعد جهدجهيد قالتها..تقول اش رايك نبي نزوجك لاخوي!!!طبعا اللخبطة والحوسة اللي كانت فيها نطت كلها فوجهي وانحاست الدنيا قلت كيف ايش ها يعني ..!! قالت يالله عاد بلا دلع ايش رايك موافقة ولا ؟؟ تراه شاريك وتصلحون لبعض وبنصير نشوف بعض أكثر قلت من قال لك اصلا اني ابي اتزوج...ما اخفيكم فيه شي داخلي كان فرحان كثر ماهو خايف..من جهة المفروض الأهل اللي يتكلمون في الأمور هذي ومن جهة ومن جهة قلت يمكن عشان قربنا من بعض كلمتني بالأمر انا أول قلت شوفي صار شي او ماصار نظل اخوات وصديقات قالت اكيد مافيها نقاش السالفة هذي ..شوفي انابس ابي اشوف رايك عشان نضمن موافقتك بعدين نكلم الكبار قلت مدري انتي عارفة اني ما اصلح للزواج وانواع التصريفات بسبب الحوسة والإحراج اللي انحطيت فيه..سالتي.. تقول كم عمرك ..؟ قلت :20 قالت ومتى تبين تتزوجين قلت يعني اقل شئ بعد عشر سنوات قالت بلادلع بتصيرين عجوز وقتها محد بياخذك ,,..سكت مدري وش اقول قالت شوفي بس كلام عشان نضمن ماتصيرين مطفوقة واذا جاك احد تتزوجينه وتذلفين .. شانت الأخلاق من جديد قلت طيب خلاص قالت موافقة؟؟ بعد صراع قلت طيب.. انتهى الأمر على كذا ردينا بيتنا بعد يومين تقريبا اتصال منها..الو؟؟ انا :الو هلا هي:اسمعي ابي اقول لك شئ,,,.؟ انا:خير ان شاء الله هي:شوفي كلمنا ابوي واخوي الكبير موجود _أخوهم الكبير ملتزم_ وأعترض يقول البنت مو ملتزمة وماينفع تتزوجها !! واقنع خالي وقالوا بلاش مشاكل وماظنيت فيه نصيب!! أنا انصدمت فعلا لأني جد ماتوقعت هذا كله يصير ..قلت لها بس انتي تعرفين اني مني ملتزمة من اول قال ايه بس ماتوقعنا اخوي بيعارض وتجنبا للمشاكل وانه الأخ الأكبر الغوا التفكير بالسالفة قلت لها..خلاص ماصار الا الخير..بس مابيك تفتحين السالفة هذي مرة ثانية تحت اي ظرف من الظروف اوكي .,.؟أوكي ..سلام مرت سنة..(مالك على البال طاري :P ) اتصالاتنا على فكرة مانقطعت عن بعض,,, السنة هذي في نهاية الإجازة ,,اتصال منها, بوسط المكالمة قالت: اسمعي ابي اقول لك شئ حسيت انها بتفتح السالفة الأولى..قلت لها اذا بخصوص اللي في بالي بلاش قالت لا بس اليوم نزل خبر تعيينه..وحبيت اقول لك ترى اللي صار بالمكالمة الغثيثة كان كله كذب ومن تأليفي ..؟ تلخبطت واحتست قلت شوفي اناقلت لك لاتفتحي الموضع مرة ثانية وقتها صح؟؟ قالت ايه لو انه صار فعلا لكن كله من تأليفي بس وقتها فتحنا الحكاية مع الوالد ..قال مابنكلم اهلها الا اذا تعينت ,,غير كذا لا قلت ..لو صدق وش المانع انك تقوليلي كذا ,,مو تقولين اخوي الكبير مدري ايش وكلام ماله داعي قالت ..ماعرفت وقتها اصرف بعدين هو قال لي ..حرام أعلقها فيني كم سنة ..ماندري وش يصير علي ...؟؟ السالفة كل ماتنفتح تربكني اكثر واكثر قفلت التليفون وقتها على اساس مالي علاقة بالموضوع الكلام بيكون بين الكبار ..واحنا مالنا دخل,,, جلست يومين افكر في الموضوع كله من اساسه لقيت احسن اني اخذها من قاصرها واقول لا,,, مع اني تمنيت اني ماضطر اقولها جمعت شجاعتي واتصلت عليها وقلت لها بصريح العبارة:لا قالت ؟؟اسمعي اذا عشان كذبتي سوي فيني اللي تبين ,, غلطة وانا لوحدي مسؤؤلة عنها,,.؟؟؟ قلت لا مو عشان كذا بس سالفة بدايتها كذا بلاش منها احسن ,,قالت ماباضغط عليك ولا اجبرك على شئ انتي ماتبينه؟ بس تراه كان شاريك ,,ومابتلقين احسن منه. قلت .عارفة بس خلاص خربت من أولها... بس أكيد ماتغير شئ نبقى اخوات وصديقات ولا؟؟؟ قالت :أكيد اللي صار صار ومابيأثر... اوكي سلام ..مع السلامة؟؟؟ انتهت الحكاية...  ما أنلام؟؟؟صح حبيت احكي السالفة من الجهة اللي انا عشتها عشان اوضح وجهة نظري في اللي سويته لأن اللي حولي ومتابعين الأمر يلوموني بس اعتقد اني سويت اللي مفروض اني سويته من اول لكن بعد لومهم,,فكرت انهم يشوفون الموضوع من جهة ثانية بالمناسبة احب اشوف نظرتكم للموقف من زوايا ثانية غير اللي انا شايفة الموضوع منها...؟ وعذرا للإطالة,,,! |
| | | |
| | | |
|
September 6th, 2003, 06:29 AM
| رقم المشاركة : [2] | ||||||||||
 | ياهلا بلقيس ومن زمان عنك وعن مواضيعك الجميله لكنى كأنى شفت في اول الخبر جمله ماعجبتى ان هذا اخر موضوع لكِ بالمنتدى؟؟؟ عموما هذا ماراح يكون اخر موضوع وبتستمرين معنا انشاءالله واما من ناحية الموضوع اللي صار بصراحه وبدون زعل احس بنت خالك هذي سخيفه لانها اول شي مو قد اللي قالته لانها لو قد كلمتها ماكذبت وقالت ان اخوها الكبير رافض بالسبب اللي قالته وانا احس انه مو كذا السبب انه اخوها قال عشان انه مو متوظف احس السبب غير وهى اخفته ولا قالت الحقيقه والله العالم وانتي استعجلتى لما اتصلتى عليها وقلتى لا بالاول كان استشرتى و حده اكبر منك من خواتك او حتى امك اذا كنتى انتى وامك متفاهمين مثل الصديقات وسمعتى وجهة نظر غيرك عشان بعدها تقررين وانتى المفروض فكرتي زين لانه اذا الولد دين وعلى خلق ورجل بمعنى الكلمه اللي صار من اخته ماراح ياثر على حياتك معاه واذا حاسه انك انحرجتى منها ومن اللي صار كان قلتى هذا يرجع لاهلي اول شي ورأيهم قبل رأيي بعدها يكون عندك مجال تفكرين اكثر وانا برأيي اذا الولد على خلق ودين وتقدم لك لا ترفضينه وسوووووري على الاطاله والله يوفقك يارب ويكتب لك اللي فيه الخير وانشاءالله نسمع الاخبار الزينه ولا تنسينى بالعزيمه عشان احضر زواجك واجيب هديه:n20: | ||||||||||
| | | |
| | | |
|
September 6th, 2003, 07:28 AM
| رقم المشاركة : [3] | ||||||||||
| هلا وغلا اختي بلقيس صراحه انا اضم صوتي مع صوت اختي خوخه شنو يعني اخر موضوع مو بكيفك  بالنسبة لموضوعك من وجهة نظري : يمكن بنت خالك غلطت في بدايت الموضوع اذا كان ما تقوله صحيح يعني هي من دبرت السالفة وانتي لك الغلط الاكبر ليش؟ لانك تسرعتي واعطيتي بنت خالك رد انتي يمكن مو راضيه فيه ويمكن ردة فعل طبيعيه على الرفض الي قوبلتي فيه في بدايت الخطبه وكان من المفروض ان يكون جوابك في وقت كافي مو يومين او ثلاثة يعني تتأنين وتأخذين شورة منهم اكبر منك سناً وشوفي نتائج تسرعك في الاجابة او الرد يعني انتي اختي بلقيس مو راضيه عن جوابك , وابي اقولك شغله بلقيس اذا انتي نادمه على كلامه ترا مو عيب انك تردين لان هاذا مستقبلك بشرط انك راضيه في ولد خالك يعني ممكن تتصلين على بنت خالك وتشرحين لها وجهة نظرك ليش رفضتي وانها كانت ردة فعل على كلامها , واذا كنتي تشوفين صعوبة انك تردين بكلامك ومن سابع المستحيلات فيجب عليك تحمل النتائج مهما كانت 0 وانا بلقيس عندي احساس ان ولد خالك راح يرد مره ثانيه ويطلب يدك هاذا اذا كان يحبك وانشالله تكون حياة مليانه سعادو وهناء وحطي بالك الي كاتبه لك ربي راح تاخذينه مهما كانت قوة مرارة عليك او قسوتة , وانشالله اختي بلقيس تتوفقين في حياتك الزوجيه وتجدين الرجل الصالح الي يعوضك في ولد خالك اذا رب العالمين ماكتب لك نصيب معه 0 وشكراً اخوك وســ حاير ــيم | ||||||||||
|
التعديل الأخير تم بواسطة wsem_7ayr ; September 6th, 2003 الساعة 07:31 AM,
| |||||||||||
| | | |
| | | |
|
September 6th, 2003, 06:37 PM
| رقم المشاركة : [4] | ||||||||||
| السلام عليكم ورحمة الله وبركاته اولا يا بلقيس الدبيه لا تطلعين من المنتدى وربي ازعل من جد ............... يعني اذا عندك مشكله غيرك عنده الف ولا ترك المنتدى وثانيا بالنسبه لموضوعك لي وجهة نظر يمكن تكون مختلفه كثير عن الشباب لان وضعي غير وضعهم وهو دام ان ولد خالك شاريك وطلب ايدك مرتين وعلى مدى سنتين اكيد انه كان يفكر في الموضوع ذا طوال فتره طويله ومو بسيطه وعشان سبب بسيط وتافه ترفضينه؟؟ يعني لو فعلا فيه مشاكل بينه وبين اهله فكثر خيره اللي قدر يقرب وجهات النظر ويصر على رايه ليما قدر يخطبك واذا ما كان فيه مشاكل من اصله مثل ما قالت اخته فمو ذنبه المسكين تحطين حرتك فيه لانه هو ما غلط ولا سوا شي غلط عموما اللي صار صار اما الحل فإذا انتي شاريته مثل ما هو شاريك تقدرين تكلمين بنت خالك مره ثانيه وتفهمينها الوضع مثل ما قالت الاخت خوخه (_ادري انها صعبه بس زي ما قلت اذا انتي شاريته ) او انه هو يطلب ايدك مره ثانيه واحسها صعبه كثير لانه من زود تحمسه لخطبتك خطبك في نفس يوم تعيينه وهو الوقت اللي فرضوه عليه اهله وفجأه ينصدم ما اظن يرجع اللي كان ويتصلح من طرفه عموما اتمنى لك التوفيق من كل قلبي في الزواج او في غيره واسأل الله يوفقك الى ما فيه خير لك دنيا واخره تعليق اخير (( تراه شاريك )) تقبلي تحياتي وعذرا على الاطاله رحال | ||||||||||
| | | |
| | | |
|
September 6th, 2003, 11:51 PM
| رقم المشاركة : [5] | ||||||||
| الأخت / بلقيس مساء النور أختي ( من الاشياء الطبيعيه أن تكون البنت بحاله خوف وتفكير من اللحظه بسماعها بأن شخص خطبها ووجد القبول لديها ) ( فعندما تجد أنها بداخلها موافقه وتعلن ذلك لاهلها او لشخص الذي جس نبضها بهذا الموضوع تجدينها خائفه متردده ,, تائه بالتفكير ,, خائفه من شيء اسمه استعجال فكل هذي الامور تجعلها في حيره .. تتمنى تارةً أن تسحب تلك الموافقه التي أعلنتها للذي أبدت هذي الموافقه له وتارةً ياخذها التفكير لتلك الحياه التي بها عش الزوجيه ومرحله جديده وجميله ) وعندما تصيب هذي الحيره بعض الملابسات اوبعض الصعوبات وهي كثيره الاشكال والانواع فأن تلك الانسانه وتحت تأثير هذي الحيره تعلن نهايه هذا الامر ( فالذي هذا اوله ينعاف أخره ) أختي ( أن بهذي المقدمه لم أقصدك انتي بالذات ,,,, ولكن قصدت أن هذي الامور تحصل طبيعيه) ( فكل أنسان عندما يكون امام قرار صعب يعيش هذي الحيره) أختي الغاليه بالنسبه لمشكله التي ذكرتيها .... فأن الامر اولا واخيرا يعود لك انتي ( فكري بالموضوع من جميع جوانبه ,,,, والغي من تفكيرك تلك الحركه السخيفه من صديقتك ) ,,,,,,,,,,,,,, خذي هذي الامور عندما تفكري بالموضوع وتدرسينه جيداً دون ضغوط هل / الانسان الذي تقدم لك أنسان صالح بدينه وأخلاقه هل / الانسان الذي تقدم لك يملك المستوى التعليمي الذي يوافق ما وصلتي له من التعليم ( طبعا هناك امور كثيره ومعروفه للكل بس حبيت اذكر امرين كمثال للذي اقصده ) ,,,,,,,,,,,, أختي الغاليه قد أقول لك ملاحظه وضحت أتمنى الا تزعلك ولكن حبيت اقولها لكي تفيدك وربي فوقي يشهد على ما اقوله وعلى قصدي ( وضح لي أنك أنسانه ترددي بأمورك وبقراراتك وقد يكون هناك خوف يلازمك بقراراتك وذلك وضح لي من طريقه عنوانك الذي كتبتيه لهذي المشاركه ) ( أختي أتمنى الا تجعلي هذا التردد يمتلكك بجميع امور حياتك لانه اذا تمكن منك سوف يقتل عليك الكثير والكثير من الامور التي قد تندمين عليه بعد فوات أمرها ) ,,,,,,,,,,,,,, أختي الغاليه فكري بالامر كثير وأستشيري والدتك واذا وجد أخوات يفوقونك عمراً فأستشارته بهذا الامرواجب ( طبعا اقصد بالاستشاره في امر القبول او الرفض ) ( وليس اقصد بتلك الحركه التي تصرفت بها صديقتك) ,,,,,,,,,,,, أختي الاخوه والاخوات جميعهم بارك الله فيهم طرحوا اراء جميله اقرأي تلك الردود جميعها وتمعني بكل سطر ولملمي اوراقك وأستخرجي من رد فائدته وبالاخير سوف تخرجيني بالقرار الصحيح والموفق بأذن الله ,,,,,,,,,,,,,,,,,,,,,,,, وأسف على أطلتي وأتمنى الا يكون هناك سطرا من سطوري أزعلك ( ولكن وربي لم أقله الا لمصلحتك ولامنيتي بأن توفقي أن شاء الله ) ,,,,,,,,,,,,, وختاما تقبلي أجمل وأرق تحيه | ||||||||
| | | |
|
| الكلمات الدليلية |
| موضوع, موقفاول, بالمنتدىوعد, بالقسم, واخر |
| أدوات الموضوع | |
| انواع عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| [[ موضوع اسلامي ]] | الراشدي | المنتدى الإسلامي | 6 | October 22nd, 2008 10:04 PM |
| موقف عريس في ليلة زفافه يمووووت من الضحك،، | مربى مشمش | منتدى الفرفشه والتعليقات والصرقعه | 4 | September 4th, 2008 09:18 AM |
 |  |
العرض العادي
