قصة مرررررة رووعة

sweetgril · January 28th, 2008, 03:27 AM

السلام عليكم
طبعا جبت لكم قصة مررررة حلوة ويارب تعجبكم

الشخصيات ,,
(حنين)بنوووتة لزوووزة عمرها 17 سنة تعيش عند جدها وجدتها من يووم كان عمرها 5 سنوات لانه امها وابوها سافروا لامريكا يكملو دراسات عليا وبعدها استقروا بولاية جورجيا وحصل ابوها شغل فيها بس هيا مارضيت تسيب جدتها وجدها وتروح امريكا الا بعد ماتخلص الثانويه فكرتها في الحياااه-مالك الا وطنك- عشان كدا قررت تخلص الثانويه فيها…
حاليا هيا سنه ثانيه ثانوي…بمدرسة دار الذكر الاهليه بجده…
جدها(المطوع الفري …يعني متدين ولله الحمد بس مو متعصب…وياخد الدنيا ببساطه يحب الطلعات والخرجات والفلله…بصراحه جد مثالي…
وجدتها كانت بمقام امها خلال فترة حياتها معاها…
جدتها لابوها تزورها من فترة للتانيه…
محبوبه عند الجميع بسبب قلبها الطيب والكبير وطبعها الفرفوشي ودمها الخفيف…
في بيت جدها وجدتها يعيش اصغر اخوالها اللي هوا (فارس) عمره 30سنة مهو متزوج ومرررره فلللللله...وخالها التاني اللي هوا أكبر خيلانها (فهد)متزوج وعنده ولدين و3 بنات...
أولاده(مهند)-17سنة- وبعده (عبير)-16سنة-(منار)-8سنوات-(لمار)-5سنوات-
وولده الكبير (تركي)-22سنة-
وبالنسبة لأعمامها...
عندها عم واحد وعمة واحدة...
عمها ( عبدالجليل)...ابو الشبااب يعني ماعنده بنات أبدا...(محمد)-23سنة-(عبدالله)-20سنة-(عماد)-15سنة-
وعمتها(ضحى)...عندها توأم بنات (حنان-جيهان)-19سنة-وولد (عنان)-17سنة-
حنين كانت قاعده في الصالة تزاكر لانها طفشانه ومافي حاجه تسليها...
جدها قاعد على النت وبيتابع الاسهم-ماقلتلكم انه فلله؟؟!!يعرف للنت والاسهم-وجدتها بتطبخ وتنفخ لانه خالها فهد هوا وزوجته وعياله جيين يتغدو عندهم بما انه اليوم جمعه...
فيصل(الجد):"حنوونه حبيبتي...يللا أطلعي البسي مابقي شي ويوصل خالك"
حنين:"وليييش؟؟!!اشبو لبسي؟؟!!"
فيصل:"حبيبتي تبي تقابليهم ببنطلوون لوو ويست خالك عنده شباب..روحي البسي تنورة طويله ولا بنطلوون وااسع"
حنين طلعت وهيا مبتسمة...هيا ماكانت ناوية تقابل أولاد خالها باللو ويست بس كانت تبا تعرف ردة فعله جدها...
طلعت على غرفتها ولبست تنورة وبلوزة طوويلة ولفت راسها بطرحه ونزلت وهيا مهي حاطه في وجهها غير شووية بلاشر وكحل أسود...
على دخلت (فارس)كانت حنين نازلة من الدرج...
حنين:"فيين كنت؟!!!..."
فارس:"شووفت واحد من أصحابي في المسجد وقعدت معاه شووية...ههههه خلاااص لبستي التنووورة؟!!"
حنين:"مدري اشبو جدو كل ماجا خالو يخلين اتحشم!!"
فاارس:"والله شكله فيه شي حااطه في باله"
حنين:"شي زي ايش؟!!"
فارس:"لا ولاشي..!!"
قعدت حنين هيا وفارس يتكلمو وكلها ربع ساعه الا وخالهم فهد عندهم...
في يوم الجمعه لمن يجي الخال ماتجي معاه مرته(فايزه)عشاان هيا كمان في دا اليوم تروح لأهلها...وتاخد معاها البنات...لانهم يتبسطوا في بيت اهل امهم اكتر...
مهند وتركي وفارس قعدوا يلعبوا بلاي ستيشن (الحمدلله والشكر ...وفهد قاعد مع امه وابوه...وحنين قاعده مبوزة وطفشانه كالعاده...
مهند حزن عليها وجا جلس جنبها(علاقة مهند وحنين حلووه زي الأخوان وخصوصا انهم قعد بعض يعني ينسجموا مع بعض)...
مهند:"حنووونه...شكلك طفشااانه؟؟!!"
حنين:"الــطفش...خلااص سيبو البلاي ستيشن وسووا شي مفييد"
مهند:"طيب ايش تبغينا نسوي؟؟!!"
حنين:"نطلع نتمشى"
مهند:"ولااااا يهمك بنت عمتي من عيووني...بس تتوقعي جدوو يرضى؟؟!!!"
حنين:”أووووف... مدري بس اتوقع لأ..الا ازا فااارس رضي يطلع معانا!!"
مهند:"فرووووس!!...تطلع معانا؟!!..نبغا نتمشى!!"
فارس:"فيين تبغوا تروحوا؟؟!"
حنيين:"أي مكان...والله طفش!!"
تركي:"نرووح البحر..!!"
حنين:"طيب.."
سمعتهم الجده..:"والغدا؟!!...أنا مسويته لميين؟؟!!"
تركي:"نتغدى ونطلع"
حنين:"اووكي"
--------------------------------------------------
كدا كانت حيااة حنيين...بدون شي مميز....مذاكرة طوال الأسبووع....والجمعه يجي خالها وعياله...
بدأ الملل يتسلل إلى حيااتي...بهادي الكلمات بدأت حنيين تكتب خاطرتها الجديدة...كتابة الخواطر هيا هوايتها...
نزلتها في النت وقفلت الكمبيوتر ونزلت تحت...
فارس كان قاعد لحاله بيتفرج أوبرا...
حنين:"فروووس فين جدو؟؟!!وستي؟؟!!"
فارس:"ماما وبابا راحوا عند فهد يتعشوا"
حنين:"ولي مااخدوني معاهم؟؟!!"
فارس:"اسأليهم مدري عنهم"
حنين:"واحنا ايش حنتعشى؟؟"
فارس:"مدري"
حنين:"يوووووووووه انته كل شي ماتدري؟؟"
فارس:"يعني أروح اطبخلك؟؟!"
حنين:"فاااااااااارس!!"
فارس:"طيب ايش تبغي؟؟!"
حنين:"ابا اروح فرايديز"
فارس:"لأ.."
حنين:"خالوووو الله يخليك!!"
فاارس:"والله مافييه..وبعدين يجي بابا يصرخ ويزعق كيف نخرج من غير استئذان"
حنين:"محا يقول شي لاني مني خارجه لحالي أنا معاك...وبعدين نكلمه ونستئذنه مافي مشاكل"
فاارس:"والله ماافيه"
حنين (مدت يوزها):"فروووووس"
فاارس:"يع...لاتبوزي...خلاص روحي البسي عبايتك"
حنين:"وحتقووول لجدو؟!!"
فاارس:"أصلا هوا قلي أطلعك....بس كنت ابغى العب بأعصاابك شويه"
حنين(مدت لسانها ):"مااالت عليك"
وطلعت تلبس عبايتها...وهيا جيه تنزل دق التلفون...بسرعه شالته:"الوو"
:"حنوووونه...كيفك حبيبي؟؟!"
حنين سكتت ودمعت عيونها من 3أسابيع ماسمعت صوتها...وبصوتها المبحوح قالت:"ما..ما...؟؟!"
:"ايوا مامتك...كيفك؟؟!"
:"أنا..الحمدلله..كيفك انتي ؟؟ وكيف حال بابا؟!!"
:"كلنا بخير...كيف جدك وستك؟!!وفارس وفهد والاولاد؟؟!"
:"تماام...بخير...(فجأة نزلت دموعها):"ماما ليش ماكلمتي من 3 اسابيع"
:"حبيبي والله معلييش بس أنا كان عندي اختبارات...وبابتك عنده ضغط في العمل..."
:"فينه بابا ابغا اكلمه؟؟"
:"بابتك في العمل...فين جدك ؟؟!اديني هوا ابا اكلمه"
:"جدوو عند خالو فهد هوا وستي كلهم خرجوا"
فارس استغرب تأخر حنين فطلع يشوفها لقاها ماسكه السماعه...
ومن دموعها عرف انها مامتها...:"تبي تكلمي فارس؟؟!"
دارت وجهها على فارس:"خد ماما تباك!!"
-----------------------------------------------------------------
هاديك المكالمه كانت لسبب ما والجميع عرفه ماعدا حنين...
اليوم قرر الجد يقوله لها...
:"حنووووونه؟؟!!"
حنين كانت بتقرأ رواية لاجاثا كريستي...:"ايوا جدوو!!"
:"حبيبتي تعالي جمبي"
راحت حنين وباست راسه ويده ةقعدت جمبه...
:"اسمعي...أنا حجزتلك تذكره لامريكا"
حنين طالعت في جدها:"لييش؟؟!!"
:"بابتك....شويه تعباان ويبغا يشووفك"
حنين دمعت على طول...:"اشبه بابا؟؟!"
:"مافيه غير الخير...بس هوا يباكي تكملي السنه عنده في امريكا...وأنا وفارس وفهد كلنا مانقدر نسيب أشغالنا...وحتى عمك كلمته وقال مايقدر...عشان كدا تركي اللي حيوديكي...ومحمد ولد عمك....فاستعدي طيارتك بعد أسبوع"
حنين سكتت وبدأت تطالع في جدتها اللي كانت تبكي...راحتلها حنين وحضنتها وقعدت تكي معاها...
في الليل طلعت حنين غرفتها وطلع معاها فارس...كالعاده في كل ليل يقعدوا مع بعض ويتكلموا...
حنين:"فاارس ليش ماتجي معايا؟؟!!...ماابا اروح مع حماده وتركي لحالي"
فارس:"والله كان نفسي خصوصا انه اختي (فاتن)وحشتني...بس والله مرره مشغووول في الشركه الزفت"
حنين:"فاااارس أنا خااايفه...!!!...انته اكيد تعرف ايش فيه بابا؟؟!!"
فارس نزل راسه:"لا ماأعرف"
حنين طنشته مع انها متأكده انه يعرف واكتفت بدموع قليله مسحتها بسرعه...

-----------------------------------------------------------------------

يتــــبــــعــــ ,,
هااااااي شبااب وصبايا ..

سوري عالتأخير ..

ودي التكملة ..

في الطريق للمطار...
الكل راكبين في سيارة فارس الالتما الكحليه وصلهم بعد مااستئذن من الدوام لانه رحلتهم وقتها الصبح...
بس ماكان هوا اللي يسووق قعد ورا مع حنين وتركي ومحمد كانوا قدام...
أول ماوصلوا وعند باب المطار...فارس:"حنوونه ماأوصيكي على نفسك....وانتبهي على مامتك وبابتك....وأول مااقدر حألحقك"
حنين:”أووكي... باااي"
وحضنت فارس وعينها دمعت...وفارس بدأ يمسح على راسها...:"طمنيني أول ماتوصلي"
***في امريكا...
أول ماشافت حنين امها وابوها حضن وبكا... والخ..
اتوقعت حنين تلاقي ابوها في المستشفى بس ابوها كان في المطار يستقبلها وهادا الشي فرحها مره...
راحوا على الشقه عشان يرتاحوا...
أول مادخلت حنين العماره اتقابلت مع عيله سعوديه يصيروا أصحاب امها وابوها...
العيله مكونه من الام والاب وبنت وولد...
طلال-ابو حنين-كان قايل لجيرانهم انهم رايحين يجيبوا بنتهم فأصروا أن العشا يكون عندهم...
استقبلوهم عند مدخل العماره وطلعوهم لبيتهم يعشووهم...حنين والشباب كانوا تعبانين مرره بس مشوا حالهم وقعدوا معاهم...
البنت كانت كبيره يعني 23سنة اسمها (رفيدة)والولد أصغر منها بسنة وحده اسمه(أمجد)...
دخلوا لشقتهم وحطوا العشا...
حنين كانت قاعده مع رفيده والحريم والشباب والرجال قاعدين مع بعض...
أمجد كان معجب جدا بحنين ...مع انها صغيره الا انها متحجبة ومحتشمه ومأدبه وماتاخد وتعطي مع الرجال...
عكس اخته اللي متربيه في امريكا...كانت ماتتحجب وتروح وتجي لحالها ماعندها مشاكل...عشان كدا كبرت حنين في عيونه...فهم من كلام امه وابوه انه حنين حتكمل دراستها هنا في امريكا...
ابو امجد وابو حنين صداقتهم جدا متينه درسوا في نفس الجامعه وبيشتغلوا حاليا في نفس الشركه...
أمجد كان من جد تايه في عيون حنين...أنا ماوصفتلكم حنين...
حنين متوسطة الطول...بشرتها بيضه...شعرها بني غامق مهو ساايح زي الجاوا ولاخشن مررره....يعني ناعم مع شوية لفلفه...عيونها واسعه ولونها أخضر على رمادي طالعه على عيون جدة أمها (مشوووار) خدودها بارزه وتبان فيها الغمازات بوضوح...
بعد ماخلصوا العشا راحوا على بيتهم يرتاحوا...تركي ومحمد كانت رحلة رجوعهم في اليوم التاني...عشان كدا ماناموا...على طول خرجوا يتمشوا ويتفرجوا على البلد اللي هما فيها...
----------------------------------------------------------
بعد شهر....
قدرت حنين تتأقلم على المحيط اللي هيا عايشه فيه...اندمجت مع كم بنت معاهم في العماره...
وكل يوم لازم ياهما يتعشوا عند ابو امجد او هما يتعشوا عندهم...
فاضل على نهاية الترم اسبوعين بس وحنين مو بس خااايفه...لأ...الخوووف...
صح هيا دخلت مدرسه عربيه بس برضها خايفه ومهي متعوده...واصلا حنين مهي مع الدرسه مرره...
غير انها مهي فاهمه في الكيميا شي...
كانت بتحاول تذاكرلها كم درس فيها...ولكن للأسف العقل موقف...
اللين في الأخير بكيت...شافتها امها..:"حنوونه حيااتي ايش فيه؟؟!!"
حنين:"مني فاهمه في الكيميا شي!!"
فاتن:"يااقلبي عليكي...اووكي ليش ماتروحي لبابتك يشرحلك"
حنين:"ماما...انتي شايفه بابا عنده وقت الشغل اخد منه كل وقته"
فاتن:"طيب اصبري دقيقه...(مسكت جوالها)..:"هاالوو...كيفك حياة؟؟!"...."والله آسفه عالازعاج....ابغى أطلب خدمه من أمجد....حنين مهي فاهمة في الكيمياء شي وابغاه يشرحلها لو ماعنده مانع..."
حنين تسمع أمها وعيونها كل مالها توسع ... أمها ناويه عليها تبغا أمجد يشرحلها....هادا وأنا من بعيد وأحمر و أصفر وقلبي صوته يعلى...كيف لو رحت قعدت جمبه ويشرحلي كماان...
يااااالهوووووي>>>>

رخت امها...:"خالتك حياة تقوول أمجد ماعنده مانع كل يوم يفضيلك من وقته ساعتين بعد المغرب..."
حنين:"ماما...مافي حل غير أمجد؟؟!!"
فاتن:"حبيبي..أمجد دارس صيدلة...يعني شاطر في الكيميا ويقدر يفهمك اللي تبغيه"
طالعت حنين في الساعه مافاضل على المغرب شي...
دخلت غرفة النوم وطلعت بجي جينز غامق وبلوزه بنك فاتحه ولبستها...لفت شعرها بطرحه لونها أغمق من البلوزه حطت قلوس وبلاشر خفيف وكحل أزرق...
أول مااذن المغرب صلت وراحت على بيت أمجد...وكل ماتقرب من باب بيتهم قلبها يزيد في الدق... موقف لاتحسد علييه...
أول ماشافت أمجد لفتها شكله الكيووت...كان أسمر وطووويل شعره كستنائي ناعم...
يلبس نضارات طبية...شكله بيها لزووز...وعنده غمازات حلووه...صوته حنوون(يسري في الأعماق ههههه )...
دقت الباب مافتحلها أحد فدخلت لحالها...
كان البيت ضلام ونور الصاله مفتوح...دخلت لقت (حياة)-ام امجد-قاعده تسوي شاي...(المطبخ مفتوح عالصاله)...
حياة:"هلااا حنين..!!...أمجد في غرفته...روحيله"
حنين ابتسمت:"مشكوورة خالتي"
راحت على غرفة أمجد..ودقت الباب...:"أدخل.."
اتنهدت حنين بقووه:"بسم الله..."
وفتحت الباب ودخلت...
.....

يتبع ,,
تــابـع ,,

أمجد كان مسدوح على السرير وبيقرأ مجله ومشغل الاستريو...
الغرفة كانت مقلوبه فووق تحت...المجلات مرميه في كل مكان وعلب بيبسي وبيرا فاضيه على المكتب وفي الارض...أكياس البوب كورن...التلفزيون مفتووح...على محطة الفيديو...والبلاي ستيشن مفتووح والايادي حقته مرميه عالارض...الشباك مفتوح والستاره بترفرف عالغرفه...(بصراحه شكل الغرفه تحفه )...
أول ماشافها أمجد ارتبك وقام بسرعه...:"حنين...اهلا"
حنين(مفجوعه من شكل الغرفه):"اهلا فيك..!!"
أمجد:"ماكنت متوقع تجي بدي السرعه..."
حنين:"ماحبيت أتأخر"
أمجد:"اووكي...انتي استنيني على بال ماأروح أصلي"
حنين:"طيب!!"
أمجد كان متفشل من شكل الغرفه...بس خلاص قيدها شافتها...
راح الحمام....وبعدين صلى في غرفة المعيشه...رجع على غرفته لقاها مرتبه نسبيا...يعني مافي زبايل...والمجلات حطتها فوق المكتب...مابقي غير تتكنس وشوية نفض...
أمجد:"حنين..!!أيش سويتي؟؟!!"
حنين:"قولت لنفسي خليني اسدي خدمة للمجتمع..!!"
أمجد:"هههههههههه معليش تعبتك معايا"
حنين:"لا عادي...حتى انا حأتعبك معايا"
أمجد:"يللا نبدأ..!؟؟"
حنين:"يللا"
***وبهذه الطريقه اتحسنت العلاقه بين الاثنين...واقدر اقوول انها اطورت من اعجاااب...لــ.......حـــــــــــب.. .
آخر حصة كيميا....
دخلت حنين لقت أمجد قدامها...كان لابس بنطلون رمادي جينز...وتي شيرت كت ...ولابس جزمة الرياضه...وباين عليه مستعد للخروج...
حنين:"السلام عليكم!!"
أمجد:"وعليكم السلام...ياهلا"
حنين:"فين خاارج؟!!"
امجد:"ابغى اعطيك الدرس اليوم في البارك لانه الجوو حلوو"
حنين:"مدري اذا ماما ترضى..."
أمجد:"كلمتها واستئذنت منها...ماعندها مشاكل..."
حنين:"طيب يللا"
نزلوا تحت...وركبت في سيارة أمجد الكابرس العودي (هوووووووووووس هادي السياره)...
وراحوا على البارك....أخدت الحصه وخلصت...
أمجد:"مشتهي سلااااش!!"
حنين:"طيب...تعال هناك في سيارة اسكريم...يمكن عندهم سلااش"
أمجد:"ماجبت فلوووس!!"!
حنين:"هههه ولا أنا..!!...خلاص المرره الجييه!!"
أمجد:"حنووون...ابغى اقوولك شي بس ماتزعلي......!!!"
حنين:"اييش؟؟!!"
أمجد:"قوولي والله ماتزعلي..!!"
:"ماادري على حسب هادا الشي"
:"على الاقل تحلفي انك ماتاخدي موقف مني...ولاتفهميني غلط...."
حنين بدأ الخووف يدب في أوصال أطرافها المرتعشه...:"أمجد خلااااص قووول وان شالله ماأزعل...!!"
أمجد (باستهبال ):"يللا...مااافي مني قايلك..!!!"
وقااام...:"يللا تعالي ارجعك البيت...!!"
قامت حنين:"هههههه أمجد...من جد قوووول ايش فيه؟؟!!"
أمجد:"مني قااايلك...!!"
حنين:"أحسسسسسسن"
وصلوا عند باب العماه...حنين:"محا تنزل؟!!"
أمجد:"لا...عندي ديت..!!"
حنين...حمر وجهها من العصبيه...:"طيب يللا بااي...!!"
ونزلت...أمجد:"حنووون...ماتبغي تعرفي مع مين الديت؟؟!!"
حنين:"لأه...مايهمني..!!"
أمجد:"طيب...بااي"
أول مامشيت السياره...مدت حنيين لسانها...:"أهببببببببل"
انتهت فترة الاختبارات....وأخدت حنين نيجتها...وكانت العلامات كويسه...يمكن أحسن من اللي كانت تجيبها في السعوديه...لانه مع امها وابوها النفسيه احسن...ووقتها فاااضي فطوول الوقت تذاكر...
وهيا في الصاله...سمعت صووت عند الباااب...:"يااااأهل البييييت طرييق"
حنين ابتسمت ولبست طرحتها...:"أمجد...أدخل مافييش حداا"
دخل أمجد...:"هااا بشري...كيف النتايج؟!!..أكيد الكيميا أعلى شي.!!"
حنين:"ههههه بصراحه ايووا..!!"
أمجد:"احم...احم...أجل انفع مدرس"
حنين:"هههههه والله انته وحظك...ناس تفهم وناس لأ..."
أمجد:"لااا ياااعمري أنا كل النااس تفهم معايا..."
حنين(اتكهربت...عمري؟؟!!)
:"هههههه مرره واثق..!!!"
أمجد:"أتغديتي؟!!"
:"لأه...ماما عندها اختبار...وبابا كالعاده في العمل!!"
:"وايش حتتغدي؟؟!!"
:"ماما قالتلي اطلع اتغدى في وحده من المطاعم كالعاده...بس مافيا أمشي"
:"خلاااص ولايهمك...انتي معزومه عالغدا معايا تبغي تشكيز؟؟ولا فدركرز؟؟ولاكنتاكي؟؟!!"
:"هههههههه ايش هاادا لعز...اتذكر ماكان عندك حق السلااش؟؟!!"
:"خ خ خ هاادا ايام زماان دحيين اقدر اغديكي واروح اشتريلك خاتم ذهب كمااان"(دقه قويه..)
:"اووكي خلاااص أبغى فدركرز...؟؟!!"
:"ياااامفتريه..!!!أغلى مطعم!!.:"
:"انته اتبرعت...!!"
:"طيب يللا أمشي..."
طلعت معاه حنين...وراحوا على فدركرز...
بعد ماخلصوا أكل راح اشترالها اسكريم....
حنين:"خييير ان شالله؟!!!..قاعد اليوم تدلعني؟؟!!"
أمجد:"مو كل يوم حنوونه تنجح"
حنين حمرت ...:"تسلم"
:"الله يسلمك....ههههههههه وبعدين معاكي كل ماأقولك شي تحمري"
:"هههههه لا بس الدنيا حر شوويه...(طبعا باين انها بتستهبل وهيا عارفه انه عارف انها بتستهبل بس مشوو حالكم)
وهما قاعدين عالكرسي وبياكلوا اسكريم...
جاا ولد ياباني...ووقف أمجد يسلم علييه...وقعدوا يتكلموا...طبعا حنيين الحمدلله والشكر عدم مع الانجليزي...(تفكرني بوحده اسمها أنا )
طالع الياباني فيها وابتسم....:"هاااو آر يو؟؟!!"
ابتسمت حنين:"ايم فاااين...اند يوو؟؟!"
:"ايم فااين..ثانك يوو"
بعد هرج ساعتين(مو سااعتين بس المصطلح كنايه على انهم طولوا في الكلام )
قعد أمجد وهوا يضحك....مو بس يضحك...لا ميييت من الضحك....
حنين:"خييير ان شالله أخ أمجد؟؟!!"
:"ههههههههههههههه تعرفي ايش سألني؟؟!!"
(بخووف سألت...ويحقلها تسأل بخووف شكل الضحكه مايطمن ):"اييش؟؟!!"
:"قلللي هااادي الحلووه خطيبتك؟!!؟!ههههههههههههههههههههههههههه"
حنين(ياااووويلي فيين اودي وجهي أنا ):"وانته قولتلو لأ طبعا؟؟!!"
أمجد:"بالعكس قولتلو...ايوا... تبغيني اقولوا صحبتي؟ ؟!!"
حنيين:"ماااالت على وجهك...انا دحين خطيبتك؟!!"
أمجد قرب منها وقال بصووت هادئ:"لييش؟؟!!...ايش يمنع؟؟!!"
حنين وقفت:"أمجججججججججد"
أمجد:"ههههههههههههههههههه خلاااااص حنوونه أمزح معاكي"
حنين:"رجعني البيت!!"
أمجد:"هههه حنين والله أمزح"
حنين:"أمججججججججد لووو سمحت أبغا أرجع بيتي"
أمجد:"اوووف طيب!!"
في السيارة حنين ماقالت ولاكلمة...دق جوالها :"ايوا مااما"
"حبيبي اتغديتي؟!!"
:"ايوا طلعت أنا وأمجد اتغدينا فدركرز...ايش عملتي في اختبارك؟!!"
:"جووود ان شالله...اسمعي فاضلي اختبار ومحاضرتين....يعني أخرجي على كيفك....لاتقعدي في البيت لحالك لانو السباك جيي يصلح الحنفيه حقت المطبخ"
:"طيب ياماما"
حطت الجوال في شنطتها وانتبهت على أمجد اللي بيبحلق فيها...
دارت وجهها على الشبااك:"انتبه على الطريق!!"
أمجد وقف سيارته في مواقف وحده من المولات...:"فيين الطرييق؟!!"
:"أمممممجد وديني بيتييي"
:"ماني موديكي سمعتي أمك لاترجعي في سبااك جيي"
:"خلاااص اذن ابغى أروح عند منال ونوال(بنات الجيران-كوتيين-)....
:"مني مرجعك..!! ايش حتسووي؟؟!!"
حنين بدأت تخاااف....:"أمجججججد..!!!"
أمجد عصب..: "ايش فييه خاااايفه؟!!!محا آكلك أنا..!!!"
:"وليييش ماتوديني بيتي؟؟!!"
:"كدا ماليا نفس أرجع...ابغى اتمشى في السووق شوويه"
ونزل من السياره بعد ماقفلها...:"يللا انزلي...!!"
:"ماابغى رووح وأنا أرجع البيت بتكسي"
أمجد خلاااص وصلت معاااه:"حنيييييين..؟؟!!"
:"طيب مني راايحه بتكسي بس استناك هنا في السياره!!"
:"أحسن عشااان تريحيني عندي ديت ومابغاكي تعطليني..."
وراح على الدرج الكهربائي اللي يطلع على الموول...حنين وقف شعرها عنده دييت وجايبني معاااه لييه...يللا والله ماأهنيه...ونزلت من السيااره وطلعت على الدوور اللي فيه مطاعم...أول ماتفتح باب المصعد وجييه تخرج عشاان تدوور على أمجد...لقته في وجهها وكأنه بيستناها...
أمجد (ابتسامة سخريه ..):"ليش غيرتي رأيك؟؟!!"
:"حرااام يعني أغير رأيي...؟؟!"
:"لأه مو حرااام..."
حنين اتلفتت:"يللا مين البنت اللي مديت معاها؟؟!!"
:"هههههههههههههه ماافي بنت...بس كنت متأكد انه لو قولتلك عندي ديت حتجي"
:"الحمدلله والشكر"
(وفي عقلها والله صاادني ايش هادي الفشله)

أمجد:"تعالي نشرب كوباتشينو...."
:"دووبنا أكلنا ايس كريم"
:"معليييش قولتلك مو كل يوم تنجحي!!"
وهما قاعدين في ستار بكس يشربوا محد فيهم نطق...وكل واحد يفكر بالتاني...
(حنين بعقلها...والللللللللللللله احبوووووووووووووووووووووووووووووووو واموووووووووووت فييييييه....)
(وأمجد يااااااااااااااربيي كييف أقوووووولهااا أحبك....؟!!!!!!!!!!!!!)
أمجد:"حنوووونه..!!؟؟"
:"نعم"
:"نعم الله عليكي..!!...تحبي تسمعي أغاني؟؟!!"
:”ايوا.... بس لمن كنت أعيش فيي السعوديه ماكنت أسمع غير عند صحباتي لانو جدي مايسمع ولايخليني أسمع...عشان كدا ماأعرف أغاني كتير"
:"ومن اللي سمعتيها وعجبتك؟!!"
:"كنت أحب سنين الشوق حقت فضل شاكر...مررررره خطيييييييره"
:"اهاااا..."
:"وليييش السؤال؟؟!!"
:"لا ولاشي..!!"
:"طيب وانته ايش يعجبك؟!؟!"
:"دقيقه...احم احم(بيستعد انه يغني)...بأتحدى العالم كله وأنا ويااك...وبأوول للدنيا بحلها انو انا اهواااك....الخ (اتحدى العالم-صابرالرباعي)....بعد ماخلص كل الاغنيه...هياا قديمه شوويه بس مرره تعجبني..."
كل اللي في ستار بكس وقفوا وصفقوا...مع انهم مافهموا الاغنيه...بس صووت أمجد كاان خطييير...أمجد مااستوعب الا لمن حنين قالتله...:"أمجد صووتك....؟!!...خطيييييييير"
أمجد وبصوووت عالي:"ثانك يووو ثاانك يوو...حنوون أمشي نطلع برى..."
طلعوا الاتنين وهما ماشين على المواقف...:"حنوون..!!!تدري لمين أهدي الأغنيه؟!!"
:"لمييين؟؟!!"
:"لوحده أموووره سرقت مني رووحي وكيااني.!"
:"ميين؟؟!!كيف شكلها..؟؟!!حلوووه؟؟؟!!"
:"أحلى من القمر هيا...وأحلى يمكن شوويه...وأحلى من العسل...."
حنين قاطعته وهو في نص الأغنيه..:"أمجججد مييين؟؟!"
كمل الأغنيه ولا عليييه...:"وأنا واااحد من العشاااق...وبصوته العادي...واتمنى تختارني من الميه...!!"
:"طييب ميين؟؟!!"
:"قبل مااقوولك...توعديني انك تسااعديني؟؟!!"
:"اسااعدك في أيه؟؟!!"
(طبعا حنين عيوونها انترست دمووع هوا يحب وحده تانيه وأنا الغبيه أفكر فيه)....
:"تسااعديني أنك تقنعيها تحبني...!!..زي مااحبها"
حنين دارت وجهها وبسرعه مسحت عينها....
وأمجد كمل كلامه...:"مع اني متأكد أنها تحبني...وغنى...واتاريها مثل حالي...تحس بكل ماافيااا..."
(راشد الفارس-أحلى منالقمر-)
:"حنووووووووون ماتبغي تعرفي مين هيااا؟؟!!"
:"حنييين...لأه ماابغى مايهمني...!!"
ودخلت السيااره...وركب هوا كماان شغل السيااره وفتح المسجل...
(انته الحب الكبير... الأول والأخيير... ولاغيرك يااحبيبي...ألبي لهواك أسير...)
:"حنووووووونه ياادبه لاتبكي...!!"
حنين:"مالك شغل أبكي ولاماابكي"
وبصوته الهادئ اللي يسري في الشراايين.:"حنيين زعلانه مني؟؟!!"
:"مصدق عمرك انته..!!"
:"ايوووا أنا متأكد انك غيراانه..!!"
:"لا بس جدوو وستي وحشووني!!"
:"لااا ياااشيخه؟؟!!...ماأعرفك أنا؟؟!!...غيوورة درجه أولى"
:"خلااااص بكيفي ابكي ولا أضحك..."
:"وليييييييييش بتبكي؟!!"
:"يهمك؟!!"
:"طبعا يهمني...!!"
:"كذااااب مااايهمك....انته لك حبيبتك هيااا اللي تهمك..!!!"
:"وشراايك لو اقوولك انو حنين هياا حبيبتي؟؟!!.."
(يااااااااااااااااااي حمااااااااااااااااااااااااس)
(اوووووووبس...ضربتين في الراااس تووووجع)
حنين جمدت مكانها وطالعت في أمجد بذهوول...:"أنــا؟؟!!"
:"لا حنين بنت الفرااااش!!..."
:"أمججججججججججد؟؟!!"
:"ايوا انتي يااااقلبي.......!!!"
حنين سكتت وماقالت ولا كلمه..(ألجم الذهول والخجل لسانها)
وأمجد برضه سكت لأنه بعد الكلمه اللي قالها مافي كلمة تنقال...أول ماوصلوا لعمارتهم...
:"مشكووور عالخرجه الحلووه أمجد"
:"مايحتاج تشكريني...حنوونه زعلتي مني؟؟!!"
:"لاعااادي..!!"
:"طيب؟؟!!...وكلامي؟؟...لاتحسبيني أمزح ولاأتهبل... ترى أنا أتكلم جد"
حمرت حنين مررره ثانيه:"يعني أيش تبغاني أقووول؟؟!!"
:"أقل القليل تمسحي دموعك....دموعك غاليه علي"
حنين ابتسمت ووجها مو بس حمر...كمان ولع وصاار يطلع شراره...
مسحت دموعها...:"اشووفك على خيير أمجد..!!"
:"تلقي الخير حيااتي..."
طلعت حنين عند منال ونوال...
وأمجد مشي بسيارته لمكان لايعلمه الا الله...
فتحلها الباب أخوهم الصغير (نواف-16سنة)...:"نوووافووو بسرعه عندك بطااقه؟؟!!"
نواف:"بطاقة حق شنوو؟!!"
حنين:"حق تلفوون يااااذكي؟؟!!"
نواف:"انطري لحظه...!!"
دخل نواق وكلها دقيقتين...:"خذي...فيها ساعه ونص بس...."
حنين:"اتكفيني"
ونزلت جري على البقاله اللي تحت العماره....
نواف طالع فيها:"الحمدلله والشكر...شبلاها البنيه مستعيله؟؟!!"
على طول حطت رقم البطاقه....:"الوووووو مهند!!"
مهند:"الووو...(شهق)...حنووووووووونه...يالقاطعه...م اسمعت صووتك من أول ماسافرتي..!!"
حنين:"اسفه والله يااابن خالي...الظرووف وماتقتضييه..!!"
:"كيييييفك؟؟!!وكيف حال عمتي فاتن وعمي طلال؟!!"
:"كلنا بخير...كيف جدو وستي وخالي واخوانك وامك وكل اهل جده....وفااااارس؟؟!!"
:"تماااموووو ناقصينا انتوو ونسيير في احسن حااال..."
:"الله يخليك ليا..!!..اسمع مهند البطاقه كلها ساععه ونص خلينا ندخل في الموووضوع بسرعه..!!"
:"ههههههههه وطلع الاتصاال مصلحه...!!؟!!..ايش عندك؟!!"
:"مهند...لو قالي واحد أحبك...كيف أعرف انه صادق ولاكذاب؟؟!!"
مهند انفجع...اشبها دي؟؟!!...(طبعا مهند وحنين زي ماقولتلكم أول...مستودع أسرار بعض...كل شي يسووه يقولوه لبعض ...)
:"ليش في أحد قلك أحبك؟!!"
:"(اتنهدت)...ايواا..."
تنهديدتها كانت تنهيدة بكا...:"حنوونه انتي بتبكي؟؟!!"
:"يعني....مهند لاتضيع الموووضووع...جااوب على سؤالي؟؟!!"
:"طيب حكيني ايش صاار عشاان أحكم...!!"
حكته حنين كل شي...
:"حنوونه...هادا الرجال...وااضح انه يحبك...ومابيلعب...!!!"
:"طيب مشكووور وماقصرت..!!!!!!"
:"طيب حنين...انتي تحبيه؟؟!!"
حنين سكتت وماعرفت ايش تقووول بس أصلا مهند ماتركلها مجال...:"أصلا مستحييل تحبيه...."
:"لييش مستحييل؟؟!!"
مهند صرخ....:"قووولت مستحيييل...ياااويلك تحبيه...انتي فاهمه؟؟!!"
:"مهند ليش تزعق؟؟!!...وليش مستحيل؟؟؟في شي ماأعرفه؟؟!!"
:"بس مستحييل وخلاااااص...ولو سويتي أي حركه غبية حتلاقي حكايتك مع أمجد عند جدي على طوول"
جات تبغا تسأله كمان بس البطاقه خلصت وقطع الخط....في شي أنا ماأعرفه...
وبدوون ساابق انذار بدأت حنين تبكي...حطت السماعه في مكانها وقعدت على وحده من الطاولات في الشارع وقاعده تبكي...
حست بأحد يمسح على راسها المغطى بالحجاب...:"حنوووونه حبيبي اشبك؟؟!"
شالت اياديها من وجهها...:"ماما..!؟!"
حضنت أمها وقعدت تبكي في حضنها...
:"بسم الله عليكي...ياماما ايش فيه ياحنين؟؟"
طلعتها معاها لشقتهم....
ولمن ارتاحت وهدأت من البكا...:"هااا ياحنين؟؟؟قوليلي ايش صاار؟!!"
حنين مهي عارفه تقوول لأمها ولا لأه...ماقد مرت بموقف زي كدا...محتااره مرره...
:"ماافي شي بس حااسه بالتعب شوويه...!!"
:"حبيبي حنوونه...مو على أمك؟؟!!"
:"اوووف طيب...مااعرف كيف اقوولك..!!"
:"قوولي عادي!!"
:"ماما...والله ماأعرف كييف...!!؟"
:"طيب أنا اسألك وانتي تجااوبي؟؟!"
عملتلها حنيني براسها ايوا....:"أمجد؟؟!!"
حنين طالعت في امها مفجووعه...ماتوقعت انها تعرف بدي السرعه...
من نظرتها عرفت امها الموضوع...:"تحبيه؟؟!!"
:"مدري..."
:"كيف ماتدري...؟؟!"
:"مااما...أحس بشعوور غريب...ماأعرف هوا حب ولاإعجااب"
(والله لو أكلم أمي كدا تطلعني من البيت...خخخ... بس والله حظها حنين أمها فلله )
فاتن...:"طيب وليش بتبكي؟؟!!قلك شي؟؟!!"
:"قلي انه يحبني....بس....مهند؟؟!!"
بكيت حنين مره تانيه...:"في شي انتو مخبينو عليه...!!"
فاتن:"حنووونه...وقفي بكا خلاااص"
:"ماما اذا في شي قوليلي....!!!"
:"والله زي زيك بس ولا يهمك أنا أكلم مهند اليوم واسألوا ايش فيه...!!"
:"شكرا مااما الله يخليكي ليا..."وقامت وباستها في خدها...
:"خلاااص حنونه روحي ارتاحي في غرفتك من الصبح وانتي تلفلفي...!!"
وهيا جييه تدخل غرفتها قالت فاتن...:"ترى مافي خرجه مع أمجد مرر ثانيه لحالكم"
--------------------------------------------------------------

يتــــبــعـــ

بانتظار الردود لدا الجزء ياحلووين ,,

في اليوم الثاني....
حنين قاعده في الصاله لحالها كالعاده ابوها في العمل وامها في الجامعه...قاعده تشرب قهوه تركي وبتتفرج على مسلسل صيني...ومترجم بالانجليزي...يعني الحمدلله والشكر مهي فاهمه أي شي بس بتتفرج عياقه...
دق جرس البيت وانفتح الباب...اتوقعت حنين انه أمجد لانه كل يوم في دا الوقت يجي عندهم...
بس اللي جا كانت مامت أمجد...
وقفت حنين وسلمت عليها:"كييفك خاله حيااة؟؟!!"
:"تماام الحمدلله...كيفك انتي حنوونه؟؟!"
:"الحمدلله...اتفضلي...!!"
:"لا انتي تعالي معايا...مايصير كل يوم تقعدي لحالك في البيت"
:"لا خالتي يمكن ماما ماترضى؟؟!!"
:"مامتك محا تقول شي لمن تكوني معايا...يللا قومي ألبسي وانا استناكي"
لبست حنين بنطلوون واسع شوويه أبيض وبلوزه طويله توصل لركبتها لونها فوشي...ولفت طرحه سودا عاديه على راسها...
دخلت البيت وهيا خايفه تلاقي أمجد...
بس حمدت ربها انه أمجد عنده محااضره فحيتأخر اليوم عن الغدا...كانت رفيده قاعده ومعاها اتنين من صحباتها...
وحده أمريكيه والثانيه قطريه...أول مادخلت كانوا مشغلين أغاني اجنبيه وبيرقصوا(هادولا البنات الفاضيات ...)
بعدها بشويه طفشت حنين وخصوصا انه كلامهم امريكي فمهي فاهمه شي قامت وراحت قعدت مع ام امجد في الصاله...
على الساعه خمسة العصر قامت حياة تنام شوويه...وقعدت حنين في الصالة لحالها تتفرج على أفلام نصها مهي فاهمتها...
وهيا مندمجه مع الاكشن اللي بتتفرجه...
:"السلام عليكم"
حنين ارتبكت...:"وعليكم السلام"
:"كيف حالك حنوونه؟؟!"
:"الحمدلله...كيفك أنته أمجد؟!"
:"أنا بخير...راحة عمري وانته في قربي وقلبك سااكن قلبي يااحبيبي..."(انته الدنيا-راشد الماجد-)
(عرفنا انه صووتك حلوو...حاجتك فاضل تغني ؟؟!!)
سكتت حنين وتتوقعي ايش ردة فعلها؟؟!!....هههههههههه صح كالعاده وجهها صااير شراات الطماط...
جلس أمجد جمبها....:"حنوونه...فكرتي بالمووضوووع؟؟؟!!"
ماعرفت حنين أيش تقوول وجاات دقة التلفوون منقذه لها...:"الوووو...اووكي...باي"
:"معليش أمجد...ماما رجعت لازم أروح بيتي"
وخرجت من غير ماتسمع ولا كلمه من أمجد...في بيتها....
فاتن:"كلمت مهند!!!"
حنين:"و...؟؟!!"
فاتن:"معقووله ماحسيتي باللي يصير من وراكي؟؟!"
حنين:"يعني طلع من جد فيه شي؟؟!!"
:"ايوا....وشي كبير بعدين..!!"
:"ايش؟؟!!!"
:"بابا...يبغى يزوجك.....!!!"
:"أنااا؟!!!!مين؟؟؟ولييش؟؟!!"
:"يبغى يزوجك ولد خالك....تركي..!!!!!..."
:"تــر...كي؟؟!!!"
:"(اتنهدت)....ايواا...تركي ياحنين..!!"
:"بس أنا.....؟؟!!!...ماأحب تركي ولا ابغاااااه...!!!"
وصااارت تبكي..
--------------------------------------------------
فااتن:"بس ياحنين هادي رغية جدك....يبغاكي انتي وتركي تتزوجوا..."
:"وليييييييش؟؟؟ماقلي من أول كان ماحبيت أمجد...!!!..لييش ماقلي ليش كل شي يسير من ورا ضهري؟؟!!"
فاتن:"ترى حتى تركي مايعرف..!!"
:"كمااااااااان؟؟!!...طيب لو الولد يحب وحده تانيه؟؟!!...تقعدوا تخطبوله على كيفكم؟؟!!..."
:"حنيين روحي ارتاحي في غرفتك....ولا يوصل شي لأبووك"
:"ايووا انتو كدا ماايهمكم غير نفسكم وبس...!!!...محا اتزوج تركي يعني محا اتزوجه!!"
طبعا هادا الكلام ولأنه بالصراخ سمعه كل اللي ساكنين بنفس الدور...ومحد ساكن بنفس الدور غير أمجد واهله...وهوا ماسمع من الكلام غير....:"محا اتزوج تركي"
طبعا الطراطيع في راااس أمجد...حيزووجوووا حنيين...!!!
أمجد أكتئب ودخل غرفته وحط راسه في المخده...والبكااااء...
عمره في حياته ماحب أحد...ولمن جاا يحب يبغوا يزوجوا حبيبتو...
أسبوعين ماشاف أمجد حنين ولاشافته فيها...بكره رحلتها للسعوديه لانه بدأت اجازة الصيف...لازم توصله الرساله بأي طريقه...قالت بسم الله...وأرسلتله مسج على جواله....(حبيبي أطلع برى حطيتلك شي عند الباب.......)
اترددت تسعمية مره قبل ماترسل المسج...خصووصا كلمة حبيبي...بس لازم يعرف انه حتى هيا تحبه..
أمجد وقتها كان مسدوح عالسرير بيستعد للنووم...في هادي الأسبوعين نزل 4 كيلوو وعينه صارت تخووف كلها سوواد من تحت وصله المسج من حنين طالع في الجوال مين اللي ارسل..؟؟!!....فجأة نقز من السرير....(حبيييييبيتي؟؟!!!!)
قرأ المسج وطوالي طلع برى البيت لقى عند الباب ظرف أحمر وجورية حمرا...أخدها وفتح الظرف حتى قبل ما يدخل غرفته...
....(حبيبي....دحيين أنا أقولها وأنا متأكده اني أحبك....مو بس أحبك..لأ أمووووووت فييك....بس أنا وانته ربي ماقدر يجمعنا مع بعض... جدي يبغى يزوجني ولد خالي تركي...تخيل؟؟!!لا انا ولا هوا نعرف...وأنا متأكده انه تركي يعتبرني زي اخته لاأكتر ولاأقلأ... بكره احنا مسافرين جده ويمكن أنا ماأرجع أبدا ويمكن ماانكتبلنا اننا نقابل بعض أبدا... أمجد حبيبي ابغاك تحتفظ بهادي الرساله...وماتنساني أبدا...أرسلتها وأنا مني متأكده انك تحبني من جد ولا لأ بس اللي اعرفه انه أنا أحبـــك)....أمجد طبق الرساله...وقعد يبكي...تشكي بحبي ياااحنين؟؟؟!!!وانتي كل عمري...!!!...أمجد كان يعرف انه حنين تحبه كل شي كان مفضووح بااين أنها تحبه...حتى أنه هوا عرف انها تحبه قبل ماهي تدري انها تحبه...
أكثر شي خلاه يكتئب انه بكره موعد سفرهم...مايمديه يعمل شي...وبعدين حتى لو فيه وقت ايش راايح يعمل...جدها هوا اللي قرر يزوجها...ايش حيسوي...؟؟!!!
-----------------------------------------------------------
في جده...وفي المطار كان فارس بيستنى أخته واهلها...
وكان معاه مهند...سأل مهند فارس...:"فارس...هوا ليش عمي طلال كان يبغى حنين معاه في امريكا؟؟!!"
فارس (اتنهد)...:"لانه طلال مريض...!!!...ويبغى يقعد مع بنته أطولوقت ممكن!!"
:"مريض؟؟!!....بأيش؟؟!!...وحنين ماجابتلي سيره..!!
:"حنوونه ماتدري!!"
:"ماتعرف؟؟!!"
:"تعرف انه مريض بس ماتدري لييه..!!!"
:"اهااا...وبأيش هوا مريض؟؟!!"
:"مدري مرض أسمه غريب...مايمووت لو انه تعالج بسرعه بس فترة العلاج تطوول...وفترة ماكان هوا يتعالج كانت حنين عنده بس على بالها انه يروح الشغل وهوا طول وقته في المستشفى...!!!"
:"ودحين خلص علاجه؟؟!!"
:"تقريبا...عنده فترة نقاهه اسبوعين!!"
مهند فجأه صرخ وأشر على حنين:"فروووووس أهي عمتي فااتن وحنووون"
حنين جاات جري وطارت لحضن فارس...وبعد السلام والالخ....
مهند ملاحظ انه حنين مو بس مطنشته...الطناااش...وصلوا على بيت جدتها لأبوها...وكان فيه عمها وعمتها...فارس ومهند وصلوهم وضفوا وجههم...خ خ خ كانت حنين طوول الوقت معصبه وزعلانه بعد شويه بترووح بيت جدها وبتشووف خالها وتركي...خلاااص...أول ماعرفت انهم بيزوجوها بيه صاارت مهي طاايقه الرجاال...خصوصا وهيا متأكده أنه يحب ووحده...
تقولولي ليش متأكده...؟؟!!
نرجع قبل ستنين بس أياميها كانت حنين بتالته متوسط....كانت قاعده تلعب اسكيت في الحوش وشافت تركي قاعد على النافوره وبيكلم جوال...وكلامه كل حب وشووق وغزل سألته بعد مارخا السماعه ببراءه...:"تركي...!!مين هادي؟؟!!" قال تركي بنبرة حالميه جدا:"هادي قلبي وحبي وحيااتي"
ومن هاداك اليوم وهي تعرف انه تركي يحب وحده...وقبل ماتسافر بأسبووع سألته:"تروووك!!!كيف حال الحبيبه؟؟!!"
:"الحبيبه بخير وسلامة تسلم عليكي..."
:"تروووك محا تقولي مين هيا؟؟!!"
:"ان شالله بعد 1500سنة"
مدت لسانها:"مااالت عليك"
كييييييييييف تتزوج واااحد يحب وحده غيرها ووهيا تحب واحد غيرووووووه...
طلعت حنين غرفة جيهان وحنان عشان تنام (جدتها وعمها يعيشوا مع بعض في نفس البيت)...
وماصحيت الا اليووم الثاااني من التعب حق السفر اللي تحس فييهتركي ابتسم:"مدام محا يسير شي ليش بتبكي؟!!"
:"لانك أهبل...ولأني أهبل منك....تركي أنا أحببك!!"
:"والله حتى أنا أمووت ف... الأسبووع الأول...عرف تركي بالشي اللي يخططوه الأهل..
عصب مرره...ورفض رفضا قاطعا انه حنين تكوون هياا زوجته... قال لأمه...:"مستحيييييييل أنا أخد هادي الدلووعه الهبله"
:"تركي...استهدي بالله!!...حنين شيخة الحريم وكتير يتمناها"
:"خلااااص ياخدها واحد من اللي يتمنوها...أما انكم تقرروا عني وتزوجوني اللي تبغوووه...لأ..ومليوون لأ...!!..هادي حيااتي...أنتو اتزوجتوا وخلفتوا وعشتوا حياتكم...خلوا غيركم يعيش حياااتوا...حنين مني متزوجها...اقعد أعزب ولااتزوجها...هادي أختي...سمعتي بواحد يتزوج اخته؟؟!!"
وطلع تركي غرفته معصب وقعد يبكي...دقت عليه الحبيبه المجهوله...( اتعرف عليها من الجامعه لانه درس معاها في كلية الطب وبعدين وقف دراسه ودخل هندسه وهيا برضه طفشت وخرجت من الطب ودخلت علوم طبية)
:"تركي؟؟!!انته بتبكي؟؟"
:"ايش اسووي يارنا؟؟!!يبغووا يزوجوني حنين!!"
:"خييير تركي؟؟؟وليش البكا؟!!تقدر تقوول ماابغى!!"
:"لا مااقدر هادا جدي اللي قرر وانتي ماتعرفي جدي!!.."
:"حبيبي عمره الرجال ماينغصب على شي!!"
:"والله ماأعرف ياارنا...أحس نفسي تااايه"
:"أدعي ربك...وشد حيلك...وحاول مع اهلك....مع اني حااسه انه محا يسير ولاشي"
ييكي"
-------------------------------------------------------------------
حنين كانت قاعدة فبيت جدها وكان عندهم خالهم فهد .. حنين وتركي صايرين يعاملوا بعض معاملة زفت!
يتصيدوا لبعض أخطاءهم وبس يضاربوا .. وكل واحد يفكر التاني سبب تعاسته ..
تركي من أول مايقعد مع حنين اللين يقوم وهوا نقره من نقرها ..
تركي :" حنين الله لايهينك ممكن تعطيني الطفاية؟؟"
الطفاية اللي كان يبغاها تركي كانت في الطاولة اللي قدامه وهوا اقرب منها لحنين ..
حنين :"الطفاية جنبك خدها "
مامتها طالعت فيها بنظرة نارية..
:"اوووووووف "
وقامت تعطيه الطفاية .. وبس جييه تاخدها قام هوا بسرعة واخدها قبل ماتمسكها ..:"مشكورة مستغنية عن خدماتك "
حنين قعدت مكانها وهيا مقهورة منو مرة وامها طول الوقت ترسلها أنواااااااع النظرات ,,

على طاولة الاكل ..
تركي :" حنين لو سمحتي ممكن تجيبيلي من المطبخ موية؟"
حنين:"المويه قدامك "
:"لا هادي باردة .. ابغاكي تجيبيلي موية حارة"
"طيب روح نادي وحدة من الشغالات تجيبلك "
فاتن :" حنين! روحي جيبي مويه "

حنين عينها دمعت بس مسكت نفسها لاتنزل الدمعة .. وطالعت في تركي بحقد .. وقالت بصوت هادي :" الحمدلله"( كناية عن الشبع ) وخصرت أمها وكل اللي قاعدين على السفرة وطلعت برا الحوش .. وقعدت تبكي وتفتكر أمجد .. كداااااااب لو كان يحبني كان جا وخطبني .. ماكان خلاهم يزوجوني تركي .. حست بأحد فوق راسها .. طالعت ..
فارس كان واقف هيا أول ماشافته زاد بكاها ورمت نفسها في حضنه ..
فارس :" حنونة ؟؟!!!"
:"خالي ماابغاااا اتزوج تركي .. ماااابغاااااه "
:" ومين قلك اننا حنغصبك على شي ماتبغيه ؟"
:"فروووس جدي كل شي يبغاه على كيفه .. وماما ماتقدر تقوله شي!"
فارس قرب منها زيادة :" وابوكي ؟ يعرف انك مغصوبة؟"
:"وايش حتفرق ؟ طالما جدي هوا اللي قرر ؟"
:" تفرق ياعمري!! ابوكي لو عرف محا يخلي شي من دا يسير "
:"تهقى!!" ( مااقدر أعدي قصة من غير ماادخل فيها كلمة كويتية!"
:"ايه يابعد جبدي " ( خخخخـ اخدوا على الوضع )
حنين مسحت دموعها وابتسمت في وجه فارس .. وبدون مقدمات ( اموووه ) في خده : فدييييييتك ياخااالي "

الساعة 3 الليل تركي كان قاعد يتفرج مسلسل مصري ويستنى كول مي من رنا ..
بس بصراحة .. ابداً باله مو مع المسلسل مقهوووور من سالفته وسالفة بنت عمته .. حنين طول عمرها زي اخته .. والاتنين يحبوا بعض زي الاخوان .. كانوا قريبين من بعض هما التلاته .. تركي ومهند وحنين .. وأحياناً معاهم فارس ..
هادي الحكاية خلت حنين تبعد عنهم ؟؟ ماصارت تتكلم ولاتنكت ولاتضحك زي أول ..
تركي مايعرف ازا حنين وافقت على الموضوع ولا لأ .. بس اليوم عرف .. سمعها وهيا تكلم فارس ..
ارتاح بعض الشئ .. لانو لو فركش الحكاية .. حنين مارح تزعل أو تنجرح أو تتألم ,,
ع الساعه 3 ونص ..
( ياسلامي عليكم يالسعودية .. ياديار الشيم .. الخ .. ( دقة المسج خخخخخخـ الأخ عنده وطنية )
فتح تركي المسج .. أخيراً كووول مي من حبيبة القلب..
دق عليها ومن اول رنة ردت .. وحدييييييث يطوووووووووول شرحه ..

خلوا العشاق لحالهم ..

خلصت الاجازة وحنين وأهلها يبغوا يرجعوا امريكا .. الجد مافتح موضوع الخطوبة .. عشان كدا كلهم سكتوا ولافتحوا الموضوع تاني .. أم وابو تركي كانوا مشجعين السالفة بقوووة كاهم يحبون حنين ويتمنوها لأولادهم .. وعلى غفلة وفي اخر يوم .. وفي بيت جدة حنين أم بابتها..
كانوا قاعدين يتكلموا ويضحكوا وراميين الهموووم خلف ظهورهم ..
محمد وعنان (محمدولد عمها .. وعنان ولد عمتها) لاحظوا انو عبد الله (اخو محمد) شووية متنح..
محمد(وهو شخص مؤذي بطريقة غير طبيعية .. يعني يحب يفشششششل):"عبوووود فين وصلت؟؟!!"
عنان(وهذا الاخر يسلك نفس منهج السابق*محمد* ويحاكيه في تصرفاته التي تجلب النزلات المعوية):"هههههه اكيييييييد في الحبيبة!!!" **صحب كلماته بغمزة من عيناه الداكنتان**(اعجبكم وانا اتكلم بالفصحى)..
عبد الله:"الله يستر علينا وعليكم حبيبة مييين؟؟!!"
محمد(اكثر واحد فاهم لاخوه) قال وهوا يمطمط في كلامه:"حبيييبة مييين ؟!! ولك عييين تسأل؟!!"
حنين لاحظت انهم بيلمحوا على حاجة ..:"حمااادة يعني عبوود يحب؟!!"
محمد:"جيييتي وجاابك الله ..!!! روحيي شووفيه محد يعرفله غيرك!!"
حنين استغربت.. من متى انشالله..جييه تبغى تسأل الا عبد الله شكلو عصب وقام بسرعة:"انا خااارج مع الشباب"
وهوا طلع من هنا.. ومحمد وعنان كركر من هنا..
محمد وعنان:"هههههههههههههههههههههههههههههههههه"
حنان:"ياباااااسط"(حنان بنت العمة –اخت عنان-)
عماد(اخو محمد وعبد الله) كان بيلعب بلاي ستيشن فمرررة مو مركز معاهم:"خيييير ؟؟!! لييش تضحكوا؟؟!!"
محمد:"لا خلييك .. خليييك... العب بلاي ستيشن"
جيهان(توأم حنان):"حنين تعالي شوية!!"
حنين:"ايش؟؟!!"
جيهان وقفت:"بسرررعة من غير اسئلة!!"
راحت حنين وراها..:ايش فيه؟!"
جيهان وقفت في السيب ووقفتها معاها(لاااا ياااشيخة؟؟) .. :"حنين تعرفي انو عبد الله يحيك؟!!"
حنين عبال توصل المعلومة لمخها تحتاج فترة ..:"هااا؟؟!! "
:"هواا.. اقول ترى عبد الله يحبك !!"
:"لابالله..!! انتو ماشيين حب ومحبووب طول الوقت؟!"
:"اقلك ترا مااحب اللي يتفلسف كتيير ....انا متأكدة انه عبد الله يحبك ..حتى كلم ابووكي امس "
:"كلمو؟؟!! ايش قلو؟؟!!"
:"لمن الواحد يحب وحدة ويروح يكلم ابوها ..بالله ايش حيقلو؟؟!!"
:"جيييييجييييي.. لا تخوفيني..!!"
:"بس شكلو ابوكي ما رضي لانو عبد الله مو على بعضو اليوم"
:"اقوووول جيهااان بعدي عني"
جيهان مسكتها من يدها:"فيين رااايحة؟!!..أول جاوبي انتي تحبي عبوود ولالأ؟؟!!"
:"جييجيي ..ياقلبي..عباادي زيو زي حماده زي عنوون..وعمااد..كلهم اخواني وكلهم احبهم..ولمعلوماتك انا مااعترف بحب وسط العائلة ودي الخرابيط.."
ومشيت وخلت جيها واقفة لحالها وسط السيب..
***الساعة10 ونص بالليل.. فاضل على رحلتهم ساعتين..قاعدين يستمتعوا بهادي الساعتين وسط اهلهم قبل مايسافروا..كلهم موجوديم ماعادا عبد الله مختفي من البيت..حنين حست انها عطشانة راحت تشرب موية..في المطبخ كان عبد الله قاعد وحاطط مشغل الام بي ثري في اذنه اول مادخلت اربتك واختبص..
حنين ابتسمت.."ليش قاعد هنا لحالك؟؟!!..تعال اقعد معانا"

عبد الله قال بصوت هادئ (معروف عنه الهدوء بس لمن يبغى يصير مرجوج يصير وبقوة بعد):"ليش القعدة بيا ولا بدوني ماتفرق"
حنين:"كييف ماتفرق؟؟!!..عبااادي انتا اهم واحد بين الاولاد..تدري انك اكتر انسان فللة شفتو بحياتي؟؟!"
عبد الله ابتسم بهدوء**بيني وبينكم احيانا الهدوء يفرس**:"مشكوووورة بنت عمي... بس فللله؟؟!!"
حنين حمرت:"مدري... اقووول عبد الله امشي اقعد معانا" وراحت جرته من يدو..وهوا قعد يضحك بصوت عالي ..عند باب الصالة وقبل مايدخلوا مسكها عبد الله من يدها..:"دقيقة حنيين!!"
:"ايش؟!!"
عبد الله سيب يدها ومهو عارف ايش يقووول..:"حنين..!!انا..ابغاكي تعرفي شي..انا حاسس انه بدأت مشاعري تتغير من ناحيتك.."
حنين عرفت ايش يبغى يقووول:"عبد الله لووسمحت..!!..انا اعرف ايش تبغى تقول..بس لوسمحت ماابغى اسمعه..عبد الله انا اسفة بس..أنا مني من نصيبك(وبدأت تبكي) ..تركي ولد خالي هوا الي جدي يبغاه ليا ..وانا ماابغاه اصلا ..أنا اساسا ماابغى اتزوج من جوا العيلة ..عبد الله انا تحبك كأخ وولد عم وطوول عمري احبك انت اكثر شي من الاولاد..بس انته زي اخويا.. بالله قلي..!!؟؟كيف اتزوج اخويا؟؟!!"
عبد الله كانت حتخونو دمعة وتنزل ..بس لحق عليها وابتسم ...:"حنووون لا تبكي.."
مد يده ومسح دمعتها ..حنين حست بالشوق لأمجد.. أمجد اول حب سكن قلبها.. وهيا حاسة انه حيكون الحب الوحيد..
عبد الله اطوول من حنين بكثيييييير ..نزل لمستواها:" حنين خلاااص ماراح افتح الموضوع مررة تانية ..انا قدامي الفرص كثيرة لاني ولد ..بس انتي بنت قدامك فرصة وحدة تثبتي نفسك..خليكي براحتك.. ماراح ازعل وحاتمنالك كل خير بحياتك...." مسك يدهاا وبااسهاا....(يقطع ابو الرومنسية الي احنا فيها..فيننا وفينهم)..
(احلى شي بعبد الله انه كبير وعاقل ويفهم.. ومن الرجال الي صعب الحب يتغلب عليهم ..عساك القووة دووم عبوود..)
رفع يده مرة ثانية ومسح اخر الدمووع اللي متعلقة بعيونها ..:"عباادي ممكن ... تحضني؟؟!!"
عبد الله طالع فيها مفجووع ....خييير انشالله؟؟!! ...:"بليييز عبااادي"
عبد الله وقف...:"حنيين ...بعقلك؟؟!!"
حنين كانت حاطة يدها على وجهها ...في هاذي اللحظة شالت يدها .. وضحكت ضحكة خفيفة (ابووو الرقة):"هههههه كنت اختبرك... والله لو سوووويتها ......."
عبد الله:"هههههههههههههه الله يرجك حنووون"
دخلت حنين عند اهلها وعبد الله لحقها .. بعد هرج وضحك ..طالع طلال في الساعة:"يلا لازم نمشي!!"
والسلام والبكا والاحضان.... طلعت حنين وامها وابوها بسيارة فارس اللي جا ياخدهم .. واول مامشيو من هنا ...طلع عبد الله غرفته... وقعد على سريره ويفكر بالبنت اللي شغلت باله 4 سنوات ... من 4 سنوات وهوا يتمناها لنفسه ... ضاعت عليه اليووم انسدح على السرير واتغطى باللحاف ... وقال لو عقلو...:"نااام وبكرره يووووم جديييد"

يتبــعــ .. في امريكا..
لهم اسبوعين من يوم ماوصلوا ... أمجد واهله ماكانوا فيه ... راحوا يتمشوا في ربووع امريكا ...هههههه..
اليوم بس بيوصلوا فاتن وطلال بيستعدوا لاستقبالهم ... عملولهم عشا محترم .. حنين كانت متوتره... ومرررة معصبة من امجد.. دحين هيا شاكة بحبه بقووه..لو كان يحبها كان لحقها السعودية وخطبها ... لكن لأ... الواضح انه بيلعب...

اول لقاء بعد الاجازة...
بعد السلام السؤال عن المحال والأحوال ... الكل طبيعي ماعادا أمجد وحنين هادولا الاتنين مااتكلموا مع بعض أبداً وكأنهم مايعرفوا بعض ..
بطبيعة الحال أخت أمجد ماجات مع اهلها لانه لها مجتمعها وصحباتها ..
الحريم بيتكلموا مع بعض والرجال مع بعض .. وأمجد وحنين قاعدين زي بوز الاخص .. طلال مايعرف انو امجد يحب حنين
فسوا حركة خلت فاتن تنتفض من مكانها بس ماقدرت تقوول شي عشان لايبهدلها زوجها لو عرف انها تعرف حاجه وماتقله فسكتت ..
طلال :" أمجد خد حنين وروحوا اشترولنا كيك أو أي حاجه نحلي فيها "
ماحد فيهم اعترض لانو كانوا بيستنوا دي اللحظة عشان يتكلموا .. ونرجع لسيارة أمجد ..
الاتنين ساكتين وماحد فيهم اتكلم .. لمدة ربع ساعه ( من الجيد انه اقرب محل لبيع الحلويات يبعد عن منزلهم ساعة الا ثلث )أمجد اترفع ضغطو من الهدوء :" كيفك حنين ؟"
: "الحمدلله "
:"كيف حال أهلك ؟"
:"الحمدلله "
:"السعودية ؟؟"
:"الحمدلله "
:"هههههههههههههه اشبك علقتي ؟؟!!.....(سكوووت ) ....وبصوت شديد الهدؤ والتوتر! :" كيف حال خطيبك؟"
حنين طالعت في أمجد بصدمة :" خطيبي ؟؟!!"
:"انتي مو قلتي انك انخطبتي ؟؟!"
:"أنا قلت يمكن انخطب .. بس ماأنخطبت "
:"وليش ماقلتيلي عشان اجي اخطبك ؟"
سكتت حنين .. عشان ترفع ضغطه ,,,

:"حنييين .. ليش ماقلتيلي ؟؟!"
:"ههههههه حلوة دي,, محلايا أجي اقلك تعال اخطبني !!!"
:"موقصدي كدا بس ....!"
:"أمجد .. مالك عذر .. وبعدين انته لو كنت تحبني ماكان سيبت أحد يخطبني ..وكان من غير مااحد يقلك جيت وخطبتني " ( خبطتني لوووول ) ..
وبدأت عينها تدمع !
وقف أمجد عند محل الحلويات .. :" حنين ! لاتبكي حبيبي ! اتعب لمن اشوف دموعك! "
حنين :" أمجد انزل اشتري كيك " *** الناس في الناس والعنز .... ***
أمجد :" لحالي ؟؟!!"
:"أمجد أنزززززززل "
نزل أمجد واشترى أول كيكة شافها وركب السيارة :" حنوون هديتي ؟!"
حنين انفرطت أول مانزل فلمن رجع قيد عينها نشفت لووول .. :" ايوا خلاص "
:"ممكن نتفاهم ؟"
:"مافي حاجة نتفاهم فيها اللي بيننا انتهى قبل مايبدأ "
:"حنييين لاتخليني أخرج من طووري !!"
حنين بتحدي :" لاااايااااااشييخ!! وايش حتسوي لو خرجت من طورك ؟!"
:"حنييييين !!؟؟"
حنين ماردت عليه .. البنت مو متعوده أحد يصرخ عليها ..أمجد لمن شاف انو مافي أمل حرك السيارة .. وبدأ طريق العودة .. في وسط السكون ..لاينبس أحدهم ببنت شفه ..
أمجد عزت عليه كرامتو .. حتى لو كانت حبيبته .. خليها هيا اللي جابتو لنفسها .. ( مشكلة لمن حمير يحبوا بعض!! ) ..
حنين واااااصله حدها .. يقهررررررررررررر ..
وصلو البيت .. طلعت حنين على غرفتها وأمجد وصل الكيكه وراح لبيته .. فتح محفظته وخرج منها ورقه متعود كل يوم انه يطلعها ويقرأها ويبكي عليها .. ليييييييييييييه يااحنييييييييين ؟؟ ( الورقة = الرسالة اللي حنين ادتو هيا )
أما عن حنين حطت راسها وسط المخدة والــ بكـــاء ..
وكدا مرت سنة .. سنة كاملة من حياة حمار وحمارة .. مااتقابلوا فيها كتير .. ولمن يتقابلوا إما يطنشوا بعض أو يقعدوا يضاربوا .. وكل واحد يحط حرتو في التاني .. وأول مايتخفي عن الانظار يقعد في غرفتو يعيط !

بعد فترة ! وفي السعودية ! ..
حنين قاعده بين أمها وأبوها وهما يسألوها عن رأيها في تركي ..
:" يعني بالله رأيي هوا المهم دحيين ؟!"
طلال :" حنونه هادي حياتك !! لازم تختاري الشي اللي انتي ترتاحي فيه "
:"ابووييه ! أنا ارتاح مع أحد تاني غير تركي .. أنا ماابا تركي "
فاتن :" واييش فيه تركي ؟ عشرين يتمنوه !"
حنين :" خلاص تاخده وحده من العشرين أنا ماااااابغاااااه! .. وبعدين انتي تهتمي لولد أخوكي أكتر من بنتك ؟!"
فاتن :" حنييين !!!!؟؟؟؟"
:"ايييوا قوليييها .. تركي أهم شي عندك .. وأنا مو مهم .. كل شي تركي وتركي .. وحنيين موتي أنحرقي "
طلال عصب عليها اشبها تزعق على امها :" حنيييييييييييين ؟؟!!!! عيب أمك "
حنين مرة عصبت! واضايقت وسارت تبكي وخرجت من الغرفة بسرعه :" ماااااابغا تركي لو زوجتوني هوا رح انتحر! "
راحت الصالة القزاز اللي على الحوش ماكان فيها أحد قعدت على طاولة الاكل وحطت راسها عليها وبتبكي ..
حست بأحد بيمسح شعرها :" حنييين ؟!"
حنين رفعت راسها شافت فارس ونظرتو الحنونة اللي تموووت عليها كان قاعد في الكرسي اللي جنبها .. على طوول غرق راسها في حضنو وكملت بكا ..
فارس :" نونة !! حبيبي ارفعي راسك ..!"
لاحياة لمن تنادي !!!
رفع فارس راسها بنفسو .. :" يع!! شكلك مرة معفن وانتي تبكي !"
حنين ضحكت وضربتو على صدرو :" ماتستحي !"
فارس :" هههههههههه .. والله من جد! "
........................ صمت .....
فارس :" حنييين !! كل دا عشان ماتبغي تركي ؟!"
حنين رجعت بكيت تاني ..
فارس :" لأ لأ لأ .. لانريد بكاءً ,, قوليلي يابنتي كل دا عشان تركي ؟!"
حنين عملت براسها ايوا ..
فارس :" خلاص يختي ! .. ماحدغاصبك ! انتي ماتفهمي ؟؟!! مو أنا قايلك دا الكلام من أول ؟!"
:ايوا بس ....!! "
:"لابس ولا هر ..!!..المهم غسلي وجهك بسرعة وتعاليلي عندي ليكي مفاجأة !"
غسلت وجهها ورجعت !
فارس:" مو أنا قلت بسرعة ؟؟..يللا خلاص مافي مغاجأة "
حنين :" خالوووو بلا غلااااسة! "
" ههههه طيب طيب .. يللا ابغا اوريكي شي ..ومرة حتفرحي وتشكريني وتديني بوسة كمان "
:"طيييب اااايييش ؟؟ خلصني !"
:"يمه .. طيب لاتعصبي .. تعالي ورايا "
مااتحركوا كتير بس قربها من الباب القزاز حق الغرفة .. وقلها :" شوفي مين قاعد على الطاولة !"
حنين فجأة اتوقفت الدنيا كلها حولينها ..
وماتشوف أحد غير الشخص اللي قاعد قدامها ا..
وبدون سابق انذار دمعت ..وبصوووت وااااااااطي :" حبيبي !!"
فارس سمعها بس باستهبال :" هااااا ؟؟!! ايش قلتي "
حنين وشها حمَر :"لا ولاشي !,, خالو .. كيف عرفت ؟!"
فارس:" مهند قلي .. وبعدين تراه هوا اللي جاني وكلمني "
كان أمجد اللي قاعد في الحوش سرحااااان وبيطااالع في موية المسبح ! وشكلو مو بس يحزن إلا الـــ حزن !
كان باين انه شخص فاقد الأمل في الحياة ..
فارس :"حنيين ؟! ترا أمجد مايستاهل اللي بتسويه فيه ! "
حنين :" أنا عارفة بس ..."
فارس :" بس بس .. ترا اليوم بسبستي كتيييير ..حنين صدقيني أمجد يحبك .. وحتى ابوكي لاحظ .. بس ساكت .. يبغاكي انتي ترفضي تركي لوحدك .. والمفروض ترجعي تتأسفي من أمجد !..غلطانة في حقوو كتير .. حنين الحب تفاهم وتضحية .. ولانتي فهمتيه ولاهوا فهمك .. بس المفروض ماتخلوا الكرامة اللي انتوا ماادري كيف فهمتوها تبعدكم عن بعض ! حنين أمجد هوا آسف على شي ماسواه .. وبيستنى رضاكي عليه!
حنين خلاص ماهي قادرة ونزلت دموعها اللي قدرت تحبسها لمدة دقيقتين .. :" وكيف ارحلو واقلوا أناآسفة !؟"
فارس طالع فيها بنص عين :" لاوواللله!! تبغي تروحيلو كمان .. اقووول ترا مرررة عطيناكي وجه ! خلاص قولي انك آسفة وانا اروح اقولو وانتهينا "
حنين ضحكت وقالت :" طيب أنا آسفة !"
فارس ابتسم وباسها في جبهتها :" الله يوفقك حبيبتي "
وفتح الباب القزاز وطلع لأمجد وهيا قاعده تتفرج وطول الوقت تتفداه في قلبها ..
أول ماشاف أمجد فارس خارج وقف على طول :" ايش صار ؟؟!!"
فارس ابتسم :" صبرك ياأخي اشبك قلبك مخفة ؟!!"
أمجد ابتسم ونزل راسو وبصووت كسير :" من اللي سوتو فيا الآدمية ! تعبت قلبي .. فارس شكلك ماجربت تحب قبل كدا ؟!"
فارس :" الله لايكتب عليا ازا كان الحب كدا ههههههههههه "
أمجد :" فارس طمني الله يوفقك ! .. ايش قالت ؟!"
فارس :" أطمن ياااارااااقل .. مافي إلا كل خير .. في النهاية كل الحمير طيبين هههههههههه "
أمجد :" فارس ترا انا محترمك لانك خال حنين ولا ترا كنت من جد حأطيحك في المسبح هااا .. حرام عليك حنين حمارة ؟"
فارس :" ههههههههههههههههههههههه والله مين اللي حكيتني هوا مو بس حمارة .. كمان بقرة .. وانت التيس ههههههه والله مو سبب دا اللي اتقاطعتو عليه .."
أمجد :" الله المستعان .. خلاص بكرة اجيب ابويا وامي ونخطب بنتكم خليها تستعد !"
فارس :" بسم الله!!! مررررة مستعجل ..؟؟!"
أمجد:"فارس لاتخليني أدعي انك تتزوج وحده بلشه ماتنام قبل ماتحط نارجين في شعرها "
فارس :" هههههههههههههههههههههههههههههههههههههه الله يرجك ,, لاخلاص حبيبي نحن آسفووون "
امجد ابتسم :" اوكي فارس.. أنا استئزن "
فارس :" الله يحيك في كل وقت .."
سلم عليه وطلع أمجد ..
جوا البيت ..
وحنين قاعده تتفرج عليهم وهما يتكلموا ..
دخل تركي عليها :" حنين بتتفرجي على ايه ؟"
حنين وقتها مو بس اترعبت .. خلااااااص طاح قلبها .. مرة خافت ..
بس فارس انقذها من الموقف .. ودخل الصالة ..
فارس:" تركي ؟؟.."
تركي :" فارس مين دا الرجال ؟؟!"
فارس ابتسم وقال لتركي ببرود :" زوج أختك "
تركي :" اختي ميين ؟؟ أخواتي كلهم بزورة !"
فارس :" اختك حنين يامسقط!! "
حنين خافت من ردة الفعل .. بس تركي .. بان مو وجهو الانشكاااااااح .. أخييييييييييرااااا افتكيت ( مدري مين افتك من مين! )
تركي :" والله ؟؟؟ مبروووووووووووووك حنووونة .. والله فرحتلك "
حنين ابتسمت :" الله يبارك فيك "
في دي اللحظة دق جوال تركي وبس شاف اسم المتصل ازدادت الابتسامة ..:"عن ازنكم صاحبي !"
فارس :" صااحبك هاااا ؟؟؟ طيب طيب اقطع يدي لو ماكانت المدام !!"
حنين هنا فلتت ضحك !!
تركي :" ههههههههه طيب يللا عن ازنكم .."
وفتح الباب وطلع الحوش ..
كل دا الكلام من أول مادخل فارس واتكلم هوا وحنين وتركي .. كانت فاتن وطلال بيسمعوا ..
....
طال أخد فاتن وراحوا على غرفة الجد وقالوله انو حينن رافضة تركي وانو في شخص تاني متقدملها ..
وطبعاً الجد ماعندو أي إعتراض على سعادة أغلى حفيدة ... حنـــين !!

تمت ..

يلا لاتبخلو بردودكم الحلوة

تحياتي

gold · January 28th, 2008, 02:41 PM

مراحب

قصة فعلاً روعة

بس طويلة روحت عيوني..

تسلم الايادي

واجمل مساء اتمناه لكِ

*روعة* · January 28th, 2008, 05:37 PM

يسلمووو عالقصه الرااائعه

بس لو الخط اكبر من كذا

نزف المعآلي · January 29th, 2008, 08:54 PM

sweetgril

قصة حلوة حيل

لكن عيوني اللع يعينهااااااااااااا

يسلموعلى القصة
دمتي بخير

sweetgril · January 29th, 2008, 08:56 PM

مشكورين على المرور وانتوا الاحلى
تحياتي

January 28th, 2008, 02:41 PM	رقم المشاركة : 2
gold -\|\|[ عضو الهيئة الإدارية ]\|\|- الملف الشخصي الحالة	رد: قصة مرررررة رووعة مراحب قصة فعلاً روعة بس طويلة روحت عيوني.. تسلم الايادي واجمل مساء اتمناه لكِ

January 29th, 2008, 08:54 PM	رقم المشاركة : 4
نزف المعآلي طفلة المشاعر ( أميرة الليل) مشرفة منتدى الفرفشه والصرقعه الملف الشخصي الحالة	رد: قصة مرررررة رووعة sweetgril قصة حلوة حيل لكن عيوني اللع يعينهااااااااااااا يسلموعلى القصة دمتي بخير

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
جلسات للحديقة رووعة .. }	لنوشه	منتدى الأثاث والديكور والإكسسوارات والأواني المنزلية	3	October 6th, 2008 09:53 AM
اباجووورات لغرف نوووم الاطفاااااال ذووووووق مرررررة لا تفوتكم بنااات .....	رسيل	منتدى الأثاث والديكور والإكسسوارات والأواني المنزلية	3	July 2nd, 2003 11:49 AM