ما مصير حبي؟؟.........من تأليفي.......أبي رايكم...

القلب المتعذب · July 15th, 2005, 04:49 PM

[align=center]هلا باللي دخلوا هالقصة..
هذي القصة من تأليفي انشاالله تعجبكم أبي تشجييع منكم ورد عليها بنزل الفصل الأول بالجزئين وإهي بعنوان (ما مصير حبي؟) وأنا حاطة أقواس على الأسامي (.....) عشان تعرفون تقرون عدل وإذا حسيت أنكم معاي حنزل الباقي وإذا ماحد رد أو ماعجبتكم بانسحب وأقول لكم من ألحين كل أسبوع إنشاء لله بنزل فصل بالجزئين وإذا حسيت بتفاعلكم معاي بنزل لكم فصلين..والشكر الجزيـــــــــــــــــــل...أخليكم..

(البداية)
(تعريف بالعائلات)

عائلة (بو عماد...إبراهيم صالح السعدي) :
(بو عماد) (إبراهيم) : رجل أعمال كبير وماشاالله عنده خير كثير عمره 48 سنة حبوب،ودود، عصبي شوي كوّن شراكة في إحدى شركاته مع (بو عبدالله) وصاروا ربع و إخوان..

(أم عماد) (زكية) : مره بسيطة ماتحب الخرابيط والأشياء اللي ماليها معنى لكن طيبة كثير عمرها 45 سنة متآلفة مع مرت أعز ربع زوجها (أم عبدالله)..

(عماد) : الولد الكبير عمره 30 سنة متزوج من بنت خالته (زهره) وعايش معاها مبسوط عنده (نرجس) 11 سنة و التوأم (إبراهيم و عمَّار) 8 سنين يحب الانفراد بس واااايد حنون على زوجته وإخوانه ويشتغل في شركة من شركات أبوه وعايش مع أمه وأبوه في البيت..

(كمال) : الولد الثاني عمره 27 سنة للحين مو متزوج أهله يحنون عليه بس اهو يقول متى مايبي بيكلمهم وسيم،طيب كثير طالع على أمه يشتغل مع أخوه (عماد)..

(فاتن) : عمرها 19سنة وبتدخل في جامعة الطب وايد خجولة وتزعل على أقل كلمة أعز رفيجاتها (إيمان) ماتخبي عنها شي وهي تبادلها الشعور وعايشه حياة حلوة وإخوانها مايقصروا في تدلعيها عيل شنو نقول عن أمها وأبوها..

عائلة (بو عبدالله...منصور سمير المنصوري) :
(بو عبدالله) (منصور) : بعد رجل أعمال كبير عمره 49 سنة وهو ويَّا (بو عماد) إخوان وربع متوافقين والحمد لله ما أحد يرضى بالغلط على الثاني..

(أم عبدالله) (عايشة) : مره تحب الخير بس كلمتها اهي لازم تمشي على الكل إلا (بو عبد الله) طبعاً عمرها 44 سنة عطوفة كثير على عيالها..

(عبدالله) : أكبر إخوانه طيب ، سموح ، مايحب المشاكل متزوج من بنت عمه (أمل) وايد يعزها ومايقدر يفارقها لحظة وحدة عمره 26 سنة مرته للحين ماولدت له وراحت أكثر من مستشفى بس الله كريم ويشتغل مع أبوه في شركة و عايش مع إخوانه في البيت..

(عادل) : الولد الثاني عمره 24 سنة متزوج من بنت رفيجة أمه (حنان) عايش معاها حياة حلوة ويدلعها كثير عنده (فرح) 10 سنين و (مهند) 5 سنين وهو بطبعه حنون وعايش في بيت مع زوجته لأن مايحب يضايق زوجة أخوه وبعد زوجته كانت تبي بيت بوحدها و يشتغل في وحدة من شركات أبوه..

(إيمان) : عمرها 19سنة بتدخل جامعة الطب مع أغلى وأعز رفيجاتها (فاتن) تحمل لها مشاعر خاصة وما تقدر تجرحها تحب الفن والموسيقى الهادئة مزوحة وضحوكة كثيـــر وايد مهتمة بدراستها وتعشق الرسم بجنون..

(غزلان) : عمرها 17 سنة بتدخل صف رابع ثنوي أغلى رفيجاتها (هدى) تحبها كثير تحب الحركة الزايدة والأجواء الصاخبة مينونة شي اسمه (نت) صبح وليل عليه تحب تجلس مع صديقة أختها (فاتن) بس الغير يغارون..

(فادي) : عمره 16سنة شاب ماهمته إلا الدوار في المجمعات..وأكثر علاقات مع البنات من ورا أهله طبعاً ويضايق خواته وااايد ماخذ الدنيا مرح ولهو بس فيه ذرة حنان شوية أقرب ربعه (فراس) بيروح ثالث ثنوي..

عائلة (بو بشَار...راضي خلف الراسي) :
(بو بشاَّر) (راضي) : رجل كبير في السن مع ذلك يصغِّر نفسه وكل يوم في الديوانيات والقهاوي و مايرجع إلا ويه الفير..عمره 54 سنة..

(أم بشَّار) (سميرة) : مره هاذي بعد مو قليله عن ريلها أخبار الديره كلها عندها وتروح تنشرها من بيت لبيت ماهمها إلا التنقل وماتشوف أولادها إلى وقت الغدى والريوق والعشا وبس..ونادراً تقعد بالبيت إذا ماحصلت خبر أو شي تروح تنشره..عمرها 47 سنة..

(نسرين) : أكبر البنات عمرها 23 سنة ماهمتها إلا ستار آكاديمي و عبد الحميد آكاديمي وهواكم ومسلسلات الشباب وغيره اللي مايندرى والدوارة في المجمعات والنوم برى البيت والأهل مو دارين عنها ولا شي..

(رؤى) : البنت الثانية طالعة على إختها بعد بس هاذي عاد همتها الأغاني والمغنين والفنانين وكل الحياة الفنية ولا ننسى بعد ستار آكاديمي مع أختها عمرها 19 سنة..تركت المدرسة وإهي في صف خامس..

(بشَّار) : أصيع واحد في الديرة كلها لأن مووووول مايطب البيت إلا إذا يبي فلوس ويقعد فيه جم يوم بعدين يطلع من جديد..عمره 17 سنة..ونت وزقاير وكلام وطلعات مع بنات الناس..وبعد ترك المدرسة من صف خامس مثل (رؤى) وأمه مدلعتنه على الفاضي..دون خواته..

(سارة) : بنت مهتمة بدينها وبصلاتها وماتحب خرابيط إخوانها ودايماً تنصحهم بس ماكو فايدة..عمرها 15 سنة..

هاذي العايلة كلها مايهمها شي كل واحد همَّه حاله وبس زين فيهم بس بنت وحدة صالحة بس إنتظروا الأحداث مع بدية القصة وفي شخصيات وااااااايد اتعرفوا عليها من خلال قرايتكم لها..

الفصل الأول (الجزء الأول) :

الساعة وصلت 1:30 وللحين ماوصل ريلها اتصلت فيه مايشيله و لا شي ماتدري شتسوي كانت تدور في البيت ماتقعد ماسكه تلفونها بيدها وتحارسه يتصل فيها بس ماكو فايدة نيِّمت عيالها من أكثر من ساعتين وهو للحين ماوصل حاولت تهدي نفسها جلست على الكرسي اللي جنبها ودقت رقم اعتادت أصابعها تدق عليه يرن و يرن بس مايشيله ياربي شسوي؟ أخاف صار شي في (عادل) من الساعة ست المغرب طلع وللحين ماجا ولا اتصل قعدت (حنان) تفكر و تفكر شنو صار في ريلها لين رقدت..

بعد نص ساعة من نومة (حنان)..

انفتح الباب ودخل منه (عادل) مبيِّن عليه وااايد تعبان شاف زوجته متكورة على حالها ونايمة بالصالة وماسكه التلفون بايدها أخذه منها بهدوء و شاف رقمه طلَّع جواله من جيبه وشاف فيه فوق 20 مكالمة لم يرد عليها وكلها من زوجته حس بالذنب لأنه مااتصل فيها ولا سمع جواله لأن كان حاطه على الصامت أخذ بيدَّه يدز كتفها بخفيف :
(حنان)..(حنون)..حبيبتي جلسي أنا ييت..
جلست (حنان) شافت ريلها قدامها حمدت ربها وقالت له : إنت شفيك؟؟ أتصل و أتصل ماتشيله من الساعة ست وأنا أدق صاير شي؟!!
(عادل) : أنا آسف حبيبتي بس كنت مشغول وايد وحاط الجوال على الصامت لذلك ماسمعته..
(حنان) بارتياح : الحمد لله انِّك ييت خفت عليك واايد..
(عادل) : هههههه كل هذا حب وأنا ماادري؟؟
(حنان) : وأكثر ماتتصور......المهم تعشِّيت ولا أسوي لك عشا...
(عادل) : لاوالله تصدقين ماتعشِّيت بس أبي عشا سنع يليق بمقامي..
(حنان) : ياعيني عالغرور...دقايق و العشا زاهب بس إنت روح بدل وخذ شاور وتشوف العشا على الطاولة....أوكيه...؟؟
(عادل) : بس هذا؟؟ ماطلبتي شي لو تطلبي عيوني (ويأشر على عيونه شنه يشيلهم) أعطيج إياها جم (حنونه) عندنا؟؟؟
(حنان) بدلع : مااقدر على الكلام الحلو..
(عادل) وهو يضحك : هههههههههه من يقدر عليه بالله؟
(حنان) : يالله روح ولاَّ ماتلاقي شي..
(عادل) : لا لا خلاص ألحين أروح..ناقص بعد أنام بدون عشا..
وراح (عادل) وقعدت زوجته تضحك عليه وراحت المطبخ تزهب العشا..

**********

للحين جالسة تشاهد فلم أجنبي وكل شوي ترقد وتقعد شافت الساعة واصلة 2:5 الفجر..يووووه تأخر الوقت كثير من الصبح وأنا جالسة.....يالله بتابع الفيلم و بعدين بنام..
قعدت تشاهد وهي جالسة على سريرها سمعت دق على الباب..
تخرعت (فاتن) : مـم...منو؟؟
(عماد) : أنا (عماد) أدخل؟؟
(فاتن) : تفضل أخوي..
(عماد) : شفيج للحين صاحية؟؟
(فاتن) : لا أبد ماكو شي قاعدة أتابع فيلم وقلت إذا خلص بنام..
(عماد) : اها يامعوده عبالي فيج شي..المهم خلصي وبسرعة نامي خلاص (فتون)؟؟
(فاتن) : انشاالله أخوي....إلا أقول انت شمقعدك؟
(عماد) : أصلاً أنا مو نايم الشغل بياخذ عقلي و رحت باييب لـ(زهره) حبة بندول تقول راسها مصدِّع وشفت ليت غرفتج مشغل ييت أشوف شمقعدج..
(فاتن) : آه يعني..اوكيه (بو إبراهيم) تصبح على خير..
(عماد) : وأنتِ من أهله ومو طولِّي في التلفزيون..
(فاتن) : انشاالله..
طلع (عماد) ورجعت (فاتن) للفيلم..

**********

الساعة 8:16 الصباح حس بيد ناعمة تتلمس خده فتح عينه وشاف زوجته (أمل) قدامه ابتسم لها..
(أمل) : صباح الخير..
(عبدالله) وإهو يسند حاله على السرير:صباح الورد ياأحلى (أموله) بالدنيا..
(أمل) : حبيبي مو ناوي تروح الشغل اليوم الساعة قربت تصير 8:30 وأنت للحين نايم..
(عبدالله) : انشاالله الحين أقوم..
(أمل) : ياالله اجهز لين ماأشوف الريوق..
قامت (أمل) ونزلت الصاله و (عبدالله) دخل الحمام ياخذ له شاور ويتجهز للشغل..
شافت (أمل) خالتها (أم عبدالله) تحط الريوق على الطاولة وعمها (بو عبدالله) جالس يقرا الجريدة راحت (أمل) وباست راس خالتها وعمها:صبّحكم الله بالخير..
(أم عبدالله و بو عبدالله) : صباح الخير..
(أمل) : خلي عنج خالتي انتِ جلسي ويا عمي وأنا أييب الباقي..
(أم عبدالله) : لا حبيبتي ماأبي أكلف عليج..
(أمل) : لا خالتي شدعوة لا كلافة ولا شي..انتِ ارتاحي بس..
جلست (أم عبدالله) مع ريلها وراحت (أمل) المطبخ تجيب اللي ماجابته خالتها..
شوي و نزل من الدرج (عبدالله) وراح لأمه و أبوه وباس راسهم : صباح الخير ياالغاليين..
(أم عبدالله) : هلا وليدي صباح النور..
(بو عبدالله) : صباح الخير ها (عبدالله) أشوفك قاعد مبشِّر اليوم..
(عبدالله) : شسوي يبه شفت (أمل) صحتني قلت أقوم..
(بو عبدالله) : زين انك قعدت قبل الدوام اليوم ولا انت ماتقعد إلا بالموت والمسكينة تحاول فيك بس ماتقعد..
قعدوا يسولفون لين مانزل (فادي) و (إيمان) وباسوا راس أبوهم وأمهم وتصبُّحوا لهم..
(أم عبدالله) : وين (غزلان) أشوفها مانزلت معاكم..
(إيمان) : حاولت فيها يمه بس مارضت تجلس تقول ساهرة أمس على النت وما نامت إلا 4 الفجر..
ماخلصت (إيمان) كلامها إلا (غزلان) نازلة..
(إيمان) وهي تضحك : ههههههههه لا طريت القطوه جتْ..
(غزلان) : منو القطوه ليكون أنا؟؟
(فادي) : الناس إذا جلست من النوم تقول صباح الخير مو انتِ (ويقلد نبرة صوتها) منو القطوه ليكون أنا!!؟؟
قعدوا يضحكوا على (فادي) و (غزلان) لين مانادتهم (أمل) عشان يتريقون ..

**********

بالمخمة ماشية إلى غرفة الغسيل لأن هناك تنام مرت أخوها المصرية..(بعد ماتوفى أخوها سوتها خدّامة عندها وهاذيك ساكته لأن أهلها مو معاها في البلد وماتقدر تتكلم)..وتفتح الباب بقوة..وتروح لـ(رانيا)..وبالمخمة على راسها والله مسشينة..
(أم بشّار) : (رانيا)..(رانيوه)..وجع إنشاء لله يوجع ظروسج قبل راسج..قومي..
(رانيا) : أيوه ستي عاوزه أي حاجة؟؟
(أم بشَّار) تقلد عليها : أيوه ستي عاوزه أي حاجه؟؟ قومي خلصي..نظفي البيت كله زبالة..إنتي ناسية إنّ (عطُوف) وعيالها ساهرين عندنا أمس..
(بعدين رفعت يديها)..يعل هالمره ماتتوفق إنشاء لله لكن تشوف إذا مارحت اليوم (لأم فيصل وأم عبير وأم سلوى) وكل الفريج وقلتلهم عن اللي صار بينها وبين ريلها البارحة..خلصي قومي إنتي الثانية..لا هالمخمة على راسج..
(رانيا) : لا كل شي ولا هالمخمة..ألحين..(وبعدين توقف لحماتها)..نعم ستي؟؟
(أم بشّار) : نعامة ترفسج إنشاء لله قولي آمين..
(رانيا) ساكته من صجها إدّعي على حالها..
(أم بشّار) : أقولج قولي آمين ماتفهمين؟؟
(رانيا) : إيـــــــــه؟؟..عاوزتني أدعي على حالي ترفسني نعامِة؟؟ أَلولِك إيه..(بو بشّار) ولا جوزته؟؟
(أم بشّار) : واتطولي لسانج بعد يا جليلة الحيا ...صج خدامات آخر زمن..
واتطقها بالمخمة على ظهرها..و (رانيا) تتوسل لها..
(رانيا) : معليش يا ستي آنا آسفة كتييير..ماكُنتِ أعرف إن هالكلام حيزعلش كده؟؟
وتطق فيها ولا هونت إلا بعد ماخلت جسم (رانيا) يشتغل عدل و يولع أحمر وراحت لريلها بعد ماتأكدت إن (رانيا) راحت المطبخ تحضر الريوق وإهي مسشينة كل يوم تحصل هالدرس المعتاد..شافته متعدل و بيطلع..
(أم بشّار) : ها..على وين إنشاء لله؟؟
(بو بشّار) بصراخ : رايح الديوانية بعد وين؟؟؟
(أم بشّار) : إنزين ماتبي تتريق قبل ماتروح؟؟
(بو بشّار) : أحد يشوف هالويه القرف...(ويأشر على ويها)...وله نفس يفطر لا يبه أروح أشتري لي سندويش من برا وايد أبرك لي...........(بعدين سوى حركة مالت في ويهها)....بااااي..
وطلع من الغرفة...و (أم بشّار) قعدت تكلم حالها..
(أم بشّار) : إي والله صاج..شلون يصير هالويه حلو..مو كل يوم (رانيوه) حاطة لي هالكريمات..(كريمات الشعر).. وهالفلفل في ويهي في أنصاف الليالي..لكن هيِّن يا (رانيوه) وين تروحين مني...
ودشت الحمام تاخذ لها شاور لين مايجهز الريوق..
في الصالة كانت السفرة على الأرض وعليها كوب حليب واحد..كانت تشرب منه (رؤى) وإهي تغير في القنوات إتدور أغنية لـ(روبي) طافتها أمس ومعاها (سارة) قاعدة تقرا قران..لين ماجت (نسرين)..وسوت حركة كفج لـ(رؤى) و حركة مالت لـ(سارة)..
(نسرين) : هااااااااااي شباب..
(رؤى) : هايااااات هلا والله بأختي العودة..تعالي دوري معاي أغنية (روبيوه) ماني محصلتها..
(نسرين) : بلا روبيوه ولا روميوه حطي ستار آكاديمي أشوف..توهم أكيد قاعدين من النوم..
(سارة) : الناس إذا تقعد من صباح الله خير تقول السلام عليكم صباح النور صباح الخير أصبحنا وأصبح الملك لله..مو هاي شباب..(و نسرين ورؤى مو عاطينها ويه)..لا وأختج الثانية ترد عليش هايات..الله يهديكم إنشاء لله..
(نسرين) : إنتي عاد سكتي مالي خلقج من الصباح مو ناقصني إلا إنتي تعطيني النصايح بعد لا ألحين أييب لج (بشّار) يوريج شغل الله ونجوم الصبح بعد إذا تبين..
على طول شافوا البنات (بشّار) داخل ومعاه زيقارة (بصراحة ماأعرف أكتبها باللغة العامية عدل بس إنتوا أكيد فهمتوها)..وقاعد يلعب في جواله..وعلى طول تربَّع على السفرة جنب (رؤى)..
(بشّار) : شِني سمعت إسمي..
(رؤى) : لا طريتِ القطو جا لعند ريولج يا (نسرين)..هههههههه..
(نسرين) : إي والله قطو..يسمع إسمه لو باآخر العالم..هههههههههههههه..
(بشّار) : تقصدون القطو....أنا؟؟
(نسرين) : إي والله إنت..
(رؤى) : إنت..يعني إنت..ماتفهمها..هههههههههههههههه..نتحشى إحنا عن منو؟؟
(بشّار) : سكتي عاد أحسن لج لا ألتج كف يخلي جسمج ياخذ له شاور من الحليب..وراسج بالمطبخ تقليه (رانيوه)..
إلا يطلع راس (رانيا) من المطبخ..
(رانيا) : ماوصلتنيش أي حاجه..
ورجعت مرة ثانية..
(رؤى) : إنتِ خلج في المطبخ لا تشوفين شغلج..وإنت وااااااااااااايد خرعتني..أتنافض يمااااااه..
(بشّار) : شكلج ناوية...ها..؟؟
(رؤى) : إيه ناوية يالله راوني شبتســ...
قاطعتهم (سارة) اللي كانت طول الوقت ساكتة وإهي تقرا ومتجاهلتهم بس كافي كل يوم نجرة..
(سارة) : بس..بس عاد..ماصارت كل يوم نجرة في نجرة..إنتوا ماتملوا..الواحد يقعد من النوم يقرا له دعاء وقران وإنتوا مادري شلــ...
ألحين منو اللي قاطعتها..(أم بشّار)..
(أم بشّار) : بدينا برنامج صباح الخير يا أطفال؟؟
(سارة) : يمه شفيج؟؟ إنت ماتشوفينهم كل يوم يتناجرون على الفاضي؟؟
(أم بشّار) : يوزي عن إخوانج يا (ساروووه) مو ناقصين عوار راس من صباح الله خير..وذلفي دارج يالله..
(سارة) : بس يمه..
(نسرين) : بس ولا كلمة..سمعي الكلام و...
(رؤى) تكمل : ذلفي دارج..فهمتي؟؟
راحت (سارة) وإهي تدعي إن الله يهديهم..
(بشّار) : عاشت أمي الحنونة......يالله بنات وحده وحده وحده......(ويصفقوا مع بعض)...(سمرمر) أحسن وحدة..
(أم بشّار) : منو (سمرمر) هاذي بعد؟؟ (وتقرص أذونه)..ليكون تعرف وتحاشي بنات من وراي؟؟
(بشّار) وإهو يمثل إنه يتألم : آآآآآآآآآآآآه....تكفين يمه خلي أذوني ما أتحمل.....آآآآآآآآآآآه...
(أم بشّار) تركته وفيها خوف : صج ياوليدي تتألم ويييييييييييه سو...سور...شنو يسموها بعد هاذي......(وتفكــر)....إيه سوري يا بعد عمري إنت...
(نسرين) : أقولج يمه هاذي (سمرمر) اللي في...
(رؤى) : دنــــــيا القــــــوي..(وتلحنها)..
(نسرين) : على الالبيسي..
(رؤى) : الساعة ثمان في الليل...(مو يصدق أحدكم ويقعد يحارس الساعة ثمان هاذا في رمضان مو ألحين هههههههه)..
(نسرين) تذكرت إنّ أمها قاعدة تدلع (بشّار) ويا بعد عمري : أقول يمه إحنا وين رحنا يا بعد عمري و كلام...من هنيه وهناك...
(بشّار) : ويييييييييه يمه تغار....أقول يمه...(أم بشّار تلتفت له)....حكي ظهري يمه...وااااااااااااايد يألمني...آآآآآآآآآآآآه...
(أم بشّار) خافت من صج : وييييييييه...صج يمه أهو تعال أشوف...
(رؤى و نسرين) : يمــــــــــــــه.....
(بشّار) : حــــــــــــــــرّة...ههههههههههههه...هاذي أمي الغالية...(ويلم أمه)...فديتها والله....(ويبوس راسها ويشمّه ومبين ريحتها مو عاجبته).....أقول يمه إنتِ متسبحة اليوم...(وإهو يحط إيده على خشمه)....
(أم بشّار) : إيه حبيبي ليش تسأل؟؟
(بشّار) وهو يكح : لأن....ريحتج..........كلها بصل...
(أم بشّار) : أنا ريحتي بصل يا جليل الحيا...تعال أهو..
وقعدت تطقه مثل الياهل...
(رؤى) : هههههههههههههههههههههههههههههه.....أحلى عاشت (السميرة)...
(نسرين) : ههههههههههههههههههههههههههههههههههههههه....ههههههههههههههههههههههههههههه..

كانت المسشينة تطالعهم وإهي تتمنى في قلبها لو كان كل هذا يدوم ولا يصير شذي...كانت تتمنى لو أبوها كان معاهم...وتكمل الفرحة...إنها تشوف أمها وأخوها وخواتها يضحكون وبلا سوالفهم جان عاشت أحلى عيشة بس الشكوى لله...لكن إهي عليها تتحمد ربها لأن هذا مكتوب عليها ومكتوب على أهلها وماتقدر تعترض...طبعاً عرفتوها..(ســــــارة)...

**********

في بيت (عادل)..
كان قاعد ويا مرته وعياله يتريقون رن التلفون..
(عادل) : منو اللي يتصل هالحزه؟
(حنان) : ماادري أرد و أشوف..
قامت (حنان) وردت على التلفون..شافت الكاشف بيت عمها
(بو عبدالله)..
(حنان) : ألو..
(أم عبدالله) : هلا بنيتي (حنان) شعلومكم؟؟
(حنان) : هلا فيج خالتي..
(أم عبدالله) : شلونكم بنيتي إنشاالله بخير؟
(حنان) : الحمد الله خالتي..انتوا شلونكم وشخبار عمي و البنات؟؟
(أم عبدالله) : كلهم الحمدالله بخير..
(حنان) : سلمي عليهم خالتي واايد..
(أم عبدالله) : الله يسلمج المهم تعالي انتِ و (عادل) اليوم على الغدا وييبوا وياكم (فرح ومهند) والله إني مشتاقة لهم حييييييل..
(حنان) : انشاالله خالتي من عيوني..
(أم عبدالله) : تسلمي..يالله أشوفكم اليوم على الغدا..مع السلامة..
(حنان) : في حفظ الله..
رجعت (حنان) لريلها..
(عادل) : ها (حنان) من إلي داق؟؟
(حنان) : هذا خالتي (أم عبدالله) تسلم عليك وتقول عازمتنا اليوم على الغدا وماتبينا نتأخر..
(عادل) : عيل خلاص أنا الحين بروح الدوام وانتِ على الساعة 1 اجهزي و جهزي العيال وأنا أمركم أوكي حبيبتي؟
(حنان) : انشاالله..
(عادل) بيروح إلا يسمع صوت (حنان) : (بو مهند) مانسيت شي؟؟
تذكر (عادل) وراح لعياله وباس خدهم و هو يقول لـ(حنان) : وكيف أنسى؟
(مهند) : مع السلامة بابا..
(فرح) تقول الجملة المعتادة كل يوم : إلا أقول يبه لا تنسى تييب لي معاك بريد شكولاته..إنزين؟؟
(عادل) بيرد عليها إلا (حنان) تكلمت : بريد من الصبح شناوية على حالج؟؟ (تلتفت إلى عادل) لا يكون تييب لها؟؟
(فرح) : لالالالالالالالالالالالا...أبي بريد..
(عادل) : (فروحة) حبيبتي إذا طلعنا من بيت أبوي أشتريلج واحد..
(مهند) : وأنا بعد أبي..
(عادل) : إنشاء لله...حبايبي إنتوا...يالله مع السلامة..
(حنان) : مع السلامة..

**********

كانت للحين نايمة ماخلصت من الفيلم إلا الساعة 2:30 وراحت لفيلم ثاني وثالث وما نامت إلا الساعة 6 الصبح صلَّت ونامت..
دخلت عليها أمها وشالت اللحاف من عليها تخرعت (فاتن) على طول : شصاير منو اللي ذبح جاك (تقصد اللي في الفيلم) تحشوا؟؟ وقعدت تخرف وأمها تحاول تهديها..
(أم عماد) : شفيج (فاتن) عسى ماشر منو اللي ذبح جاك وماادري شنو..قومي غسلي ويهج واذكري الله..
(فاتن) : لا إلـه إلا الله.. يمه الساعة جم ألحين؟؟
(أم عماد) : ألحين 11:30 وانتِ للحين نايمة ياالله بسرعة نزلي..
(فاتن) : انشاالله يمه ألحين أقوم..
(أم عماد) : ياالله بسرعة..
طلعت (زكية) وراحت (فاتن) الحمام وغسلت ويها ونزلت..
(فاتن) : يمه وين أبوي وإخواني؟؟
(أم عماد) : عيزوا وهم ينطرونج تريقوا وراحوا الشغل..
(فاتن) بتروح عنها..إلا تناديها..
(أم عماد) : تعالي وين رايحة؟؟
(فاتن) : داري..
(أم عماد) : ما تبين ريوق؟؟
(فاتن) : لا يمه مو مشتهية..
صعدت (فاتن) دارها وأمها مستغربة علامها (فاتن) اليوم مو من عوايدها ما تتريق..
أخذت (فاتن) تلفونها ودقت على (إيمان) نطرت ونطرت بس ماترد شسالفة؟؟ علامها (إيمانوه) ماترد؟؟ أدق على البيت أحسن..
كانت (إيمان) جالسة مع أمها و (فادي) و (أمل) يشاهدون مسلسل كوميدي كلَّه ضحك مابقى فقرة ماضحكوا عليها وعلى حركات (فادي) بعد لأن يقعد يقلد عليهم و (غزلان) تريقت وصعدت و (إيمان) ناسية جوالها بدارها..
رن التلفون رفع (فادي) لأنه كان قريب منه..
(فادي) : هاي..
(فاتن) بخاطرها (حشى هاي على طول) : السلام عليكم..
(فادي) : وعليكم السلام ياهلا منو معاي؟؟
(فاتن) : أنا (فاتن) (إيمان) هنيه؟؟
(فادي) ماصدق على حاله انه قاعد يكلم بنت لا و رفيجة أخته بعد قال لها بصوت خفيف : شنو عليج من ها (الإيمان) كلميني أنا..
(فاتن) انصدمت منو اللي قاعد ايكلمها : منو إنت؟؟
(فادي) بدلع : أنا منوِّر هالبيت ماتعرفيني أنا (فادي) آخر عنقود الشباب..
(فاتن) ماتمالكت نفسها وصكت الخط بويهه..
(فادي) بخاطره..(ياربي ليش صكت الخط؟؟....بس يالله أخذ رقمها من الكاشف وأدخله بتلفوني وأكلمها) طلِّع تلفونه من جيبه وسجل الرقم وإهو يبتسم (ياحليلك يا فادي طحت على كنز ولا كنز عظيم)..شافته (إيمان) من يوم مارفع التلفون ولين ماقاعد يسجل الرقم..راحت له بهدوء من وراه شافته يسجل رقم مار على بالها انتبه لها..
وصرخ في وجها : وجع انشاالله (إيمانوه) شتسوين؟؟
(إيمان) : عمى صميتْ أذوني.....منو في التلفون؟؟
(فادي) ارتبك : ها..
(إيمان) : شفيك..أقولك منو في التلفون؟
(فادي) : .......................ايه..هذي..هذي عمتي (نجاة) تسأل عن أبوي..تقول من زمان مااتصل فيها..
(إيمان) وهي مو مصدقة : صج والله..وعمتي (نجاة) ماتدري إن أبوي هالحزه في الدوام؟؟
(فادي) ارتبك شيقول:ا..ا..وأنا شدراني عاد؟؟
وقام من الصاله وصعد داره..شافته (أم عبدالله) معصب بسرعة قام ولا حتى كمل معاهم المسلسل..
(تكلم إيمان) : شفيه أخوج معصب شذي؟؟
(إيمان) : ما أدري يمه..
وصعدت دارها أخذت جوالها شافت فيه مكالمات لم يرد عليها كانت من رفيجتها (فاتن) اتصلت فيها رن جوال (فاتن) وردت على (إيمان)..
(فاتن) : هلا (إيمان)..
(إيمان) : هلا فيج (فتون) شخبارش ياالقاطعة؟
(فاتن) : أنا القاطعة!! أنا كل يوم أدق على جوالج يا مغلق أو ما ترفعينه حضرتج وأدق على البيت هم ما أحد يرفعه أو مشغول..
(إيمان) : ايه والله صار لي مده صاكه تلفوني تيي لي مكالمات ويسكرون بويهي ولما أتصل لهم التلفون مغلق فقلت أصكه أحسن..
(فاتن) : أه..شنو الأخبار؟؟
(إيمان) : الحمدالله ماشي الحال..صح (فتون) شرايج اليوم نطلع لقيت ساعة تينن تطير العقل قلت أروح معاج إذا عيبتج أخذها لي ولج..خبرج إحنا داشين على جامعة ويبيلنا نكشخ..
(فاتن) : أوكيه على الساعة جم؟
(إيمان) : امممممم...الساعة 4 العصر نروح و نصلي و نتعشى بعد هناك شرايج؟؟
(فاتن) : خلاص بمر عليج بدق عليج وتطلعين مو مثل كل مرة شرط ادخل بيتكم؟؟
(إيمان) : شدعوة يعني لادخلتِ بيتنا؟؟ داخلة بيت الأشباح ولا شنو؟؟
(فاتن) : لا تطوليها..بمر عليج وخلاص..
(إيمان) : صار..ناطرتج ياالله باااااي..
(فاتن) : بايات..
صكت (إيمان) عن (فاتن)...
سمعت حركة عند الباب.....طلعت شافت أخوها (فادي) واقف عند الباب..
(إيمان) بعصبية : شتسوي عند باب داري؟؟
(فادي) مرتبك : ها...أنا........لاأبد ماكو شي........إلا أقول (إيمانوه)!
(إيمان) واهي حاطه يدها على الثانية وتطالع فوق : أظن إنَّ أمي وأبوي سموني (إيمان) مو (إيمانوه)..
(فادي) : آسف آسف..بقولج من كنتِ تحاشين قبل شوي؟؟
(إيمان) بتعجب أول مرة أخوها يسألها وأصلاً حتى لو ماسئلها اهو شكو فيها تكلم منو..
(إيمان) : وإنتَ شكو؟
(فادي) : شنو أنا شكو حرام أسألش منو كنتِ تحاشين؟
(إيمان) : ايه حرام بعدين كنت احاشي رفيجتي فيها شي؟!
(فادي) وهو يغمز : أقدر أعرفها؟؟
(إيمان) وصلت حدها : لاوالله البيت صاير مطنشة كل واحد يبي يعرف إلي بالثاني أقول (فاديوه) تراني وصلت حدي منك اذلف دارك لا تشوف شي عمرك ماشفته..
(فادي) : خلاص يامعوده باروح لا تاكليني بقشوري على الأقل قشريني بعدين كليني....بس باقولج عرفنا من كنت تكلمين..
(إيمان) : (فاديوه)..قلت اذلف دارك وورني عرض أجتافك يالله..
(فادي) واهو عاطيها ظهرها : عرض أجتافي..15 توه البارحة الخياط مقايسني..
(إيمان) تطقه على ظهره : صج والله..بعدين تعال قولي..انتِ قلت إني عرفت من كنت أحاشي..منو ياالله؟؟
(فادي) : آآآآآآآآآآآه..طقتج حارة..ايه كنت تحاشين....امم..امممم..(يسوي حاله مايعرف بس يبي يتحايل عليها)....امممممممم..ايه..(ويصفق بايده) رفيجتج (فاتن)...صح؟؟
(إيمان) متعجبة واايد : وانت شدراك إنها (فاتن) ليكون قاعد تتنصت علي؟؟
(فادي) لام حاله ليش قال لها...ياربي..شقول لها الحين؟؟
(إيمان) : هيه وين وصلت فيه..شدراكْ إنها (فاتن)؟
(فادي) والفكرة جات في راسه : كيف مادري انتِ ماتكلمين إلا بنت وحده (فاتن) و بس اهي اللي تتصل على البيت من رفيجاتج..
وانحاش عنها زي الغزال لين وصل داره....
وهي واقفه كأنها مااستوعبت الكلام اللي سمعته...شلون صحيح عرف إنها تكلم (فاتن)...أكيد كان واقف عند الباب ويسمع كل شي..بس على طول شالت أخوها وسالفته من راسها ورجعت دارها واخذت لوحة والوان وقعدت ترسم وتمسح وتخطط وتلون لين ماتعبت فجلست على السرير وشغلت المسجل على موسيقى وتفكر بالأيام الباقية من العطلة وشنو بتسوي فيها..وخصوصاً إن الدراسة ياية بعد شهر ونص..

**********

بعد ماخلصوا من أغنية روبي وتصفيق على الآخر والصوت لبرا الشارع والكل مع روبي يرقص ويغني لين ماخلصت........يت (أم بشّار)...عند السفرة..
(أم بشّار) : وين الجبن مايابته (رانيوه)..
(نسرين) : والله من يوم قعدنا لا شفنا لا ويه (رانيوه) إلا يوم قالت (وتقلد عليها) ..ماوصلتنيش حاجة..وبعدين نامت في المطبخ..
(بشّار) بغباء : ليش..في سرير في المطبخ وأنا مادري؟؟
محد اهتم له إلا كلمة طلعت من (رؤى)..
(رؤى) : غبـــــــــــــــــــي..
(بشّار) : منوووو؟؟
(رؤى) : شيخصك أنا ألحين قلت (بشّار) غبي..بس مابقول لأنك غبي وبتظل طول عمرك غبي..
(بشّار) : شنووووو؟؟؟ الله الله...(رؤى) بنت أمها وأبوها تقوم اتطول لسانها علي وتقولي غبي...أقول (رؤوه) شتبين جزائج من هالحشي...يعني حمدي ربج وتشكري له إني قاعد أخيرج في اللي بيصير لج بعد شوي..
(رؤى) تستهبل عليه : تصدق..أنا أموت من الخوووووووووووووف بس إذا أسمع صوتك...عيل إذا أشوفك شيصير فيني...يماااااااااااااااااااه لحقي على بنتج شوي وتصير في العناية المشددة..
(أم بشّار) : بسج عاد...ليكون أسمعج تغلطين على (بيشو) تبعي..هاذا الغالي ولد الغالية (وبشّار يسوي حرّة لرؤى ويطلع لسانه)...بسج عنه لا أقوم لج بالمخمة...و (رانيوه) الخبله ماتدري شلون ماأقدر أفطر بدون الجبن؟؟؟؟؟
(رؤى) : وأنا بدون البيــــــــض..
(نسرين) : عيل شتقولون عني..أحد يقعد من صباح الله خير..مايلاقي إلا كوب حليب واحد بس........أبي حليب كـــــــــاكو...
(تقصد حليب كاكاو)..
(بشّار) : يا ســـــــــــلام...لاخبز..لا صمول..ولا شي..شهالحالة؟؟
(الكل) : (رانـــــــــــــــــــــــيوه).....وجع إنشاء لله تعالي..
طلعت لهم (رانيا) : أيوه...عاوزين أي حاجة؟
(الكل) يقلد عليها : أيوه...عاوزين أي حاجة؟
(أم بشّار) : وين الجبن يابقرة خبله؟؟
(رؤى) : ووين البيض يادجاجة معفنة؟؟
(نسرين) : يعلِّج ماتربحين...وين حليب الكاكو إلي خشيته أمس في الثلاجة أكيد همممممممممم لهفتيه كله..روحي شوفي لي واحد خلصي..
(بشّار) : يا سلام عليج..لاخبز+لا صمول+ولا حتى بريد..شنو الناتج؟؟
(الكل) : زفة لـ(رانيوه)..
وقفت لها (أم بشّار) ومسكت أذونها وتقرصها بقوة : إنتي ماتفهمين؟؟؟ شهالفطور المحترم؟؟ كوب حليب واحد بس يالظالمة...شوفي (رانيوه) إتقي شري وبسرعة روحي ييبي الأكل أحسن لج...صج إن أخوي (وترفع يديها) الله يرحمـــــه ويغمد روحه الينة ويدعيله بالبركة إنشاء لله...(وتضرب (رانيا) على ظهرها)...كان غبي يوم خذ وحدة مصرية مينونة مثلج..
(رانيا) أخيرا تكلمت : آسفة ألحين أحضرهن...وبعدين أنا زنبي إيه إذا أخوكِ هو إنعجب فيَّه وتجوزني؟؟
(رؤى) : آسفة..نصرفها في أي بنك؟؟
(بشّار) : في بنك أبيها العامر بالنقود....هههههههههههه..
(أم بشّار) : روحي ييبي الفطور بسرعة..
(رانيا) : حازر...حازر........أوف..إي ده؟؟
(أم بشّار) : شنو...شنو ماسمعت اللي قلتيه؟؟
(بشّّار) : قالت يمه أوف...إي ده؟؟
(رانيا) تبرر حالها : واللهِ يا ستي ماأولتيش كده..إبنِك كزاب ياحاجة..
(بشّار) قام لها : شنو..كزاب بعد......يمه..
(رؤى) تصفق : وطاطا بطاطا...وطاطا بطاطا....أيوه...أيوه...(وإهي تحرك أصابعها يمين ويسار) يا أهل الدار..شبّت النار...بين (رانيا) و (بشّار) فالحقوا عليهم يا أهل الخير والبار..
(نسرين) : ياللعار..ياللعار.........استر استر يا ستار..
(أم بشّار) : بس..(رانيا)...روحي ييبي الفطور بسرعة....أحسن لج..
(رانيا) : حازر....أوف..
(أم بشّار) : شنو...شنو ماسمعت؟؟
(رانيا) : ماأولتيش حاجة...

**********

كانت (غزلان) تكلم أغلى رفيجاتها (هدى) ومشتاقة لها حيييييل لأنها مصيفة برا في لندن..
(غزلان) : المهم متى بتردين؟؟ لج وحشة واايد (هدى)..!
(هدى) : يمكن بعد أسبوعين أو أكثر لأن العطلة طويلة فما عندي شي أسويه بالكويت قلت خلني أصيف برا..
(غزلان) : ياسلام وأنا وين رحت؟؟ لكن هيِّن خليني بس أشوف رقعة ويهج وشوفي شبسوي فيج...!
(هدى) : ههههههههههههه شفيج قلبتِ علي مره وحده مو معقولة أنا أنساج أنا أصلاً عندي رفيجات وااايد بس أغلاهم وأحبهم...........ههههههه مايحتاج أقول..
(غزلان) : لا قولي أخاف تعرفتي على وحده هناك وكونتِ علاقات صح (هدوه) ولاَّ لا؟؟ يالله اعترفي..
(هدى) وهي ناقعة ضحك : هههههههههههههههههههههههههههههه شعترف لج معقولة أترك الزين و أروح للشين..
(غزلان) : ايه على بالي بعد تكونين علاقات وسوالف من وراي..
(هدى) : يالله عاد عطيتج ويه....المهم شتبين من لندن ترى الأغراض اللي فيها كشخة؟؟
(غزلان) : لا حبيبتي أبي سلامتش..
(هدى) بمسخرة : بس سلامتي ماتنباع بالسوق..
(غزلان) : هههههههههههههههه..
(هدى) : صحيح (غزوول) شتبين من هنيه آمري أي شي أنا حاضرة..
(غزلان) : أي شي؟؟
(هدى) : أكيد جم (غزلان) عندنا؟؟ وحده ورافعة خشمها علينا بعد ههههههههه..
(غزلان) : انزين سمعييييييييييييييييني..
(هدى) : هههههههههه..انشاالله....تحشي..
(غزلان) : أبيج تردين الكويت باشر..
(هدى) : هههههههههههههههههههههههههههههههههههههههه من صجج إنتي؟؟ هههههههههههههههههه
(غزلان) بعصبية : ماأظن قلت شي يضحك؟؟
(هدى) : شنو ايي الكويت باشر ينيتْ أنا اترك الجو الحلو وأروح للحر بنفسي..
(غزلان) ودموعها على خدودها : لا من جد تعالي..
(هدى) : (غزوول) حبيبتي ليكون قاعدة تبجين خلاص عاد ترى أزعل منج..
(غزلان) وهي تمسح دموعها:لا خلاص بس لا تقاطعيني..
(هدى) : انشاالله حبيبتي كل يوم بتصل فيش لين ماتملين مني..
(غزلان) : لاحشى ماعاج من يمل منج..
(هدى) حست إن المكالمة اعتفست : أوكي (غزوول) أخليج وأكلمج وقت ثاني...لأن اظاهر بينقطع الخط..أوكيه؟؟ يالله بااااااي..
(غزلان) : بااااي..
صكت (غزلان) عن رفيجتها..و دزت لها هالمسج..""لو إن القلب يتحجى كان بأعلى الصوت ناداج (هـــــــــــدى) شنو حيلته لا صار نبضه هالرساله""
(هدى) يوم شافت المسج عجبها واااايد و دزت اهي بعد هالمسج..
""كل الناس مؤدبة..إلا إنتِ تدرين ليـــــــش؟؟ لأنج تدشين القلب بدون استئذان...عجيبـــــــة والله""
(غزلان) شافته فقعت ضحك عليه والله (هدى) عليها حركات..أنا مو مؤدبة..وجلسوا حوالي ساعة واهم يطرشون لبعض..بعدين تعبت (هدى) و (غزلان) وراها ووقفوا الاثنين عن بعض..
(غزلان) : ياربي!! شسوي ألحين؟..أيوه خلني أقعد عالنت أحسن بعدين بطلع أتغدا برا أحسن من قعدت البيت..

نهاية (الجزء الأول)..
من اللي بتشوفه (فاتن) إذا بتروح لـ(إيمان)؟
(إيمان) بتسكت إذا عرفت شنو سالفة رفيجتها؟
(غزلان) شنو بيكون تصرفها مع مرت أخوها؟
وأمها بتوافق تطلع تتغدا برا أو لا؟
كل هاللأسئلة تلقون لها إجابة في..

الفصل الأول (الجزء الثاني) :

دخل (كمال) البيت شاف أمه في الصالة مع أخته راح باس راس أمه وقعد جنبها..
(أم عماد) : هلا يمه شخبارك وشخبار الشغل معاك؟
(كمال) : الحمدالله كل شي تمام.....إلا أقول يمه ماكو غدا؟؟
(أم عماد) : إلا أكو بس خلنا ننطر أخوك وأبوك وبعدين نتغدا يميع..
(كمال) : رحت أنا لـ(عماد) أي والله مسكين للحين ماخلص شغله..
(فاتن) : ليش شغله يختلف عنك؟
(كمال) : أكيد يامعوده..أنا في الحسابات المالية و (عماد) المدير ولا ناسيه إن أبوي خلاه المدير بعد مافتح هالشركة وهو راح لشركة ثانية..
(أم عماد) : الحمدالله على كل حال..
(فاتن) وإهي تشاهد التلفزيون : أقول يمه لا تحسبيني على العشا..
(أم عماد) : ليش بعد؟؟ لاتريقتِ ولا تبين عشا..ولايكون بعد ماتبين غدا..شفيج اليوم؟؟
(فاتن) إلتفتت لها : لا أبي..بس بطلع اليوم مع رفيجتي (إيمان) على 4 بنتعشى برا ونتمشى شوي....شقلتِ؟؟
(أم عماد) : خلاص يمه روحي بس مو تتأخرين؟
قامت (فاتن) وباست راس أمها : مشكورة ياأغلى أم بالدنيا..
(أم عماد) : العفو حبيبتي..
فرحت (فاتن) على الأقل تغيِّر جو مو بس قعده في البيت..

**********

الساعة صارت 12:45 الظهر ربع ساعة وبيي (عادل) ومرته وعياله وبيتغدون عند أهل (عادل)..
(غزلان) خلصت نت وهذره في المسنجر وقامت طلعت لها بدلة حلوة سماوية وطلعت شنطة جايه مع البدلة وصففت شعرها القصير وخلته على أكتافها والنظارة الشمسية على شعرها وطلعت بعد ماقفلت باب غرفتها..لأن تعرف (فادي) دايماّ يدخل وياخذ من أغراضها ويخليها تين لين ماتحصلهم عنده..
نزلت تحت ماشافت أمها قعدت تنادي : يمه...يمه...
سمعتها أمها : كاني بالمطبخ تعالي..
راحت لها : يالله يمه تشاو أنا بتغدا برا مع رفيجتي..
(أم عبدالله) : لحظة لحظة على وين؟ وهالكشخة لمنو؟
(غزلان) : قلتلج يمه بروح مع رفيجتي (مجد) تعرفينها صح؟؟ نتغدا برا ونتمشى شوي بالسوق بعدين برِد..ملِّيت من البيت..
(أم عبدالله) : لا لا..لاتطلعين اليوم طلعي باجر!!
(غزلان) : ليش ماأطلع اليوم.....يمه والله ملل؟ مــــلل..
(أم عبد الله) : لأن أخوج (عادل) ويا مرته وعياله واصلين بعد خمس دقايق تبينهم ايون ومايلقوج؟؟ موحلوة..ماعليه يمه اتصلي لرفيجتج واعتذري منها و قوليلها باشر..
(غزلان) والحزن باين عليها بس تحاول تخفيه : انشاالله يمه..
(أم عبدالله) : ايه..هذي بنيتي اللي تسمع الكلام..يالله حبيبتي...ولا تبدلين خلي هالكشخة لأخوج ومرته..
(غزلان) : انشاالله..
صعدت (غزلان) دارها وهي متضايقة يعني (عادل) مادوَّر اييي إلاَّ اليوم..
دقت على رقم (مجد)..
((مجد) رفيجة (غزلان) من المتوسطة يعني مو مثل (هدى) من الروضة وما افترقوا...تعرفت عليها من خلال النت واستانست حيييل يوم عرفت إنها معاها بالكويت وصارت بعد معاها بالمدرسة بس اهي جنسيتها لبنانية سافر أبوها للكويت بسبب شغله وعلمتها (غزلان) شوي كويتي بس اهي مارضت إلا لغتها بس ساعات تخلط بالكلام لكن (غزلان) عادَّتها مثل أختها لأنها وايد طيبة وحبوبة بس (هدى) إذا تسمع (غزلان) كلمت (مجد) تجلس تسب فيها وتهدد (غزلان) إنها ماتحاجيها إذا كلمت (مجد) مرة ثانية بس (غزلان ) ماتبي تخسر (مجد) فتكلمها من ورى (هدى)..نشوف شصار)..
(مجد) ردَّت وهي معصبة : (غزلان) شو بك تأخرتِ لحد هلأ ناطرْتِك من ساعة لكان وينك؟؟
(غزلان) : ماعليه حبيبتي أنا مااقدر أيِّي اليوم لأن أخوي بيتغدا عندنا..خليها باجر..
(مجد) بعصبية : شوووووووووو!!!
(غزلان) : ماعليه (مجودة) باجر أنا قبلج بوصل المطعم...خلاص عاد ارضي علينا..
(مجد) هدت شوي : ياسلام..بتتركيني هيك بالمطعم ساعة وهلأ تخبريني انك مابتحضري..خوش والله.. بس خلص بكرة..وعد؟؟
(غزلان) : أكيد..وعد.
(مجد) : أوكيه..يالله (غزوول) سلام مش حلوة بكلمِكْ هيك بالمطعم..بس أكيد بكرة وإذا ماحضرتي يا ويلِكْ...إيه؟؟
(غزلان) : ههههههههههه خلاص أكيد..يالله باااي..
(مجد) : سلااااااام..

**********

رن الجرس راحت (زانية الخدَّامه الانجليزية) تشوف..طلع راس واحد طويل ومعاه وحدة حلوة ويهال الله وحلاوتهم عاد..دخل (عادل) وراه (حنان)..شاف للحين (زانية) واقفة فهو مايعرفها عدل إهي (زانية أو ميرا أو غيرها) : زانية؟؟
(زانية) : yes
(عادل) : Whare is my mother??
(وين أمي؟؟)
(زانية) : your mother is in the kitchen come to the living room please..
(أمك في المطبخ تفضلوا للصالة لو سمحتوا)..
(عادل) : ok..thanks..
(أوكي..شكراً)
راحت (زانية) للمطبخ عشان تنادي (أم عبد الله) تقول لها إن ولدها وصل سمعت (أم عبد الله) صوت ولدها فخلصت اللي في ايدها وراحت له على طول يوم شافها راح لها وباس راسها..
(عادل) : هلا بالغالية شخبارج يمه؟؟
(أم عبدالله) : أنا الحمد الله..انت شخبارك؟؟ وأخبار مرتك والعيال؟؟
(عادل) : كلنا بخير يمه..
(أم عبدالله) : دوم..انشاالله..وينهي (حنان) مايبتها معاك؟؟
كانت (حنان) واقفة ورى ريلها الطويل فلذلك ماتبيِّن منه بس يوم سمعت خالتها تناديها راحت لها وباست راسها : شلونج خالتي؟؟؟و شخبارج انتِ و عمي؟؟
(أم عبدالله) : إحنا الحمدلله كلنا بخير..ناقصنَّا شوفتكم ياالغاليين..وين العيال ولهانه عليهم حيل؟؟
راحوا (فرح و مهند) : كيف حالج يديدة؟
(أم عبدالله) : ياربي على الحبايب أنا بخير انتو شلونكم؟
(فرح) واهي تطق باصبعها : احنا تمام..عال العــــــــــــال..
(الكل قعد يضحك من حركتها)..
(حنان) : ههههههههههه إلاَّ أقول خالتي وين البنات؟؟
(أم عبدالله) : (إيمان و غزلان) بدارهم يمه...تفضلوا في الصالة و أنا أخلي (زانية) تناديهم لج..
(عادل) : أقول يمه..(عبدالله) وأبوي للحين ماوصلوا؟؟
(أم عبدالله) : ماأدري يمه مو إنت معاهم؟؟
(عادل) : لايمه أنا في شركة وأبوي و (عبدالله) في شركة ثانية..
(أم عبدالله) : ألحين واصلين إنشاء لله..دق على (عبدالله) شوفه؟؟
(عادل) : إنشاء لله يمه..
(أم عبدالله) : (زانية).....(زانية)؟؟
(زانية) : yes??
(أم عبدالله) : روحي شوفي (إيمان و غزلان) خليهم ينزلون..بسرعة..
(زانية) : What??
(أم عبدالله) : وييييييييييه.. صج انتِ ماتعرفين عربي..
(عادل) : ههههههههه خليها عنج يمه..أنا أقول لها تناديهم..
(عادل) يكلم (زانية)..
(عادل) : Zaniah go to the girls to eat lunch
(زانية روحي للبنات عشان اييون يتغدون)
(زانية) : ok..
راحت (زانية) تشوف البنات وتقول لهم ينزلون يتغدون ولأن (حنان) بعد تبي تشوفهم..
(حنان) : ها خالتي عيل شلون تتفاهمين معاها؟؟
(أم عبدالله) : ايه..احنا الحمدلله عندنا خمس خدامات...السورية والمصرية والانجليزية وماأدري شنو...فذا أبيها أخلي وحده من هالعربيات تتكلم معاها..
وراحت (أم عبدالله) المطبخ تشوف الغدا...و (عادل) دق على رقم أخوه..
(عبدالله) : ألووو..
(عادل) : هلا والله (بو منصور)..
(عبدالله) يتحايل عليه : العفو..منو إنت؟؟ تعرفني..
(عادل) ايشوف الجوال إيه اسم (عبدالله) : العفو والله أنا كنت بدق على أخوي واظاهر غلطت بالرقم..مع السلامة..
(عبدالله) : تعال يالميهود....أنا (عبدالله).. ههههههههههههههههههه...صج نقدر نلعب عليك...ههههههههههه...
(عادل) : (عبدالله) هاذا إنت وأنا أقول إني موغلطان في الرقم..
(عبدالله) : أكيد سارح في المدام..
(عادل) يمسك كتف (حنان) ويقربها له : إيه عندك مانع؟؟
(عبدالله) : لا والله ماعندي مانع....بس شوي شوي على مخك...لا يطير منها..ههههههههههههه..
(عادل) : يطير وياها...وأنا بعد معاها...(يكلم حنان)...موشذي؟؟
(حنان) : .......................ماأدري....
وقامت عنه للمطبخ مع خالتها..
(عادل) : شفت (عبيد)..هاذي راحت وتركتني...
(عبدالله) يسوي حاله حزين عليه : أمبيه...وي عليه ياخوي ماتستاهل إي والله....راحت وتركتك؟؟......عظم الله أجرك.......إذا شفتك أعظم عليك أكثر......ماتستاهل ياخوي.........إهئ ....إهئ...
(عادل) : هييييييييييييييييييييه...شفيك إنت قالبها لي مناحة وعظم الله أجرك...شقالولك مرتي ماتت.. الله يعطيها طولت العمر إنشاء لله.. لاتفاول أحسن لك.. ههههههههههههههههه..
(عبدالله) : هههههههههههههههههههههههههه......المهم...شبغيت؟؟
(عادل) : إنت وينك ليش صيفت كل هالمدة إنت وأبوي؟؟
(عبدالله) : ليش إنت في بيتنا ألحين؟؟
(عادل) : إيه صار لي تقريباً ربع ساعة..
(عبدالله) يطالع الساعة : وإنطر بعد نص ساعة....لأن عندنا إجتماع بعد خمس دقايق.....وبعدي ماأحضر له...من سوالف معاك..
(عادل) يتصنع الزعل : صج والله....أنا الغلطان اللي أتكلم معاك....
وصك الخط بويهه....وإهو يضحك....
على طول صاح تلفونه....شاف (عبدالله)...رد عليه..
(عادل) بصوت غير : ألوووو..
(عبدالله) : حبيبي (بو مهند)...فديتك والله..
(عادل) يقلد عليه : العفو...إنت منو؟؟ تعرفني...........ههههههههههههههه..

**********

الأوراق قدامه وكاس الماي على جنبه العرق يصبب على جبينه..ياربي متى أخلص هالعفسة والله احترت أوقع هذي وله أقرا هذي.....شهاالحاله؟
كان قاعد على مكتبه في الشركة هو حييييييييييييل تعبان بس يالله باقي نص ساعة...ساعة بالكثير ويروح البيت من جد اليوم تعب في تعب..قعد في شغله لين مااندق باب مكتبه..
(عماد) : تفضل..
(محمد) السكرتير:أستاذ (عماد) (بو علي) ينطرك برا يقول يبيك ضروري أخليه يدخل؟؟
(عماد) : ولِّي..هذا شللِّي جايبه..ألحين عاد الثرثرة والزعزعة بدَّت هذا أنا بعد ناوي أروح البيت حيييييل يوعان بس نفتك من هاالمشكلة الي نزلت على راسي ونعاين من الله خير..
(محمد) : ها شقلت أستاذ (عماد) أخليه يدخل؟؟
(عماد) : إيه شناطر...ناقص بعد يروح يفضحني عند خلق الله يقول (عماد) طردني و (عماد) ماخلاني أدخل..انشوف آخرتها معاه بس..
دخل (بوعلي) وجلس مقابل (عماد)..
(بوعلي) : السلااااااام عليكم..ها (بو برهوم) شخبارك؟؟ شمسوي؟؟ وشخبار الوالد والأهل انشاالله بخير تراني حيل ولهان على أبوك..المهم انت قولي شعلومك وعلوم الشغل معاك؟؟ أشوفك قاطعنا ماتتصل ولا شي شسالفة؟؟
(عماد) في خاطره..(حشى حشى منك يا (بوعلي)..نعنبوو على الأقل خلني أرد السلام مو سين ورا سين سين ورا سين مو حاله هذي أنا يبيلي أقول لـ(محمد) من أول مايشوف رقعة ويهك يقول لك (عماد) مسافر..طلع..عنده اجتماع..يخترع لك أعذار من تحت الأرض..مو حاله هذي..حشى..)
(بوعلي) : هييييييييييييييييه (بو برهوم) وين وصلت؟؟ سارح في منو؟؟ ها قول قول سرك في بير...تراني ماأعلم احد..
(عماد) : لاوالله لاسارح ولا شي المهم بغيت شي بخصوص الشغل؟؟ ليكون على موضوع المعرض؟؟ تراني قلتك رايي فما يحتاج تعيد الموضوع مره ثانيه..
(بوعلي) : ليش ياخوي؟؟ انتوا ماشاالله عندكم بدال الواحد عشره فلو تسمح بعد رضاك استغنى عن هذا وتوكل على الله ها شقلت؟؟
(عماد) وروحه طالعة (ياخي ماأبي أبيعه غصب اهو ) : يا (بوعلي) شاقولك المعرض ماأقدر أبيعه لأن سيولته كبيرة واايد والموقع اللي فيه ممتاز فاالسموحة منك وانشاالله تلاقي لك ذاك المعرض السنع اللي يهز اسمك بالكويت كلها..في خاطره (المينون الي بيرضى يتعامل معاك)..
وقف (بوعلي) عشان يطلع : يعني هذا آخر كلامك؟؟
(عماد) : ايه وأنا قلتلك من زمان إني ماراح أبيعه..
(بو علي) : ياالله نشد حيلنا ونشوف لنا واحد....ياالله (بو إبراهيم) أخليك الحين فمان الله..
وراح عند الباب بس وقف..
(بو علي) : ولا تنس تسلم على أبوك والأهل..مو تنسى..يالله مع السلامة..
(عماد) وأعصابه بتطير : الله يسلمك..
طلع (بوعلي) و (عماد) ماصدق على حاله انه افتك و بيرجع البيت يتغدى لأن أهله مساشييييييييييين أكيد قاعدين ينطرونه..خلص الأوراق كلها وطلع ركب سيارته وهو يشغلها إلا يرن جواله..شاف الإسم (زهرة الحب) ابتسم ورد عليها : هلا (بأم إبراهيم)..فديت هالصوت والله..
(زهره) : هلا فيك..وينك (بو إبراهيم) ليش متاخر؟؟ صاير شي بالشركة؟؟
(عماد) : لاوالله سلامتج بس جاني اللي طلع طوري فعشان شذي تأخرت..
(زهره) : هههههههههه أكيد (بو علي)؟؟
(عماد) : أكو غيره.......المهم ليكون نجبتوا الغدى؟؟
(زهره) : لاوالله؟؟ وأنا أقدر أتغدى من دونك؟؟
(عماد) : أصيله والله..يالله مسافة السكة وانا عندكم..
(زهره) : توصل بالسلامه..
(عماد) : الله يسلمج..
سكر من عندها وفي خاطره الغدا و شنو طبخت مرته؟؟ ولا ذاك المشبوس ويلي ويلاه..

**********

(.........) : ههههههههههههههههههه خلاص حبيبي والله بسْتين من الضحك بطني كاهو يألمني ياعيني عليك والله..
(فادي) : سلامتش حبيبتي علّه فيني ولا فيج....أقول (مرّوي) حياتي..
(مروة) : عيونها...
(فادي) : متى أقدر أشوفج؟؟ تراني مليت من التلفون..
(مروة) مرتبكة : شنو؟.تشوفني؟؟..............تدري حبيبي ماأقدر أطلع معاك أخاف يشوفني واحد من إخواني بعدين أروح فيها..
(فادي) بزعل : عيل خلاص ماابي أكلمج مرة ثانية..باي
(مروة) : (فا....
(فادي) ماخلاها تكمل سكر الخط بويهها ماعنده إلا كل يوم مطنشة مع هالبنات إلي تبي فلوس وإلي تبي أدفع رصيدها وإلي.....الخ بس أقولهم خل أشوفج تنصدم كأنه سهم ياي لها...أنا مليت..بس صح أنا سجلت رقم (فاتن) ليه ماأكلمها وسوي وياها علاقة بعد..ياحظك يا (فادي) بتكلم منو...
دق على تلفونها...
(فاتن) كانت تقرى رواية (الحب للمرأة فقط) ومندمجة معاها لين صاح تلفونها وتخرعت (عاد (فاتن) هاذي كله تتخرع) شافت رقم غريب...منو هذا؟ يالله يولِّي...صكت بويهه.. مامرت خمس دقايق...إلا اهو متصل مرة ثانيه..ياألله منو هذا أصك التلفون أحسن.....صكت تلفونها ورجعت للرواية..
خل نشوف شنو صار في (فادي)..
(فادي) اتصل مرة ثالثة التلفون مغلق ياربي ليش ماتعطيني ويه...إلا يضرب راسه بخفيف و يقول لنفسه شلون تعطيك ويه واهي ماتعرفك...أكيد اهي ماترد على الأرقام الغريبة لكن وين تروحين مني يا (فتون) ياااااااااااي من يوم ماسمعت صوتج وإنتِ كله في بالي...الله يعيني بس إذا شفتج..أكــــــيد قُمر..وأحلى من القُمر..
انسدح على السرير وقعد يلعب بالجوال لين مانام..

**********

تحت بالصاله..
(إيمان) : هههههههههههههههههههه صج والله؟؟ ماصدق (فروحه) هالصغيرة هذي تسوي في (عادل) شذي...حشى منج انتي..(وهي تقرص خدها)..
(فرح) : أنا مو صغيرة أنا أصلاً عمري عشر سنين وجريب بدخل الـ11
(إيمان) : حركات والله..عيل نسوي لج..بيرث داي..شرايج؟؟
(فرح) : أكيد..وتييبون لي كيكة شبيرة بس ماحد بياكل منها..إلا أنا...
(إيمان) : حشى منج ياالبخيلة..ههههههههههههه
(حنان) : انتِ لو بس شايفة المظهر شلون جان فقعتي ضحك...ههههههههههههه
(إيمان) تكلم (فرح) : وانتِ ياالسوسه ليش تسوين في بابا شذي بعدين يزعل..و مايسوي لج بيرث داي حلو..
(فرح) : اهو مارضى يعطيني شكلاته فأنا أخذت العصير و بووووم على ثيابه..
(إيمان) : ههههههههههههههههههههههههه ياالله إذا أتخيل الموقف شلون..ههههههههههه مسشين ياخوي أي والله مسشين..
(عادل) : شسوي بعد..لاوقامت أخذته من مخباتي بعد مابدلت الدشداشه..
(إيمان) : الله عليك يا (فرح) عليك حركااااات والله..
(حنان) لاحظت إن (غزلان) ماتشاركهم بالسوالف ولاتضحك معاهم مع انها اهي اللي تونس البيت...
تكلم (إيمان) بصوت واطي : أقول..شفيها (غزلان) مبوزة شذي؟؟
(إيمان) : (غزلان)؟؟....ايه اظاهر انها كانت بتطلع بس أمي مارضت..
(حنان) : ليش؟
(إيمان) : مادري والله...كاهي عندج سئليها..
(حنان) : أخاف أسئلها وتزفني..
(عادل) : شنو تزفج أصغر عيالها انتي؟؟
(حنان) :أمرنا لله........(غزلان).....(غزوول)..
(غزلان) كانت تشاهد التلفزيون ولاعاطتنها ويه مع أنها تسمعها لين ماناداها (عادل) : (غزلان)..(غزلان)..
(غزلان) التفتت لهم : خير...شتبون؟؟
(حنان) : شفيج ماتضحكين معانه؟
(غزلان) بغير نفس : مالي خلق..
(حنان) : علامج؟؟
(غزلان) : مالي مزاج..اليوم مزاجي مرره متعكر وماني فاضية لأحد..كفاية أصلاً جالسة معاكم ومتحملة سوالفكم البايخة..والله..
(عادل) بعصبية خفيفة : (غزلان)!!
(حنان) : انزين شفيج؟؟
(غزلان) بعصبية و صراخ : اوووووهووووووووووووه...قلت لج مالي خلق خلاص عاد ماصارت..غصب؟؟
وصعدت فوق لدارها واهي منقهرة..و (عادل) تم ينادي عليها واهي مطنشة..
(حنان) : شفيها؟؟
(عادل) : ماأدري عنها..
(إيمان) : ماعليه (حنون) (غزلان) طبعها شذي اذا تزعل ولاّ تعصب تتصرف شذي..
(حنان) : بس انا قلتلها شفيج بس..
(إيمان) : ماعليه انا ألحين أروح أشوفها عن إذنكم..
(إيمان) توها بتقوم إلا تمسكها (فرح) من تنورتها..
(فرح) : عمتي (إيمان) أبي حلاوه..
(إيمان) : أدري عنج انتي تاخذين من الحلاوة اللي بداري بس بمشيها لج...امشي معاي
(مهند) طار (لإيمان) : أنا بعد أبي..
(إيمان) : ههههه يللا ياقلود أختك..
صعدت (إيمان) مع العيال لدارها وعطتهم اللي يبون وقالت لهم يقعدون يشاهدون التلفزيون واهي ألحين بتيي..
راحت (إيمان) لغرفة أختها ودقت الباب..
(غزلان): منو؟؟
دخلت (إيمان) و شافت أختها على الكمبيوتر أكيد عالنت..
المسجلة حاطتها على الأغاني و عاد صوت (نانسي عجرم) يهز الغرفة..
(إيمان) وإيدها على أذونها : قصري عليه وين قاعدة انتي...بقهوة؟؟؟ نعنبوو دارج....قصري عليه..
(غزلان) : والله داري وانا حرة..
(إيمان) راحت وطفت المسجلة : إنتِ ماتقولين لي شسالفتج اليوم؟؟
(غزلان) : والله لاني فاضية لا لخوج و لا لمرته مو تحكرني أمي في البيت عشانهم..
(إيمان) : اه... قولي شذي......أمي مارضت تطلعين حطيتِ حرتج على هالمسشينة..
(غزلان) : (إيمانوه)...تراني مالي خلقج انتي الثانية يوزي عني أحسن ولو سمحتي طلعي من داري بسرعة..
(إيمان) : بطلع بكرامتي من حلاة ويهج عشان أجابله.....مالت عليج ..
(غزلان) : أحلى من ويهج على الأقل..
(إيمان) : ويييييييييييييه انتِ أصلاً تحلمين بنص ملمح من ملامح ويهي..
(غزلان) : أقول طلعي عني بس..
(إيمان) : هين يا (غزلوه) أوريج شوفي شبسوي لج..
(غزلان) ماعطتها ويه..
و (إيمان) طلعت..تتوقعون شنو سوت..طبعا (غزلان) شابكة من خط الصاله عشان أي وحدة من رفيجاتها تدق تلاقيها على تلفونها اللي بالغرفة فراحت (إيمان) للتلفون اللي بالصاله وشالت الواير..
اعتفس النت على (غزلان) وتخربص كل اللي كانت فاتحته..فطلعت اتشوف شصاير..شافت (إيمان) رايحة غرفتها و اهي تضحك..وشافت الواير مب مكانه..
(غزلان) : تشوفين يالخبله هين أوريج....ألحين انصك كل اللي فتحته شلون تبيني أسويه مرة ثانيه..
(إيمان) : تستاهلين هذي حوبتي وحوبة (حنان)..
(غزلان) واهي تطق ايدها على الثانية : سليمة تصكم كلكم...مالت عليكم..
(إيمان) : ههههههههههه لاتنسين روحج معانا...
ودخلت دارها تشوف عيال اخوها..
و (غزلان) راحت دارها بعد مارجعت الواير و اهي منقهرة حييييل من (إيمان)...

**********

كانوا متلبسين ومتكشخين وأحلى عطر ومكياج وهدوم....دخلت عليهم أختهم بعد مادقت الباب....
(سارة) متعجبة : شنو هاذا؟!!
(رؤى) : شنو...في شي؟؟
(سارة) : شهالمكياج القوي اللي حاطته إنتي وأختج وهالهدوم بتطلعون فيها شذي؟؟
(نسرين) وإهي تناظر حالها في المرايه وتعدل من ثيابها : والله يا أخت (سارة) ما طلبنا رايج عشان تيين تقولي لنا وثاني شي لا إنتي أمنا ولا أبونا عشان تحكمينا على تصرفاتنا....فاهمة؟؟؟ وليكون انتي الشبيرة وإحنا الصغار عشان تعطينا أرائج ونصايحج.....(تلتفت لرؤى وإهي تاخذ جنطتها بعد ماحطت أغراضها اللي تبيهم) يالله (رؤى) نمشي..
(رؤى) وإهي حاطة إيدها على راسها : يالله مالي خلق عوار الراس...
وباعدوا (سارة) عن الباب....وطلعوا من البيت..
(سارة) جلست تبجي..مو معقولة اللي يصير في هالبيت..أمي ماتدري عن حالنا..ومشتغلة لنا إذاعة..وأبوي ديوانيات وقهاوي...وخوات ماهمهم إلا برا البيت ومكياج ولبس ما أدري شلون..وهاذاك كل يوم ماعنده إلا أبي فلوس وبس...
وكملت بجي....لين ماسمعت دق على الباب...ياربي منو اللي ياي هالحزة...الكل عنده مفاتيح البيت..وماكو حد إلا أنا.....الله يستر..
وراحت تشوف الباب...إلا تطلع صديقتها المقربة..(ريم)..
(سارة) : هلا والله...شلونج؟؟
(ريم) : ألحين تسئليني شلوني..وينج يالقاطعة ماتسئلين ولا شي..بس ولا يهمج لوني أحمر..هههههههههه..
(سارة) : هههههههههه...أول شي هلا فيج وثاني شي أنا كل يوم أدق على بيتكم يقولون طلعتي مع هاذي ومع هاذيك...
(ريم هاذي صديقة سارة من زماااااااان لأنها يارتهم فتعرفت عليها ودارية بكل اللي ايصير مع سارة في البيت بس إهي تحب تقعد مع خواتها لأنهم مهتمين بالموضة وكلام اليوم و (سارة) على حالها وهاذي البنت مو قليلة بعد تطلع مع شباب وتكلمهم بالنت وتتصل فيهم عادي وسارة ماتدري عن شي...الريم في عيونها صديقة حلوة وتفهمها)..
(ريم) : وليش ماتدقين على جوالي؟؟؟ تدرين إن عندي جوال..
(سارة) : ماعندنا صفر عارفة بالحال..
(ريم) : للحين على حالكم ماركبتوا لكم صفر..
(سارة) بحزن : إي والله يالريم ماأدري لمتى بتستمر هالحالة...
وجلسوا سوالف لين مادخل عليهم (بشّار)...بس ما انتبه لـ(الريم)..لأنها وخرت ويهها عنه..
(بشّار) بصراخ : يمه......يمه....وين أمي؟؟
(سارة) : أمك طلعت..وبعدين الناس إذا تدخل تسلم بالأول..
(بشّار) : مو فاضي لج...وين أمي؟؟
(سارة) : قلت لك طلعت..
(بشّار) بصراخ أكثر : روحي شوفيها عند الييران ولا لا...خلصي...
أخذته (سارة) و طلعت معاه برى الدار...
(سارة) : شفيك إنت..داش علينا شذي ما تقولي شتبي؟؟
(بشّار) : أبي فلوس..
(سارة) : ليش الفلوس؟؟
(بشّار) : علبة الزيقاير خلصت...وتلفوني النقال مافيه رصيد... وبعد بطاقة الانترنت خلصت خلصيني أبي فلووووووس؟؟
(سارة) : حق الأمور البطالية تبي فلوس...مو أحسن إن تشوف البيت شنو ناقصه وشنو نبي وشنو نحتاج؟؟
(بشّار) : ويييييييييييه...ماني متفيج لج...بتعطيني فلوس ولا لا؟؟
(سارة) : لا مابعطيك..
إلا (الريم) بتطلع...من الباب الثاني..
(الريم) : عن إذنج (سارة) أزورج وقت ثاني..
(سارة) : لا نطري.....شوف إذا مايزت عن سوالفك...لأخلي أمي تقطع عنك المصروف..
(بشّار) : وااااااااااااي...اللي يسمع ألحين بتطيعج أصلا إهي مو فاضية لج عشان تسمع منج شي..أقول بتعطيني فلوس ولا لا؟؟
(سارة) : قلت لا..

**********

كانت قاعدة عالنت تفتح بهالمواقع ماخلَّت موقع مافتحته شوي إلا طلعت لها إضافة عالمسنجر من واحد أو وحدة نك نيمه أو نك نيمها : (كثير الناس من حولي ولكنهم علي أغراب وكل أحبابي لو جوني أظل لشوفتك أشتاق) (غزلان) : منو هاذا ما أعرفه؟؟ يمكن وحدة من رفيجاتي مسويه لها إيميل يديد..
وقبلت الإضافة وكان شابك أو شابكة...ألحين تعرفون ولد أو بنت..
وكان فاتح فما إتكلمت تحارس إهو أو إهي يكلمها أو تكلمها..

(كثير الناس من حولي ولكنهم علي أغراب وكل أحبابي لو جوني أظل لشوفتك أشتاق) : هاي..

(غزالة الحب) :منو إنت؟؟

(غزالة الحب) :ومن وين عرفت ايميلي وليش اضفتني ومنو اعطاك الايميل.....الخ

(كثير الناس من حولي ولكنهم علي أغراب وكل أحبابي لو جوني أظل لشوفتك أشتاق) : بسم الله شوي شوي علي..

(غزالة الحب) :
بسرعه رد علي..

(كثير الناس من حولي ولكنهم علي أغراب وكل أحبابي لو جوني أظل لشوفتك أشتاق) :
إنتي بنت؟؟

(غزالة الحب) : إيه عندك مانع؟؟

(كثير الناس من حولي ولكنهم علي أغراب وكل أحبابي لو جوني أظل لشوفتك أشتاق) : لا بس أنا غلطان إختي كنت بضيف رفيجي وإظاهر طلع الإيميل غلط..

(غزالة الحب) : وليش تغلط..عمي ماتشوف؟؟

(كثير الناس من حولي ولكنهم علي أغراب وكل أحبابي لو جوني أظل لشوفتك أشتاق) : إختي قلنا آسف..عن الغلط من البدايه ماسكتها تحقيق معاي..

(غزالة الحب) : عجل تضيف بنات الناس وما تبي أحد يحقق معاك..والله شباب فاضيه ماعندها سالفه..

(كثير الناس من حولي ولكنهم علي أغراب وكل أحبابي لو جوني أظل لشوفتك أشتاق) : أقول إختي فرصه سعيدة وآآسف مرّه ثانيه وممكن انج تحذفيني أو تحضريني إذا مو عاجبج الوضع..

(غزالة الحب) :
يعني شنو تقصد؟؟

(كثير الناس من حولي ولكنهم علي أغراب وكل أحبابي لو جوني أظل لشوفتك أشتاق) :
أقصد مع آلف مع السلامة..

(غزالة الحب) :
ليش ماظن كلامي يزعل..

(كثير الناس من حولي ولكنهم علي أغراب وكل أحبابي لو جوني أظل لشوفتك أشتاق) :
لا بس أنا مشغول شوي....باي..

(غزالة الحب) :لحظة..لحظة..

(كثير الناس من حولي ولكنهم علي أغراب وكل أحبابي لو جوني أظل لشوفتك أشتاق) :
هلا...تامرين بشي..

(غزالة الحب) :
لا سلامتك بس ماقلتلي شنو اسمك..

(كثير الناس من حولي ولكنهم علي أغراب وكل أحبابي لو جوني أظل لشوفتك أشتاق) : هههههه ليش مهم؟؟

(غزالة الحب) :
وليش الضحكة ماظن كلامي يضحك..

(كثير الناس من حولي ولكنهم علي أغراب وكل أحبابي لو جوني أظل لشوفتك أشتاق) : لا أبد لكن كلامج في البداية غير و ألحين غير..

(غزالة الحب) :طيب آسفة على السؤال...باي..

(كثير الناس من حولي ولكنهم علي أغراب وكل أحبابي لو جوني أظل لشوفتك أشتاق) :
باي

ضلت (غزلان) حاقدة عليه لأن إستفزها وماعطاها ويه...بس شكله وناسة مو من هالشباب إللي مايصدقون بنت تكلمهم إلا على طول هبّوا...دق باب غرفتها قطعت الاتصال وراحت تشوف منو عالباب..
كانت أمها..تبيها تنزل تقعد وياها لأن ماكو أحد بالبيت إلا إهي..
(غزلان) : هلا يمه..
(أم عبدالله) : يمه نزلي قعدي وياي البيت فاضي ماكو أحد بالبيت..
(غزلان) : ماكو أحد!!...ليش وين راحوا؟؟
(أم عبدالله) : أبوج و (عبد الله) بالشركة تغدوا وراحوا و (إيمان) طلعت مع رفيجتها و (فادي) هم طلع مع رفيجه..و (أمل) راحت تزور أهلها..
(غزلان) عصبت : شنو شنو شنو؟؟ كلهم طالعين وأنا هني بروحي..أنا عاذرة أبوي و (عبد الله) بس (إيمان) و (فادي) يطلعون ويخلوني لكن هين خلهم يردون بس..
(أم عبدالله) : شفيج عصبتي والله ماحد قالج ماتطلعين معاهم..
(غزلان) : صج يمه؟؟ مو إنتي اللي قلتيلي طلعي باشر اخوج بجي يتغدا عندنا؟؟
(أم عبدالله) : إيه صج..المهم تعالي نزلي قعدي وياي..
(غزلان) : انشاالله يمه انتي نزلي و انا وراج..
نزلت (أم عبدالله) ودخلت (غزلان) دارها واهي تفكر..ياربي شسوي أجلس مع أمي؟؟ ايه صح!! مسلسلي بيبدا ألحين خل ألحق عليه..و (إيمانوه) و (فاديوه) خل ينطرون و شوف شبسوي فيهم يطلعون ولا ياخذوني معاهم..
نزلت (غزلان) و جلست مع أمها واهي تغير في القنوات لين لقت قناتها...

**********

كانت تسوق سيارتها وهي تسمع أغنية (عيشالك) لـ(أليسا) وتدندن معاها لين وصلت لبيت رفيجتها طلِّعت تلفونها ودقت على (إيمان)...
ماترد هاذي حالتنا لازم يعني أنزل وأشوفها نزلت (فاتن) من سيارتها وراحت عند الباب ودقت الجرس فتحت ليها (ميرا) السورية..
(فاتن) : السلام عليكم...وين (إيمان)؟
(ميرا) : وعليكم السلام...(إيمان) هلأ فوء تفضلي وأنا أناديها..
دخلت (فاتن) وجلست بالصالة وصعدت (ميرا) لدار (إيمان)...
شوي ونزل منو؟؟ تقولون (إيمان) لا..نزل أبو المياعة (فادي) شاف بنت جالسة بالصالة نزل بهدوء عشان ماتسمعه وتقوم..انتبه شوي قال هاذي مو (أمل) ولا (غزلان) ولا (إيمان) و لا (حنان) لأنهم توهم رايحين منو تتطلع خل أقرب وأشوف..قرب أكثر وأكثر لين وصل عندها..
هااااي..قالها (فادي)..
(فاتن) تخرعت فقامت على طول عشان بتطلع...(فادي) مسك إيدها (فاتن) وقفت وقعدت تناظره انتبه انه ماسك يدها فشالها على طول بس وين يخليها..
(فادي) : شنو هالقُمر اللي جالس في بيتنا؟؟ عطينا ويه شوي..
(فاتن) في خاطرها (من جد قليل أدب شلون يتكلم معاها شذي هاذا أكيد (فادي) (إيمان) وااايد تتكلم عنه وعن سوالفه المايعة فجات لها جرأة مو طبيعية وطلعت الكلمة اللي ماقالتها لأحد) : وقح..من جد وقح وماعندك احترام..
وطلعت من البيت واهي حييييل منحرجة شلون قالت شذي مهما كانت تبقى بنت بس اهو بعد زودها شلون يت له الجرأة انه يمسك ايدها لكن هالشباب تتوقع منهم كل شي..أما (فادي) مااهتم ولاشي مو أول بنت ولا أخر بنت بس في خاطره..(خوش وحدة هاذي وراها وراها..) طلع برا البيت شاف سيارة اكس فايف عنابية وشاف البنت واهي تتكلم..
دخل داخل شاف (إيمان) نازلة واهي بعد تتكلم : كاني عند الباب يلا باي..
وقفها (فادي) و (إيمان) عصبت عليه هاذا اليوم مو تاركها : خلصني شتبي رفيجتي تنطرني برا بعدين قول شعندك..
وطلعت قبل مايقول ولا حرف بس عرف وكون بخاطره منو هالبنت هاذي أكيد (فاتن) جايه لـ(إيمان) عشان تطلع معاها ياالله حلوووووووووة مو بس حلوة إلا تطير العقل لكن وين أتركها..
راحت (إيمان) لـ(فاتن) ودخلت السيارة : سوري (فاتن) تأخرت..
(فاتن) ماردت كانت سرحانه..
(إيمان) : (فاتن)..(فتووووون)..
(فاتن) انتبهت : ها...وينج فيه كل هالمدة؟؟
(إيمان) : انتي اللي وينج دخلت السيارة و صار لي ساعة أكلمج ومو معبرتني..
(فاتن) : لا..لا ماكو شي..يلا نمشي..
(إيمان) مستغربة : يلا..
وحرِّكت (فاتن) سيارتها وفي خاطرها (فادي) واللي سواه قبل شوي..

نهاية (الجزء الثاني)..
(غزلان) بتكلم اللي كلمها عالمسنجر مرة ثانية؟؟
(فاتن) مين بيكلمها واهي في المجمع؟
الرفيجتيتن (فاتن و إيمان) شبصير لهم هناك وشنو بيشوفون؟
كل هذا بالفصل الثاني من (ما مصير حبي؟)..
تااابعونا..

إنشاء لله عجبتكم.............هاذا الفصل الأول وردودكم إهي إللي تحكم على القصة إذا كانت حلوة أو لا..............أنطركم....وإللي يبي ينقلها إيقول لي بس باسمي...وإذا شفت ردودكم بكملها أو بانسحب وأشوف في منتدى ثاني.....مع تحياتي...
أختكم : (القــــلب المتــــــعذب)..[/align]

نمررووووو · July 15th, 2005, 06:21 PM

[frame="7 80"]ياهلا فيك اخت القلب المتعذب

القصه جميلة جدا والاجمل انها من تاليفك وهذا يدل على سعة خيالك وجمال اسلوبك في الطرح فهنيئا لك بهذه الموهبة الفذه
ولكن لي ملاحظه

القصه طويله جدا وقد لا يرتادها العدد المطلوب من القرّاء لذا عليك في المرة القادمه ان تكون اقصر من ذلك حتى يتكمن الجميع من القراءة دون ملل

ومع انها مخالفه للشروط لكونها طويله هنا فلن احذفها لسببين فقط
اولهما: انها من تاليفك وانك بذلتي جهدا كبيرا فيها وتستحق القراءة فعلا
وثانيهما: تشجيعا لك على تنمية موهبة التاليف والكتابة والحضور والمشاركة

[blink]لا تنسي انتظر بقية القصة[/blink]

اشكرك مجددا على هذه الاطلالة الرائعه واتمنى لك التوفيق000لاتحرمينا تواجدك[/frame]

القلب المتعذب · July 15th, 2005, 08:40 PM

أهلين أخوي نمرووووووو..
أخوي مشكوووووور واااااااااايد على مرورك وكلامك باين إن القصة عجبتك وايد..
بصراحة أنا آسفة على الاطالة وماأدري إن القصص الطويلة تنحذف لأني صار لي مدة مافتحت النت...تقريباً ثلاث شهور وأكثر قاعدة أكتب هاذي القصة وتقريباً صار لي في الوورد 157 صفحة يعني فصول وايد ماأدري تبوني أكملها أنزل الباقي ولا إكتفيتوا من هالفصل أنا ناطره ردودكم وكلامكم..
أختكم..الـــــــــــقلب المـــــــــــــتعذب..
تسلم أخوي نمروووووووو..
مع ألف تحية..

القلب المتعذب · July 15th, 2005, 08:44 PM

شنو...ماحد يبي يرد علي؟؟

القلب المتعذب · July 16th, 2005, 08:45 PM

وينكم؟؟
دخلوا منتوا خسرانين شي..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مصير جروحنا تذبل....	عواصف ندم	منتدى الشعر	16	October 4th, 2008 12:52 AM
لأهل الذوق شو رايكم أحبابى فى توقيعى الجديد؟؟	][^^][انس][^^][	منتدى الرسوم والتصاميم	43	November 16th, 2003 02:01 AM
مئة نك نيم للمسنجر	نورررر	منتدى الكمبيوتر والإنترنت	9	November 13th, 2003 07:38 PM
لعبة الساحر والمسحور	@ سرمدية @	منتدى المواضيع المكرره	314	October 19th, 2003 06:10 PM
طرق علاج امراض النفس بالقرآن الكريم	tefa	قسم القران الكريم وعلومه	2	July 1st, 2003 08:16 AM

July 15th, 2005, 06:21 PM	رقم المشاركة : 2
نمررووووو مشرف منتدى القصص والروايات الملف الشخصي الحالة	[frame="7 80"]ياهلا فيك اخت القلب المتعذب القصه جميلة جدا والاجمل انها من تاليفك وهذا يدل على سعة خيالك وجمال اسلوبك في الطرح فهنيئا لك بهذه الموهبة الفذه ولكن لي ملاحظه القصه طويله جدا وقد لا يرتادها العدد المطلوب من القرّاء لذا عليك في المرة القادمه ان تكون اقصر من ذلك حتى يتكمن الجميع من القراءة دون ملل ومع انها مخالفه للشروط لكونها طويله هنا فلن احذفها لسببين فقط اولهما: انها من تاليفك وانك بذلتي جهدا كبيرا فيها وتستحق القراءة فعلا وثانيهما: تشجيعا لك على تنمية موهبة التاليف والكتابة والحضور والمشاركة [blink]لا تنسي انتظر بقية القصة[/blink] اشكرك مجددا على هذه الاطلالة الرائعه واتمنى لك التوفيق000لاتحرمينا تواجدك[/frame]